М
Мустафа Али
:: مسافر ::
(قيرغيزستان - الجزء الثالث)
سلام عليكم ده بقى الجزء الثالث من موضوعي عن رحلاتي الى قيرغيزستان و حقولكم عن الاماكن اللي ممكن تزوروها في قيرغيزستان اللي هيه تكوينها اصلا من جبال اشجار بحيرات شلالات... الموضوع النهاردة حيكون مختلف نوعا ما لاني حزود كل مكان بفيديو من اليوتيوب (وعشان تشوف الاماكن كويس شغل خاصية ال HD)وبالتالي حيبقى الموضوع اكثر تشويقا وتأكدوا ان انا اول عربي يتناول الموضوع بالشكل المفصل ده عن دولة قيرغيزستان، وطبعا انا استعنت في تقريري ده بأني اسأل ناس قيرغيزيين واستعنت بالويكيبيديا ومواقع سياحة قيرغيزية والانترنت عموما وقبل كل ده افكاري الشخصية ولكن عشان اتناول الموضوع بالتفصيل فكان لازم اني اتاكد من المعلومة ولو مشوفتش اول جزئين من الموضوع ياريت تفتح الروابط اللي تحت:
رابط الجزء الاول
/Мустафа Али
رابط الجزء الثاني
/Мустафа Али
وطبقا للخوارزمية اللي شغال بيها الفيس بوك فا كوني اني احط لينكات في بوست على الفيس بوك ده بيقلل من تفاعل المنشور فا اتمنى من حضراتكم لايك او شير او كومنت عشان البوست يقدر يوصل لناس اكثر واحس اني فعلا المجهود اللي عملته في كتابة التقرير ده مضاعتش :-D وبتمنى من ربنا ان الموضوع يعجبكم وميبقاش مجرد كلام ولينكات ....يالا نتوكل على الله
1- طاش رابات Tash Rabat
غريب جدا انك تلاقي مبنى اثري زي ده في منطقة نائية وسط الجبال تبعد عن قرية نارين ساعتين اللي اصلا نارين بتبعد عن العاصمة بشكيك خمس الى ست ساعات بالسيارة المبنى ده له حكايات واساطير كتير جدا ويحكى ان في امبراطورية كانت في المبنى ده والمبنى مكون من 31 غرفة وفي فتحات داخل ارضية الغرف دي كانوا بيحزروني اني مقعش فيها لان بعضها كانت مش متغطية ويحكى ان الفتحات دي انفاق وبتؤدي الى الصين والله اعلم .. المبنى ده يرجع تاريخ للقرن ال 15 والتاريخ بيقول ان ده يعتبر كان استراحة للتجار والمسافرين عبر طريق التجارة Silk Roadبين منتصف اسيا وبين الصين، فعلا شكله مريب جدا ومخيف وعقبال ما توصله تشوف شكل الجبال اللي حواليه مخيفة وتتسائل ازاي كان في ناس عايشة في المكان المنعزل ده لو كان هو فعلا في مملكة وامبراطورية في المكان ده
فيديو للمكان:
2- جيتتي اوجوز (السبع ثيران) Jeti Oguz
منطقة الجيتتي اوجوز بالاسيكول معناها باللغة القيرغيزية سبع ثيران وهما سموها كدة عشان فيه سبع جبال او منحدرات جنب بعضيها وكأنها سبع ثيران غاضبة واقفين جنب بعض وقدامها اشجار الصنوبر بشكل كثيف جدا وفي المكان ده في ينابيع مياة كبريتية ساخنة بتفيد في علاج امراض زي الروماتيزم والتهاب المعدة والامراض العصبية وبرضه في الجزء العلوي من جيتي اوجوز في بحيرات جبلية وشلال ووادي مليان بزهور الخشخاش.
