W
Wael Haroun
:: مسافر ::
الجزء التاني : ( ملخص خوازيق ) رحلتي الاولي إلى ايطاليا اللي بقيت بالصدفة رحلتي إلي فرنسا وإيطاليا :
دلوقتى انتوا عرفتوا ان معايا رحلة متضبطة زى الكتاب ماقال بمعنى ...معايا تذاكر سفر لرحلة تبدا يوم 25/9/2015 - 10 ايام بتسع ليالي ( يوم فرنسا + 9 ايام ايطاليا ) + اقامة 9 ايام ايطاليا مدفوعة واليوم بتاع فرنسا حجزت فندق بالاسم بدون مقدم ، الذهاب ترانزيت تركيا مدة الترانزيت ساعتين ونص ......((نقدر نقول دلوقتى الخوازيق خلصت ...تصدق انت الكلام دا لا طبعا )) ...قبل ما اسافر بشهر والتاشيرة معايا كنت محتار اروح من باريس لنابولى بالقطار السريع ولا اروح طيران ...المهم وانا بدور لقيت شركة طيران اسمها(easyjet)عامله تذكرة الطيران من باريس الى نابولي بـ37 يورو بس (اليورو ساعتها كان بـ 10جنيه) والرحلة تستغرق 3 ساعات الا ربع (لووز العنب دى ارخص من تذكرة الطيران من القاهرة لاسوان) حجزت تذكرتين وبكدة بقي معايا كل حاجه محتاجها في الرحلة .
طبعا انتوا مستنين الخوازيق فين اليكم التالي :
- يشاء القدر ان يوم 25/9/2015 يبقي تاني يوم عيد الاضحى هههههه لاول مرة هعيد بعيد عن عائلتى الكبيرة التى تعشق هذا العيد وعاداته الجميلة ومراسم الذبح وتوزيع اللحمة (احب اوضح ان انا يعتبر جزار العيلة فى هذ اليوم ) الخلاصة ان يوم 24/9 ان طلع ....اهلي وزمالك وكل اللي نفسك فيه وانا مسافر الفجر الساعه 3 .
- قبل ما اسافر بتلت ايام وانا براجع تذاكر الطيران بتاعة (easyjet) لقيت ان كل فرد له شنطه واحدة لها ابعاد محدده والا هيدفع فلوس زيادة ....اوبااااا احنا لازم ناخد معانا شنط سفارى ..طب الحمدلله خدنا شنط السفارى اللى وفرت لنا وقت اننا منستناش الشنط في باريس (تقدر تقول اننا وطينا والخازوق ده تفاديناه بالصدفه اه والله بالصدفه )وصلنا مطار القاهرة الساعة 12 بليل قبل موعد الرحلة بثلاث ساعات (وده التوقيت المثالي للى عاوز يسافر ) ههههه انا بقيت بنصح الناس ... المهم طلعت الطيارة بينا من القاهرة 3صباحا وصلنا اسطنبول الساعه5 صباحا تقريبا وشنطنا معانا في الطيارة مهى وزنها خفيف ومعانا ساعتين ونص سفارى نمرح في المطار براحتنا (((ابصلك في ساعة مطار اسطنبول الاقيها الساعه 6 مش 5 واحنا طيارتنا لباريس الساعه 7.5 >>فرق التوقيت<<))) سئلت عن صحة ساعة المطار الساعة فعلا 6.20 هههههه فاضل ساعه وشويه علي طيارتنا اخدت مراتى وجرى في مطار اتاتورك (اسطنبول) والله لو محمد صلاح بتاع روما كان جرى جنبي كنت سبقته ...خد دى كمان جوا الترانزيت في المطار فيه تفتيش وتقليع احزمه وجزم (هوانا ناقص يا اخويا) وطابور طويل علشان ادخل اتفتش وبالحس المصرى الاصيل دخلت في نص الطابور وسمعت كلمات واصوات إطراء من جميع الركاب بمختلف اللغات (اصل فيه حاجات كدة تتفهم بالسنس)وصلنا قدام بوابة الطيارة بتاعتنا الساعه 7.10 قبل ما تتقفل بخمس دقائق ....جايلك يا باريس يا بنت الجميلة .
