لو سمحتم انا بعمل فيزا علاجية لاسبانيا و انا...

[Ahmed Khaled]

لو سمحتم انا بعمل فيزا علاجية لاسبانيا و انا بالكويت
هل لازم احجز العودة , لانى مش عارف هقعد هناك قد ايه
مكتب السفريات اليوم قالى لازم عودة و الا هيلغوا الفيزا و يدونى رفض
و قالى ان ممكن احجز على طيران ذهاب و احجز عودة بس العودة مفتوحة ( معلقة التاريخ )

و قالى انه ما ينفعش احجز ذهاب على شركة و عودة على شركة تانية
لازم الذهاب و العودة على نفس الشركة

ايه الصح و اعمل ايه
مع العلم انى عايز اروح من الكويت لبرشلونة و بعدين من برشلونة للقاهرة بس العودة غير محددة التاريخ لسه

شكرا

 

[Tawfik Azer]

الحجز للسفارات عادة بيكون غير مؤكد يعنى بدون ان تدفع شئ ... اعملها ذهاب وعودة

اذا كان من السعودية لازم حجز مؤكد عند التقديم على التاشيرة (لا اعتقد ان الوضع كده) يبقى أحجز العودة flexible اغلى طبعا لكن ده حل
وممكن الزملاء يفيدوك بحلول اخرى

 

[Amr Nader]

عندك حلين :-

الأول انك تحجز حجز مدفوع فعلا ذهاب وعوده وحدد مع شركه الطيران انك عايز العوده تكون بنظام ( مرن فالتغيير) كل شركه طيران عندها النظام ده ، ممكن تدفع رسوم اعلي شويه والنظام بيديلك مرونه فالتغيير اكتر وقت متحب بدون رسوم وحدد تاريخ عوده يكون متوقع تقريبا وغيره لما تحب.

الثاني:- انك تحجز حجز وهمي غير مدفوع بس للسفاره والفيزا وتوريهلهم فالمطار لو حبو ، وانت بعد لما تطلع الفيزا احجز بس ذهاب وخلاص.

انا برشحلك انك تمشي بالاختيار الاولاني عشان هيكون اوفرلك لان حجز ذهاب وعوده مع بعض ارخص من حجز ذهاب لوحده وعوده لوحدها.
وان شاء الله ترجع بالسلامه وفكامل الصحه.