فيديو للمكان:
3- بحيرة الاسيكول Issyk Kul
طبعا دي اكبر بحيرة في قيرغيزستان وتبعد عن بشكيك العاصمة حوالي ست ساعات والطريق ممهد ليها ودي بقى المتعة كلها يعني كأنك بتروح البحر كدة عندنا في الساحل الشمالي او شرم .. بحيرة كبيرة جدا ومحاطة بالجبال من الناحيتين ولما تروح قيرغيزستان لازم ولابد انك تروح الاسيكول وتأجرلك فيلا صغيرة او بيت خشبي وتنزل تستمتع بالالعاب المائية والباراشوت والموزة والسكوتر او تركب سفينة تلف بيك في البحيرة فيه انشطة كتير جدا ممكن تستمع فيها و انت قاعد على الشاطئ دايما حتلاقي ناس بتعدي تعرض عليك خدمة المساج على الشاطئ و دايما حتسمع الكلمتين دول ولو روحت ابقى افتكرني ... ريبا ريبا وكلمة ryba دي يعني سمكة بالروسي وهما بيبيعوا سمكة عاملة زي الرنجة كدة بالظبط بس اقل في الملوحة من بتاعت مصر ... وكلمة تانية اسمها كوكوروزا جارياتشي- جارياتشي كوكوروزا goryachaya kukuruza.. ومعناها الذرة الساخن بالروسي .. بحيرة الاسيكول تقع على ارتفاع اكتر من 1600 متر فوق مستوى سطح البحر طولها 180 كيلو متر وعرضها 70 كيلو متر وعمقها بيوصل لاكثر من 660 متر وعشان تأجر زي شاليه هناك بيتراوح ايجاره بين 70 الى 100 دولار في اليوم الواحد وممكن تلاقي ب 50 مش بيبقى مستواه عالي وفيه فنادق وفيه كل شيء هناك لانها مدينة ومقصد للسياح فا كل شيء متوفر وجميع وسائل الترفيه موجوده
فيديو للمكان:
4- بحيرة سون كول Son Kol Lake
بحيرة سون كول بعيدة عن نارين حوالي ساعة ونصف بالسيارة والبحيرة دي تعتبر تاني اكبر بحيرة بعد بحيرة الاسيكول Issyk Kul وبتقع على ارتفاع اكتر من 3000 متر وعمق البحيرة دي بيصل لحوالي 14 متر والغريب ان حوالين البحيرة دي ما فيش ولا شجرة واحدة وعشان تروحها لازملك سيارة جيب عشان الطريق مش ممهد وصعب .. وفي الصور حتشوفو الطريق الى السون كول وكمان صور شلال السون كول وده بيبقى في الطريق للبحيرة
فيديو للمكان:
5- منتزة آلا أرتشا Al Archa National Park
هو عبارة عن حدائق فيها جبال وانهار كتير وارتفاعها عن الارض حوالي 1500 متر والحدائق دي بتغطي مساحة كبيرة جدا حوالي 200 كيلو متر مربع وغالبا لو رحت لاي شركة سياحة بعد ما يفرجك على بشكيك والاسواق اللي فيها حيطلعك على آلا أرتشا عشان هيه قريبة جدا من بشكيك حوالي نصف ساعة بالسيارة .. وهو مكان سياحي الناس بتحب تروحه دايما في نهاية الاسبوع ولو في الشتا الناس بتروح هناك عشان التزلج.. ومتنساش قبل ما تخرج من بشكيك لازم تطلع على اقرب جبل وتشوف بشكيك كلها من فوق منظر اكثر من رائع وبيفكرني بسلطنة عمان لما طلعت على الجبل وشوفت منظر مسقط كلها من على الجبل كان منظر رائع لا يوصف والدخول للمنتزه ده بسعر رمزي ممكن 100 سوم او 200 سوم وعلى فكرة انا كنت دايما بدخل الاماكن دي متنكر وغالبا مش بدفع فلوس او بدفع فلوس زي القيرغيزيين وهيه ممكن تكون 20 سوم او 10 سوم بس بلبس الطاقية القيرغيزي واسمها كالباك Kalpak والبس نضارة الشمس برضه المصريين بيعرفوا يسلكوا في اي مكان