دلوقتى انتوا عرفتوا ان معايا رحلة متضبطة زى الكتاب ماقال بمعنى ...معايا تذاكر سفر لرحلة تبدا يوم 25/9/2015 - 10 ايام بتسع ليالي ( يوم فرنسا + 9 ايام ايطاليا ) + اقامة 9 ايام ايطاليا مدفوعة واليوم بتاع فرنسا حجزت فندق بالاسم بدون مقدم ، الذهاب ترانزيت تركيا مدة الترانزيت ساعتين ونص ......((نقدر نقول دلوقتى الخوازيق خلصت ...تصدق انت الكلام دا لا طبعا )) ...قبل ما اسافر بشهر والتاشيرة معايا كنت محتار اروح من باريس لنابولى بالقطار السريع ولا اروح طيران ...المهم وانا بدور لقيت شركة طيران اسمها(easyjet)عامله تذكرة الطيران من باريس الى نابولي بـ37 يورو بس (اليورو ساعتها كان بـ 10جنيه) والرحلة تستغرق 3 ساعات الا ربع (لووز العنب دى ارخص من تذكرة الطيران من القاهرة لاسوان) حجزت تذكرتين وبكدة بقي معايا كل حاجه محتاجها في الرحلة .
طبعا انتوا مستنين الخوازيق فين اليكم التالي :
- يشاء القدر ان يوم 25/9/2015 يبقي تاني يوم عيد الاضحى هههههه لاول مرة هعيد بعيد عن عائلتى الكبيرة التى تعشق هذا العيد وعاداته الجميلة ومراسم الذبح وتوزيع اللحمة (احب اوضح ان انا يعتبر جزار العيلة فى هذ اليوم ) الخلاصة ان يوم 24/9 ان طلع ....اهلي وزمالك وكل اللي نفسك فيه وانا مسافر الفجر الساعه 3 .
- قبل ما اسافر بتلت ايام وانا براجع تذاكر الطيران بتاعة (easyjet) لقيت ان كل فرد له شنطه واحدة لها ابعاد محدده والا هيدفع فلوس زيادة ....اوبااااا احنا لازم ناخد معانا شنط سفارى ..طب الحمدلله خدنا شنط السفارى اللى وفرت لنا وقت اننا منستناش الشنط في باريس (تقدر تقول اننا وطينا والخازوق ده تفاديناه بالصدفه اه والله بالصدفه )وصلنا مطار القاهرة الساعة 12 بليل قبل موعد الرحلة بثلاث ساعات (وده التوقيت المثالي للى عاوز يسافر ) ههههه انا بقيت بنصح الناس ... المهم طلعت الطيارة بينا من القاهرة 3صباحا وصلنا اسطنبول الساعه5 صباحا تقريبا وشنطنا معانا في الطيارة مهى وزنها خفيف ومعانا ساعتين ونص سفارى نمرح في المطار براحتنا (((ابصلك في ساعة مطار اسطنبول الاقيها الساعه 6 مش 5 واحنا طيارتنا لباريس الساعه 7.5 >>فرق التوقيت<<))) سئلت عن صحة ساعة المطار الساعة فعلا 6.20 هههههه فاضل ساعه وشويه علي طيارتنا اخدت مراتى وجرى في مطار اتاتورك (اسطنبول) والله لو محمد صلاح بتاع روما كان جرى جنبي كنت سبقته ...خد دى كمان جوا الترانزيت في المطار فيه تفتيش وتقليع احزمه وجزم (هوانا ناقص يا اخويا) وطابور طويل علشان ادخل اتفتش وبالحس المصرى الاصيل دخلت في نص الطابور وسمعت كلمات واصوات إطراء من جميع الركاب بمختلف اللغات (اصل فيه حاجات كدة تتفهم بالسنس)وصلنا قدام بوابة الطيارة بتاعتنا الساعه 7.10 قبل ما تتقفل بخمس دقائق ....جايلك يا باريس يا بنت الجميلة .
