T
Travel Secrets
:: مسافر ::
قبل ما تحجز تذكرة طيران أون لاين لازم تقرا الكلام ده كويس >>>> أخطرها الأخيرة
مش حننكر أن أغلبنا دلوقتي بيتجه لحجز تذكرة الطيران اون لاين بنفسه علشان يوفر تكاليف عمولة مكاتب السياحه و كمان تكون ليه حرية اختيار التاريخ الأرخص . و يقدر و هو في بيته يعمل مقارنه ما بين أكتر من 100 موقع حجز اون لاين , بس فيه شوية حجات مهمه أوي لازم ناخد بالنا منها و احنا بنحجز تذكرة الطيران أون لاين
1) موقع www.skyscanner.com ليس موقع حجز و لكنه موقع بحث فقط , وظيفته يبحثلك عن كل شركات الطيران المسافره للوجهه اللي حددتها و يجيبلك سعرالتذكره اللي أخترتها في أغلب مواقع الحجز العالمية
2) بعد ما تختار رحلة الطيران المناسبه ليك من موقع سكاي سكانر حيظهرلك مواقع حجز مختلفة كتير يحولك عليها علشان تكمل عملية الحجز مثل expedia, ebookers,flyin, airtickets, travelstart, gotogate و غيرها
3) بعض المواقع غير موثوق فيها و خلي بالك مش كل موقع بيعرضلك سعر رخيص تتسرع و تدخل تحجز منه , ممكن جدا بعد ما تعمل الحجز و المبلغ يتخصم بالفعل من الكريدت كارد, التذكره متوصلكش , طيب نعرف ان الموقع موثوق منه ازاي :
• اول حاجه تدخل على موقع www.trustpilot.com و تكتب اسم الموقع اللي عاوز تحجز منه و تقرأ رأي الناس فيه و تجاربهم عليه
• تاني حاجه تدخل على موقع tripadvisor.com و تعمل نفس الكلام و تشوف رأي الناس لو لاقيت الأغلب من الناس بيقوله أنه موقع موثوق فيه تدخل تتعامل معاه لكن لو لاقيت أراء كتير سلبية الأفضل تتجنبه
• تتأكد هل الموقع متوفر فيه رقم اتصال دولي تقدر تكلمهم عليه ؟ و ياريت تجرب تتصل بيهم و تشوف لو حد حيرد عليك , كل ما كانت فيه وسائل اتصال أكتر كل ما كان الموقع ثقة أكتر
• هل الموقع secure و لا لأ ؟ يعني مكتوب قبل ال URL انه مؤمن فتقدر تستخدم عليه بطاقات أئتمانيه بدون مشكله لأن معلومات البطاقات الأئتمانيه في الحالة دي عند التعامل على الموقع بتكون مشفره فميقدرش يستخدم البطاقة في سرقة اموال منها , لو ملقتش الكلمه دي مكتوبه أحذر انك تستخدم بطاقتك الأئتمانيه عليه
4) احترس بعض المواقع بيكون عليها السعر غير محدث فلا تتسرع و تختار أرخص سعر موجود لأن احتمال كبير يكون السعر الظاهر نتيجة بحث قديم و لم يتم تحديثه على الموقع , لما تدخل على الموقع و تكتب كل البيانات و توصل لصفحة الدفع حتلاقي السعر اتغير تماما
5) لا تتسرع و تحكم على السعر رخيص أو غالي على أي موقع غير لما توصل لأخر خطوة و تختار طريقة الدفع و تشوف المبلغ الاجمالي طلع كام لأن غالبا حيتم اضافة خدمه أو ضرائب اضافية غير عمولة البنك و الكريدت كارد ( بيتم تحديدها حسب البنك )
6) مش كل مواقع الحجز بتحجزلك التذكره مع حقيبة و خاصه في الطيران المنخفض التكاليف ( في بعض الأوقات اضافة شنطة لحجزك ممكن تكلف أكتر من ثمن التذكرة)
