М
Мустафа Али
:: مسافر ::
(قيرغيزستان - الجزء الأول)
رابط الجزء الثاني
/Мустафа Али
رابط الجزء الثالث
/Мустафа Али
سلام عليكم .. انا اسمي مصطفى وبصراحة اليوم شوفت الجروب بالصدفة وعجبتني فكرته جدا وحبيت اشارككم تجربتي بالسفر لدولة قيرغيزستان اكثر من مرة وانا متأكد ان في كتير منكم ما يعرفش البلد دي واتمنى ان الموضوع يعجبكم
- اولا قيرغيزستان هيه دولة في اسيا الوسطى وكانت ضمن الاتحاد السوفييتي واستقلت عنه سنة 1991، قيرغيزستان دولة جميلة جدا كلها طبيعة جبال وانهار في كل مكان وعدد سكانها قليل مش كبير حوالي 5 مليون نسمة ... الناس هناك بيتكلموا اللغة القيرغيزية واللغة الروسية ولو بتعرف روسي تقدر تتعامل في اي مكان وتتفاهم معاهم .. شعب قيرغيزستان شعب مسلم الاغلبية مسلمين ولكن على الجانب الاخر برضه الثقافة الروسية مأثرة على ثقافة الشعب الى حد ما نظرا انهم عاصروا الاتحاد السوفيتي.. عاصمة قيرغيزستان اسمها بشكيك ولما تروحها حتنزل في مطار اسمه مناس الدولي اول ما حتخرج من المطار حتحس كدة ان انت بتشم هوا نضيف بدون عوادم وده الاحساس اللي دايما لما بروح لقيرغيزستان بحسه اول ما اخش البلد حتى في الصيف بيبقى الهوا ساقع وفريش تحس ان انت بتشم هوا نضيف
- قيرغيزستان بيبقى الجو رائع فيها في الربيع وفي الصيف وممكن تمطر كمان في الصيف مطر خفيف، انما في الشتا درجة الحرارة ممكن توصل 30 او 40 تحت الصفر
تعالوا بقى نتكلم عن طباع اهل البلد، اهل البلد نظرا انهم بيعيشوا في درجة حرارة باردة جدا فا بياكلوا لحم كتير جدا وكمان بياكلوا دهن كتير جدا عشان يقدروا يتحملوا درجة الحرارة شديدة البرودة واغلب اكلهم بيبقى مسلوق ومش بيحبوا البهارات كتير في الاكل، انا عن نفسي لما بروح قيرغيزستان بعاني من موضوع الاكل شوية لاني مش بحب الاكل المسلوق وبحب البهارات الكتير في الاكل، اهل قيرغيزستان بيحبوا ياكلوا لحم الخيل جدا وكمان بيشربوا لبن الخيل بشراهة واسمه قمز وبصراحة انا جربته كتير بس طعمه غير اللبن العادي مختلف جدا ولاذع كتير ولو حد استضافك في قيرغيزستان من عاداتهم انهم لازم يدبحولك خروف وبيقطعوا الخروف كله ويحطوه في قدر كبير ويعملوا شوربة ويستضيفوا الاهل والاقارب ويعملوا عزومة كبيرة دي من عاداتهم وهما بيقدسوا حاجة اسمها عادات وتقاليد وكلهم بيحترموا عاداتهم جدا وبيعلموها لاطفالهم عشان يحافظوا على استمرارية عاداتهم على مر الزمن
- انا عن نفسي زورت تلات مدن في قيرغيزستان اول شيء العاصمة بشكيك وهيه مدينة جميلة وهادية وفيها كل شيء تحتاجه نظرا انها العاصمة ... وزورت نارين ودي تعتبر قرية وسط الجبال وتبعد عن بشكيك حوالي خمس ساعات بالسيارة .. وهما معندهمش بحر بس عندهم بحيرة كبيرة جدا اسمها اسيكول ودي كلهم بيروحوا يصيفوا فيها عاملة زي البحر بالظبط لكنها محاطة بالجبال من كل اتجاه .. وطبعا اسيكول دي المتعة كلها مينفعش اروح قيرغيزستان ومروحش الاسيكول على الاقل 3 او 4 ايام
- طبعا لو مش بتعرف روسي حتعاني كتير انك تتكلم هناك لازم يكون معاك حد مترجم او صديق .. انا بتكلم انجليزي كويس جدا لكن نادر ما كنت بلاقي حد يتكلم انجليزي فا الحمد لله اتعلمت روسي شوية وثالث مرة روحت فيها قيرغيزستان كانت الصيف اللي فات وابتديت اني اتكلم واخرج لوحدي واكون صداقات .. وطبعا اللغة بتفرق معاك كتير
طولت عليكم ولكن مرفق بعض صور لقيرغيزستان وبعض صور من بعض رحلاتي ليها ويارب الموضوع يكون عجبكم انا حاولت اختصر عشان الموضوع ما يبقاش ممل .. لكن في كلام كتير ممكن يتقال عن قيرغيزستان لو لقيتكم مهتمين ححكيلكم اكتر عنها