... خلاص محدش حيعرف اني اجنبي ههههههه كنت بدخل كل الاماكن دي تقريبا ببلاش .. هما ممكن يعرفو انك مش قيرغيزي بس من عيونك لو لبست نضارة شمس والكالباك انسى
فيديو للمكان:
6- بحيرة تشاتيركول Chatyr Kol
ايوة هيه كلها كول لان kol يعني بحيرة بالقيرغيزي وقيرغيزستان مليانة بحيرات زي ما قولت في الاول تشاتير كول بقى دي تعتبر تالت بحيرة في قيرغيزستان ومساحتها 175 كيلو متر مربع وعمقها بيصل الى 20 متر ويقال انها على بعد 3 ساعات من نارين تقريبا ونظرا لموقعها بتبقى معظم الوقت متجمدة على مدار السنة وعلى الشاطئ بيتواجد النمور الثلجية والمرموط وهو نوع من انواع السناجب والماعز الجبلي والأوز ... ايوة في نمور في قيرغيزستان انا مشوفتهاش بس قيرغيزستان مشهورة بنوع النمور الثلجية وفي الامكان دي ممكن فعلا تكون متواجده .. كل ما تبعد المسافة كل ما يبقى في مغامرات اكتر
7 - برج بورانا Burana Tower
برج بورانا ده بقى من المعالم الاثرية لمدينة قرغيزستان من القرن التاسع والبرج ده اصلا طوله كان 45 متر لكن حصل زلزال في القرن ال 15 واتهد نصف البرج وبقى طوله 25 متر .. والبرج ده له قصة غريبة جدا بتقول ان كان ملك المدينة لسه جايله بنت حديثة الولادة وعراف قاله ان بنتك في تعبان حيلدغها وحتموت وهيه في سنة ال 18 فا هو من كتر حبه في بنته بنالها البرج ده وسكنها فوق خالص ومبقاش حد بيوصلها غير الخدام بتاعها اللي بيوصلها الاكل .. وفي مرة كان بيجيبلها الفواكه وكان في عقرب مستخبي بين الفواكه والعقرب لدغها وماتت وهيه في سن ال 18 ... كذب المنجمون ولو صدقوا .. البرج ده برضه بيبعد عن بشكيك حوالي نص ساعة
فيديو المكان: /Kirgisistan / Kyrgyzstan Burana Tower
8- قلعة كوشوي Koshoy Korgon
قلعة كوشوي) كوشوي كورجون ( دي تعتبر من بقايا قلعة لملك اسمه كوشوي ويقاله انه كان من الابطال الاسطورية لقيرغيزستان والقلعة معمولة من الجدران الطينية بس للاسف عوامل الزمن هدت كتير منها فا ملامحها مش باينة ولكن ممكن تكون مثيرة للبعض وفي هناك متحف فيه قطع اثرية من ادوات او معدات عسكرية وعن الثقافة القيرغيزية .. الخ، والقلعة تقريبا ساعتين الى تلات ساعات من نارين
فيديو للمكان: /a brief stopover at Koshoy Korgon, Kyrgyzstan
9- قرية نارين Naryn