7) أنصحك لو مافيش فرق كبير في السعر بين ال online agent و بين موقع الطيران الرسمي نفسه , يبقى الأفضل تحجز من الموقع الرسمي لشركة الطيران مباشره على الأقل تقدر ترجعلهم في مقرهم لو فيه أي مشكله أثناء الحجز
8) لو قدرت أنك تدفع سعر التذكرة كاش فحيكون أفضل كتير لأنك بكده حتوفر على الأقل 3% عمولة كريدت كارد
9) خلي بالك من نقطة مهمه بعض المواقع بترفض اتمامك للحجز و الدفع لو مكنتش صاحب البطاقة الأصليه المحجوز بيها التذكره ( للأسف طيران الامارتية حاليا بيعمل كده ) و خاصة اذا كان السفر من دول أو إلى دول معينه يعني لو حتحجز ببطاقة صديقك علشان تسافر من القاهره الى بانكوك مثلا مش حيقبل عملية الدفع و لازم يكون الاسم الأخير لأحد المسافرين مطابق لاسم صاحب الكريدت كارد , و بعض شركات الطيران في اسيا زي بانكوك اير ( ممكن يقبل الدفع و يخصم المبلغ فعلا و يبعتلك التذكره و في المطار حيطلب منك الكريدت كارد لو طلع الاسم غير مطابق لصاحب التذكره أو لم يكن أحد المسافرين في نفس الحجز حيرفض صعودك على الطائرة و حيجبرك على دفع سعر التذكره كاش و بعدها بيتم رد المبلغ مره أخرى على نفس الكريدت كارد ( و لكن بعد شهر )
10) لو حتحجز بكريدت كارد مش خاصة بيك ( ملك لصديقك مثلا ) بعض المواقع بعض ما يخصم المبلغ بالفعل , ممكن يطلب منك Authorization letter و ده زي ابليكشن أو تفويض من صاحب الكريدت كارد الأصليه أنك تستخدم بطاقته في حجز تذكرتك و ممكن يطلب منك صورة الكريدت كارد اللي تم بيها الحجز و صورة من باسبور صاحب الكريدت كارد ( ده اجراء روتيني و مافيهوش مشكله للتأكد من ان البطاقة ليست مسروقة ) و لكن ملحوظة مهمه : أياك ان ترسل صورة كامله للكريدت كارد ,لازم تخفي الثمانية أرقام في منتصف رقم الكريدت كارد ,و تخفي كمان ال ccv ( ال 3 أرقام في ظهر الكريدت كارد ) و بيكون ظاهر في الصورة فقط تاريخ الصلاحيه و اسم صاحب البطاقه و نوعها و أول و أخر 4 أرقام فقط من رقم البطاقة , و ده المطلوب فقط للتحقق
نصيحة أخيرة : عملية حجز تذكره الطيران اون لاين مش صعبة و في نفس الوقت مش سهلة و ناس كتير للأسف بتضيع عليهم فلوس كتير نتيجة أخطاء بسيطه أثناء الحجز زي كتابة الأسم خطأ أو تبديل الأسم الأول مكان الأخير أو تحط تاريخ مش صحيح أو بيانات جواز سفر غير صحيحة او متكونش عارفه سياسة تعديل أو الغاء التذكره ( لأن غالبا مش بتكون واضحه أثناء الحجز في بعض المواقع) و في الأخر أي تصحيح أو تعديل للأسف حيكلفك مبالغ اضافيه كتير و ممكن يكلفك تمن التذكره بالكامل و لو حتعمل الموضوع ده بنفسك أنصحك تنفذ الخطوات السابقه بالظبط و لا تستهين بالموضوع
لو حد حصل معاه موقف سيء أثناء حجز تذكره أون لاين أو استخدمت موقع و طلع للأسف نصابين ياريت تعرفنا في الكومنت. و لو الموضوع عجبك و حاسس أنه مهم أعمله شير علشان غيرك يستفيد منه
