صباح الخير ياريت حد يفيدني عارف ان ناس كتير...

[Mina T. Askander]

صباح الخير
ياريت حد يفيدني عارف ان ناس كتير جداً سالت بس انا مش فاهم
انا دلوقتي شهر العسل بإذن الله في ماليزيا
انا عايش فالكويت خطيبتي موجوده فمصر وهتجوز فمصر
مكتوب فالباسبور بتاعي حاصل على بكالريوس
وخطيبتي نفس الموضوع
وانا نازل قبل الفرح ب ٥ ايام والسفر تالت يوم الفرح مش عارف احجز الرحله بتاعتي بسبب التصرييح الامني ده
ياريت حد يقولي خطوات اعملها عشان اسافر
ويبقى كتر خيركم

 

[Mohamed Alsayed]

مش هتحتاج تصريح امني لانك عايش في الكويت وجوازك فيه اختام كتيره وطبعا كله حسب مزاج الضابط برضو
هما دايما يرخموا علي الطلبه والناس اللي جوازها ابيض واول مره تسافر

 

[Bassant Younes]

ماليزيا لو هاني مون مش محتاج تصريح اللي بيحتاج الطلبة بس تابع لحد قبل ميعاد سفرك يمكن يحصل جديد
ممكن تروح كوالا لامبور فندق اسمه furama bukit bintang ده مكانه حلو اوي و سعره كويس و ممكن تروح لانكاوي فندق holiday villa سعره معقول بص نصيحة الجزر في تايلاند احلي من ماليزيا بوكيت في تايلاند جنة و فيها حاجات كتير تتعمل ممكن تظبط رحلة كوالالمبور في ماليزيا و تاخد طيران داخلي علي بوكيت و الفنادق في بوكيت احلي و ارخص من الفنادق في لانكاوي و فيزا تايلاند سهله اوي و انت لو معاك اقامة في كويت ممكن تطلعها من الكويت و خطيبتك تطلع فيزا بتاعتها من مصر بتحتاج صورتين و كشف حساب فيه حوالي ١٥٠٠٠جنيه لو مفيش حساب باسمها هتجيب حساب الاب او الام و ترجم شهاده الميلاد بس صدقني نصيحة تروح تايلاند احلي