ايوة احنا بنتكلم من الصبح عن نارين، ايوة نارين دي قرية تبعد عن بشكيك خمس الى ست ساعات .. وهيه بين الجبال .. وفوجئت اخر مرة ان خدمة الانترنت 4G جيدة جدا، نارين بقى لو انت ناوي تروح طاش رابات وكوشوي كورجون وتشاتيركول وسون كول وغيرها يبقى لازم تنزل نارين بقى وتقعد كام يوم عشان تتحرك منها على الامكان دي، نارين فيها حوالي 34000 نسمة ، واصلا نارين دي على ارتفاع 1000 متر من سطح البحر ونارين فيها نهر كبير جدا، وطبعا انت مش لازم ترجع على نارين بعد ما تروح الاماكن دي انت ممكن تخيم والخيم بتبقى جاهزة لان في الاماكن السياحية دي بتلاقي ناس ناصبة الخيام وممكن يستضيفوك زي ما قولت في الجزء الثاني ب 30 دولار وبيبقى شامل الاكل .. وقريب جدا من نارين نصف ساعة توصل لمكان اسمهSyn Kul وده مكان بقى كدة فيها نهر وجبال وتروح عشان تشوي هناك زي منتزه كده كل مرة كنت بروحه
فيديو للمكان: /Нарын шаары керемет - Naryn
10- ساري تشيليك Sary Chelek Biosphere Reserve
معنى ساري تشيليك بالقيرغيزي الوعاء الاصفر Yellow bowlممكن نعتبرها بحيرة او تجمع كبير للمياة العذبة وسط الجبال موجوده في غرب قيرغيزستان .. بصراحة المنظر روعة وانا مروحتش هناك نفسي ابقى اروح بس دي بعيدة جدا هيه قريبة من جلال اباد.. ويقال ان هناك يوجد الغزلان الحمر والوعول وانواع معينة من السناجب والخنازير البرية والنمور الثلجية واكتر من 150 نوع مختلف من الطيور وارتفاع البحيرة اكثر من 1800 متر فوق سطح البحر وحوليها في اشجار الجوز والعنب والتفاح البري.
فيديو للمكان: /YouTube
11- سوق الدوردوي Dordoi Bazar(في بشكيك)
وده طبعا اتكلمنا عنه في الجزء الثاني وحبيت اضيف ان السوق ده يقال انه اكبر سوق في منتصف اسيا وهو بيضم 10000 حاوية وزي ما قولت ان الحاويات اللي فوق للتخزين والحاويات اللي تحت لعرض البضاعة وفيه حتلاقي كل شيء من الكترونيات او اقمشة او ملابس او احذية .. الخ ولازم في اول يوم او اخر يوم تشتري بضاعة من الدوردوي لان بضاعتهم حلوة جدا وباسعار رخيصة جدا جدا
فيديو للمكان: /Culmination - Dordoi Bazaar Tour
12- جبل سليمان Mountain Sulaiman-Too, Osh (في الاوش)
وبيسموه جبل سليمان المقدس بالنسبة للمسلمين ، والجبل ده موجود في منتصف الاوش وارتفاعه حوالي 175 متر وفي مسجد يرجع تاريخه للقرن ال 16 واسمه تخت سليمان وكمان في الجانب الشرقي من الجبل في ضريح عساف بن بورهيا Asaf-ibn-Burhia والضريح ده بيرجع تاريخه للقرن ال 18 في الجبل ده في سبع كهوف مقدسة جواها في نقوش صخرية قديمة وفي متحف هناك برضه في اكتر من 33000 من المعروضات من أعمال الفنون التطبيقية والحرف واللوحات والمنحوتات والرسومات.