By: Bahaa
#احذر_الحجز_اونلاين #travelsecrets
مش حننكر أن أغلبنا دلوقتي بيتجه لحجز تذكرة الطيران اون لاين بنفسه علشان يوفر تكاليف عمولة مكاتب السياحه و كمان تكون ليه حرية اختيار التاريخ الأرخص . و يقدر و هو في بيته يعمل مقارنه ما بين أكتر من 100 موقع حجز اون لاين , بس فيه شوية حجات مهمه أوي لازم ناخد بالنا منها و احنا بنحجز تذكرة الطيران أون لاين
1) موقع www.skyscanner.com ليس موقع حجز و لكنه موقع بحث فقط , وظيفته يبحثلك عن كل شركات الطيران المسافره للوجهه اللي حددتها و يجيبلك سعرالتذكره اللي أخترتها في أغلب مواقع الحجز العالمية
2) بعد ما تختار رحلة الطيران المناسبه ليك من موقع سكاي سكانر حيظهرلك مواقع حجز مختلفة كتير يحولك عليها علشان تكمل عملية الحجز مثل expedia, ebookers,flyin, airtickets, travelstart, gotogate و غيرها
3) بعض المواقع غير موثوق فيها و خلي بالك مش كل موقع بيعرضلك سعر رخيص تتسرع و تدخل تحجز منه , ممكن جدا بعد ما تعمل الحجز و المبلغ يتخصم بالفعل من الكريدت كارد, التذكره متوصلكش , طيب نعرف ان الموقع موثوق منه ازاي :
• اول حاجه تدخل على موقع www.trustpilot.com و تكتب اسم الموقع اللي عاوز تحجز منه و تقرأ رأي الناس فيه و تجاربهم عليه
• تاني حاجه تدخل على موقع tripadvisor.com و تعمل نفس الكلام و تشوف رأي الناس لو لاقيت الأغلب من الناس بيقوله أنه موقع موثوق فيه تدخل تتعامل معاه لكن لو لاقيت أراء كتير سلبية الأفضل تتجنبه
• تتأكد هل الموقع متوفر فيه رقم اتصال دولي تقدر تكلمهم عليه ؟ و ياريت تجرب تتصل بيهم و تشوف لو حد حيرد عليك , كل ما كانت فيه وسائل اتصال أكتر كل ما كان الموقع ثقة أكتر
• هل الموقع secure و لا لأ ؟ يعني مكتوب قبل ال URL انه مؤمن فتقدر تستخدم عليه بطاقات أئتمانيه بدون مشكله لأن معلومات البطاقات الأئتمانيه في الحالة دي عند التعامل على الموقع بتكون مشفره فميقدرش يستخدم البطاقة في سرقة اموال منها , لو ملقتش الكلمه دي مكتوبه أحذر انك تستخدم بطاقتك الأئتمانيه عليه
4) احترس بعض المواقع بيكون عليها السعر غير محدث فلا تتسرع و تختار أرخص سعر موجود لأن احتمال كبير يكون السعر الظاهر نتيجة بحث قديم و لم يتم تحديثه على الموقع , لما تدخل على الموقع و تكتب كل البيانات و توصل لصفحة الدفع حتلاقي السعر اتغير تماما
5) لا تتسرع و تحكم على السعر رخيص أو غالي على أي موقع غير لما توصل لأخر خطوة و تختار طريقة الدفع و تشوف المبلغ الاجمالي طلع كام لأن غالبا حيتم اضافة خدمه أو ضرائب اضافية غير عمولة البنك و الكريدت كارد ( بيتم تحديدها حسب البنك )
6) مش كل مواقع الحجز بتحجزلك التذكره مع حقيبة و خاصه في الطيران المنخفض التكاليف ( في بعض الأوقات اضافة شنطة لحجزك ممكن تكلف أكتر من ثمن التذكرة)
