M
Mohamed Elsayed
:: مسافر ::
اعمل تأشيرة سياحة .. تأشيرات العمل موقوفة للمصريين و لازم اللي يبعتلك الدعوة يتصل بالمطار كضمان قبل وصولك بكام ساعة ولازم يستقبلك بنفسه في المطار .. انا مسافر روسيا و جوازي كان مليان أختام و تاشيرات و كنت هترحل بالرغم اني معايا حجز فندق مدفوع بالكامل ٥ نجوم و مبلغ ٣٠٠٠ دولار و تذكرة عودة مؤكدة و معايا صورة من الدعوة و كارنيه أني طيار مدني بالانجليزي و كان معايا نسخة من الخطاب اللي مسلمه من المطار للسفارة وكشف حساب بنكي و كمان وصل أني عامل برنامج سياحي مع الشركة دي و في سواق في انتظاري من الفندق .. و مدخلونيش البلد و لا ختمولي دخول الا اما اللي باعت الدعوة وصل المطار و ضمن دخولي و قابلوه و مضي علي إقرار معرفش لازمته ايه وكانت دعوة سياحية .. البيزنس بيشددوا اكتر بمراحل لازم مندوب من الشركة اللي باعته الدعوة يستقبلك في المطار و يضمنك و تعمل تسجيل محل سكنك في قسم الشرطة التابع ليه في خلال ٣ ايام أقصي تقدير .. حاليا تقريبا بقت ٦ ايام او اسبوع .. و تقريبا وصل انك عندك عمليات تجارية أو في فلوس مدفوعة مش فاكر لجهة ايه في روسيا علشان يضمنوا أن في بيزنس فعلا بجد و في فلوس بتتدفع لان ناس كتير جدا كانت عاطلة عن العمل و حرفيين و راحوا عملوا سجل تجاري و بطاقة ضريبية و عملوا تأشيرات بيزنس لروسيا و كسروا التأشيرات و خالفوا شروطها و حصل عمليات نصب كتير جدا من مصريين هناك و يقولوا ليهم هيهربوهم للنرويج و بولندا و ينصبوا عليهم في الفلوس .. فبقت روسيا بترحل معظم المصريين المسافرين لأول مرة لروسيا لو شكوا فيه أو لاقوا أن في حاجة غريبة في المعلومات مثلا زي وصل المعاملات اللي انت هتعمل البيزنس علي أساسها أو التعاقد او الخطاب بينك و بين المؤسسة اللي انت رايح تعمل بيزنس معاهم و دا لا يعني علي أن اللي باعتلك الدعوة لازم بشخصية يستقبلك في المطار .. يوم أما كنت مسافر ال ٣ اللي معايا اترحلوا و انا الوحيد اللي دخلت يومها .. الكلام دا كله و الرخامة دي ابتداء من ٢٠١٦ .. قبل كدا كان كل شئ سهل جدا .. الكلام دا للي مسافر سياحة او بيزنس لروسيا اول مرة. .. لكن اللي معاه إقامة أو عنده تاريخ سفريات متعدده لروسيا مبيحصلوش حاجة من الكلام دا
M
Mohamed Ibrahim
:: مسافر ::
معلش ودي هيكسر القاعدة اللي بتتكلموا فيها انا عملت فيزا بيزنس طلعتلي في نفس اليوم من السفارة واما وصلت روسيا اللي كان معاهم فيزا سياحة قعدوا اربع ساعات تحقيق وانا ختمتلي ودخلت من غير اي سؤال وكذلك صاحبي بعدها بشهر عمل نفس الفيزا ومحدش كلمه نهائي ، مع العلم كنا رايحين سياحة