رابط الجزء الثاني
/Мустафа Али
رابط الجزء الثالث
/Мустафа Али
سلام عليكم .. انا اسمي مصطفى وبصراحة اليوم شوفت الجروب بالصدفة وعجبتني فكرته جدا وحبيت اشارككم تجربتي بالسفر لدولة قيرغيزستان اكثر من مرة وانا متأكد ان في كتير منكم ما يعرفش البلد دي واتمنى ان الموضوع يعجبكم
- اولا قيرغيزستان هيه دولة في اسيا الوسطى وكانت ضمن الاتحاد السوفييتي واستقلت عنه سنة 1991، قيرغيزستان دولة جميلة جدا كلها طبيعة جبال وانهار في كل مكان وعدد سكانها قليل مش كبير حوالي 5 مليون نسمة ... الناس هناك بيتكلموا اللغة القيرغيزية واللغة الروسية ولو بتعرف روسي تقدر تتعامل في اي مكان وتتفاهم معاهم .. شعب قيرغيزستان شعب مسلم الاغلبية مسلمين ولكن على الجانب الاخر برضه الثقافة الروسية مأثرة على ثقافة الشعب الى حد ما نظرا انهم عاصروا الاتحاد السوفيتي.. عاصمة قيرغيزستان اسمها بشكيك ولما تروحها حتنزل في مطار اسمه مناس الدولي اول ما حتخرج من المطار حتحس كدة ان انت بتشم هوا نضيف بدون عوادم وده الاحساس اللي دايما لما بروح لقيرغيزستان بحسه اول ما اخش البلد حتى في الصيف بيبقى الهوا ساقع وفريش تحس ان انت بتشم هوا نضيف
- قيرغيزستان بيبقى الجو رائع فيها في الربيع وفي الصيف وممكن تمطر كمان في الصيف مطر خفيف، انما في الشتا درجة الحرارة ممكن توصل 30 او 40 تحت الصفر
تعالوا بقى نتكلم عن طباع اهل البلد، اهل البلد نظرا انهم بيعيشوا في درجة حرارة باردة جدا فا بياكلوا لحم كتير جدا وكمان بياكلوا دهن كتير جدا عشان يقدروا يتحملوا درجة الحرارة شديدة البرودة واغلب اكلهم بيبقى مسلوق ومش بيحبوا البهارات كتير في الاكل، انا عن نفسي لما بروح قيرغيزستان بعاني من موضوع الاكل شوية لاني مش بحب الاكل المسلوق وبحب البهارات الكتير في الاكل، اهل قيرغيزستان بيحبوا ياكلوا لحم الخيل جدا وكمان بيشربوا لبن الخيل بشراهة واسمه قمز وبصراحة انا جربته كتير بس طعمه غير اللبن العادي مختلف جدا ولاذع كتير ولو حد استضافك في قيرغيزستان من عاداتهم انهم لازم يدبحولك خروف وبيقطعوا الخروف كله ويحطوه في قدر كبير ويعملوا شوربة ويستضيفوا الاهل والاقارب ويعملوا عزومة كبيرة دي من عاداتهم وهما بيقدسوا حاجة اسمها عادات وتقاليد وكلهم بيحترموا عاداتهم جدا وبيعلموها لاطفالهم عشان يحافظوا على استمرارية عاداتهم على مر الزمن
- انا عن نفسي زورت تلات مدن في قيرغيزستان اول شيء العاصمة بشكيك وهيه مدينة جميلة وهادية وفيها كل شيء تحتاجه نظرا انها العاصمة ... وزورت نارين ودي تعتبر قرية وسط الجبال وتبعد عن بشكيك حوالي خمس ساعات بالسيارة .. وهما معندهمش بحر بس عندهم بحيرة كبيرة جدا اسمها اسيكول ودي كلهم بيروحوا يصيفوا فيها عاملة زي البحر بالظبط لكنها محاطة بالجبال من كل اتجاه .. وطبعا اسيكول دي المتعة كلها مينفعش اروح قيرغيزستان ومروحش الاسيكول على الاقل 3 او 4 ايام
- طبعا لو مش بتعرف روسي حتعاني كتير انك تتكلم هناك لازم يكون معاك حد مترجم او صديق .. انا بتكلم انجليزي كويس جدا لكن نادر ما كنت بلاقي حد يتكلم انجليزي فا الحمد لله اتعلمت روسي شوية وثالث مرة روحت فيها قيرغيزستان كانت الصيف اللي فات وابتديت اني اتكلم واخرج لوحدي واكون صداقات .. وطبعا اللغة بتفرق معاك كتير
طولت عليكم ولكن مرفق بعض صور لقيرغيزستان وبعض صور من بعض رحلاتي ليها ويارب الموضوع يكون عجبكم انا حاولت اختصر عشان الموضوع ما يبقاش ممل .. لكن في كلام كتير ممكن يتقال عن قيرغيزستان لو لقيتكم مهتمين ححكيلكم اكتر عنها