7) أنصحك لو مافيش فرق كبير في السعر بين ال online agent و بين موقع الطيران الرسمي نفسه , يبقى الأفضل تحجز من الموقع الرسمي لشركة الطيران مباشره على الأقل تقدر ترجعلهم في مقرهم لو فيه أي مشكله أثناء الحجز
8) لو قدرت أنك تدفع سعر التذكرة كاش فحيكون أفضل كتير لأنك بكده حتوفر على الأقل 3% عمولة كريدت كارد
9) خلي بالك من نقطة مهمه بعض المواقع بترفض اتمامك للحجز و الدفع لو مكنتش صاحب البطاقة الأصليه المحجوز بيها التذكره ( للأسف طيران الامارتية حاليا بيعمل كده ) و خاصة اذا كان السفر من دول أو إلى دول معينه يعني لو حتحجز ببطاقة صديقك علشان تسافر من القاهره الى بانكوك مثلا مش حيقبل عملية الدفع و لازم يكون الاسم الأخير لأحد المسافرين مطابق لاسم صاحب الكريدت كارد , و بعض شركات الطيران في اسيا زي بانكوك اير ( ممكن يقبل الدفع و يخصم المبلغ فعلا و يبعتلك التذكره و في المطار حيطلب منك الكريدت كارد لو طلع الاسم غير مطابق لصاحب التذكره أو لم يكن أحد المسافرين في نفس الحجز حيرفض صعودك على الطائرة و حيجبرك على دفع سعر التذكره كاش و بعدها بيتم رد المبلغ مره أخرى على نفس الكريدت كارد ( و لكن بعد شهر )
10) لو حتحجز بكريدت كارد مش خاصة بيك ( ملك لصديقك مثلا ) بعض المواقع بعض ما يخصم المبلغ بالفعل , ممكن يطلب منك Authorization letter و ده زي ابليكشن أو تفويض من صاحب الكريدت كارد الأصليه أنك تستخدم بطاقته في حجز تذكرتك و ممكن يطلب منك صورة الكريدت كارد اللي تم بيها الحجز و صورة من باسبور صاحب الكريدت كارد ( ده اجراء روتيني و مافيهوش مشكله للتأكد من ان البطاقة ليست مسروقة ) و لكن ملحوظة مهمه : أياك ان ترسل صورة كامله للكريدت كارد ,لازم تخفي الثمانية أرقام في منتصف رقم الكريدت كارد ,و تخفي كمان ال ccv ( ال 3 أرقام في ظهر الكريدت كارد ) و بيكون ظاهر في الصورة فقط تاريخ الصلاحيه و اسم صاحب البطاقه و نوعها و أول و أخر 4 أرقام فقط من رقم البطاقة , و ده المطلوب فقط للتحقق
نصيحة أخيرة : عملية حجز تذكره الطيران اون لاين مش صعبة و في نفس الوقت مش سهلة و ناس كتير للأسف بتضيع عليهم فلوس كتير نتيجة أخطاء بسيطه أثناء الحجز زي كتابة الأسم خطأ أو تبديل الأسم الأول مكان الأخير أو تحط تاريخ مش صحيح أو بيانات جواز سفر غير صحيحة او متكونش عارفه سياسة تعديل أو الغاء التذكره ( لأن غالبا مش بتكون واضحه أثناء الحجز في بعض المواقع) و في الأخر أي تصحيح أو تعديل للأسف حيكلفك مبالغ اضافيه كتير و ممكن يكلفك تمن التذكره بالكامل و لو حتعمل الموضوع ده بنفسك أنصحك تنفذ الخطوات السابقه بالظبط و لا تستهين بالموضوع
لو حد حصل معاه موقف سيء أثناء حجز تذكره أون لاين أو استخدمت موقع و طلع للأسف نصابين ياريت تعرفنا في الكومنت. و لو الموضوع عجبك و حاسس أنه مهم أعمله شير علشان غيرك يستفيد منه
By: Bahaa
#احذر_الحجز_اونلاين #travelsecrets
