عندي أصدقاء من بره عايزين يروحوا الأهرامات،...

  • بادئ الموضوع بادئ الموضوع Yasser Mohamed Ata
  • تاريخ البدء تاريخ البدء
عرض العطلة
Y

Yasser Mohamed Ata

:: مسافر ::
#1
عندي أصدقاء من بره عايزين يروحوا الأهرامات، فعايز اعرف بعد اذنكم ازاي يستمتعوا باليوم ده، ويهمني جدا اعرف الأسعار الخلاصة لركوب الجمل ومدة قد ايه، ركوب الحصان برده، واعمل ايه لو حصل اي مضايقات اللي باسمع عنها
وياريت لو حد اتعامل مع حد امين هناك، يقولي عليه
شكرا
JfKGqBgc--pPitzRO_j0p-OjE6jhLWwj.jpeg
 
#3
الافضل انك تتعامل مع حد يكون فاهم عشان ميضحكش عليك اسال فى نقابة المرشدين تظبطلك مرشد او لوحابب ممكن نجبلك مرشد حيكون افضل لك كتير سعر الجمال ممكن 200 جينة
 
عرض العطلة
#6
الجماله و البياعين اللي حوالين الهرم ' بيهتكوا عرض ' اي حد يفكر يزور الهرم ، نصب و قله ادب و سفاله و الشرطه ملهاش دعوه .
 
#10
حاول تستمتع من غير ركوب جمال أو أحصنة لو إنت متعرفش حد هناك. منطقة الأهرامات من كتر المناطق اللي فيها نصب. انا لما بيجيلي أصدقاء ألمان دائما بقولهم مفيش حاجة هناك مجاني و المكان نصب في نصب. حاول متحتكش بأي حد و لما يكلموك عشان الناس اللي معاك قلهم حاضر و امشي. بالمناسبة، اول متدخل هتلاقي ناس بيقلولك أنهم من السياحة و انهم هيفرجوك على كذا و كذا، قلهم بكل أدب شكراً و انك عارف المكان كويس. مفيش حد هيعرض عليك اي حاجة ببلاش حتى لو قالك انها ببلاش
 
عرض العطلة
#11
نسيت اقولك، حتى لو حد طلعلك كارنيه و قلك انا تبع تنشيط السياحة. برده نصب.
لو اتزنقت في جمل ممكن تفاصل معاهم لو تحب و يكون في منطقة فيها ناس كتيير.
 
عرض العطلة
#16
للأسف أسوء مكان ممكن تروحه في حياتك هو الاهرامات هتكره نفسك و بلدك و اليوم اللي فكرت فيه تروح هناك ، نصب و استغلال و مضايقات بالذات لو معاك أجانب ، لو مصر تروح هناك متردش على اي حد نهائي حتى لو قال لك السلام عليكم ، لو حد قالك أنه تبع السياحة او حتى إنه تبع الأمن كله نصب حتى لو وراك كارنيه الا طبعا لو لابس زى شرطة ، أنصحك تروح القرية الفرعونية ممتازة و المعاملة رائعة هناك فى منتهى الشياكة
 
#17
منطقة الهرم من قبل ما تدخل حتلاقى ناس بتنط على العربية بتاعتك وتعقد وهى ماشية على الكبوت وتخبطوا عليها وانت مخضوض وكلكم مش فاهمين ايه بيحصل وبعدين يعقد يقولك بقى هاركبك حصان تطلع الهرم با باشا .مش هاتخلص منه خالص ولا لما تعمل ايه وبعدين تنزل ارض الهرم تلاقيها كلها قذرة جدا كمية روث الحيوانات مش طبيعية والريحة مقرفة جدا ومحدش بينضف وبعدين يقابلك الباعة الجاءلين والشحاتين يتلموا كلهم حواليك عايزين يبيعولك اى حاجة لغاية لما تتخنق وبعدين تلاقى نفسك مش طايق تعقد ثانية في المكان ومش هاتعرف تخرج برضه ببساطة كده
 
عرض العطلة
عرض العطلة
أعلى أسفل
عودة
قائمة