مساء الخير ياجماعه. انا بفكر اروح شرم بعد...

[Rasha Samra]

مساء الخير ياجماعه. انا بفكر اروح شرم بعد العيد ان شاء الله وفيه حد رشحلي اربع اوتيلات وهم :
منتجع ماريتيم جولى فيل Maritim Jolie Ville
دومينا كورال باي Domina Coral Bay
فندق سيرين جراند Cyrene Grand Hotel
دريمز بيتش ريزورت Dreams Beach Resort

لو سمحتم عاوزه اعرف
١- اذا حد نزل في اي من الاوتيلات الاربعه ورايه فيها ايه والخدمات والانشطه بتاعتها
٢- مين اقرب لمركز لتعليم الغوص معتمد وتكلفته كام
٣- وقد ايه التكلفه كلها من حيث الاقامه والتنقلات لو فيه
٤- اي معلومات ممكن تفيدني علشان ده اول مره اروح شرم اصلا
وشكرا

 

[Hassan Tolis]

جولي فيل رائع عن تجربة ،

 

[Remon G. George]

بالنسبة احسن فندق بالنسبالي هو جولي فيل وعن الاسعار ممكن تديني عددكم بالاطفال والتاريخ بالتحديد واجيبلك اسعار كويسة
في كل فندق بيكون فية سنتر غطس ممكن تسالي فية اذا كان معتمد ولا لا وتفاصلي في السعر التنقلات سهلة جدا اي اتوبيس زى الها جيت ولا جو بص وغيرهم وهناك تاكسي يوديكي لحد باب الفندق بس برضو تفاصلي معاه

 

[Mohamed Fouad]

انا نزلت في domina coral في نص السنه في الحارم كان فندق كويس جدا و الموظفين محترمين و الاكل كان ممتاز و الغرف نظيفه

 

[Slim Dahab Diving]

لو حابه تدريب الغوص خديه في دهب

 

[Mohammed M. Attar]

عشان حضرتك دقيقة جدا و محددة في أسئلتك ،انا اجيب عن السؤال الرابع فقط ،شرم الشيخ مكان للاسترخاء والهدوء و ممارسة بعض الاعاب و الأنشطة المائية الغير تقليدية مثل الغوص و السنوركلنج و التزحلق على الماء و بعض الهويات مثل ركوب المنطاد ،فيها اماكن للسهر و الكافيهات و الدييكوهات طبعا بس زيها زي اي مكان في القاهرة او غيرها مش هاتحس بفرق او تغيير ،الفنادق و المنتجعات هي أكثر ما يميزها لقضاء اجازة هدوء و استرخاء بمعنى الكلمه لذلك الحرص على اختيار الفندق او المنتجع سمعته كويسة وخدماته كثيرة و جودة الخدمة و طعم المأكولات و المشروبات و وسائل الترفيه داخل الفندق من الأمور الهامة جدا ،ممكن بعض العروض و الخدمات الترفيهية داخل المدينة مثل عرض الدولفين و التماسيح و الف ليله وليله و سوهو سكوير و السوق القديمة مجرد اماكن الزيارة و قضاء وقت ظريف و بسيط فيها للخروج من دائرة الفندق او الملل بشكل عام ولكنها غير أساسية من وجهة نظري ،رأيي المتواضع كفاية عليها أربع او خمسة ايام بالكثير و كفاية المشوار بتاعها لو هتروح بالباص صعب شويه