فيديو للمكان: /Sacred Sulaiman Too, city of Osh, Kyrgyzstan
13- قرية الاوش Osh
الاوش مكانها في جنوب قيرغيزستان والقرية دي عمرها 3000 سنة وليها تاريخ وفي منتصفها جبل سليمان وفيها المجمع التاريخي والثقافي واللي دايما فيه الاف من السياح والزوار بيتوافدوا عليه يوميا والاوش مليانة بالمساجد والمدارس الدينية واللي سمعته ان عادات اهل الاوش بتختلف عن عادات اهل نارين وايسيكول حتى في اللهجة زي عندنا كدة وجه قبلي ووجه بحري
فيديو للمكان: /Город Ош(City Osh in Kyrgyzstan)
14- قرية جلال اباد Jalal- Abad
قرية جلال اباد في منتصف قيرغيزستان وممكن نقول ان الصناعة بتتركز في جلال اباد وفيها حوالي 3 حدائق وعلى بعد 5 كيلو متر من القرية في منتجع من المية المعدنية والطين العلاجي وطبعا وجهة ايضا مهمة للقيرغيزين والاجانب الزوار
15- قرية تالاس Talas
نسيت اقولكم ان في بطل اسطوري لقيرغيزستان اسمه مناس Manas واللي على اسمه مطار مناس الدولي اللي في بشكيك
البطل ده هو اللي وحد القيرغيزيين انهم يحاربوا عشان يحصلوا على حريتهم واستقلالهم، اهو مناس ده بقى اتولد في القرية دي اللي اسمها تالاس وعاملينله تمثال كبير هناك.. والناس بتوع تالاس فخورين اوي بانهم الارض اللي اتولد فيها البطل مناس ودايما بيحكوا عنه وبيحكوا عن بطولاته وطبعا الناس اللي مهتمين في تاريخ القيرغيزي او الثقافة القيرغيزيه يبقى لازم يروحوا القرية دي اللي مليانة بمعالم بتحكي عن البطل ماناس وبطولاته.
-----------------------------------------------------------------------------------------------
ايه ده ؟ .... طيب انا حفضل اكتب لغيت امتى كدة لازم اسرع شوية الموضوع كبير ومش حقدر اني اكتب عن كل شيء في قيرغيزستان لسه في اماكن كتير ومش عايزة موضوع واحد ولا بوست واحد .. دي عايزة كتاب عشان اكتبلك عن ايه الامكان اللي ممكن تزورها في قيرغيزستان .. انا كتبتلك تقريبا 10% .. طيب والباقي .... لا دول كتير اوي قيرغيزستان فيها بحيرات كتير وجبال اكتر وشلالات ومنتجعات وينابيع واثار ومتاحف وحيوانات وطيور في الصيف والربيع تروحها عشان تشوف الخضار والجمال وفي الشتا تروحها عشان التزلج على الجليد
طيب انتوا اكيد زهقتوا مني بس انا برضه مش حيأس :-D وحكتبلكم خمس اماكن على السريع كمان
16- بحيرة الكول أكوك Kol Ukok Lake قريبة من نارين
فيديو للمكان: /Relaxing scenes of lake Kol Ukok, Kyrgyzstan - ideal for relaxation and meditation
17- بحيرة الكيل سوو Kel Suu Lake
فيديو للمكان: /Озеро Кёль-Суу
18- Chon-Ak-Suu Gorge
فيديو للمكان: https://www.youtube.com/watch?v=dt8QtOFWPLM
19- Gumbez of Manas من اثار بطل قيرغيزستان مناس
فيديو للمكان: https://www.youtube.com/watch?v=YAKrXhY4eZ0
20- كاراكول Karakol في الاسيكول وفي الشتا بيروحوا للتزلج
فيديو للمكان: https://www.youtube.com/watch?v=qcKnH4R_JuU
وفي اخر التلات اجزاء .. احب اقولكم ان اي حد يحب يسافر قيرغيزستان وعايز يستفسر عن اي شيء انا بالخدمة
ودي ارقامي
0096569015515
0096595570273
جاهز اي وقت على الواتس اب لاي استفسار ولو حد حتى راح هناك و حب يستفسر عن حاجة ممكن يراسلني ولو حد عايز يسافر ومحتاج مترجم .. عندي ارقام لمترجمين وشركات سياحة كتير .. ممكن يراسلني وانا ابعتهاله
وان شاء الله الخدمة دي لاخواتنا المصريين بدون اي مقابل
مصطفى علي
سلام عليكم ده بقى الجزء الثالث من موضوعي عن رحلاتي الى قيرغيزستان و حقولكم عن الاماكن اللي ممكن تزوروها في قيرغيزستان اللي هيه تكوينها اصلا من جبال اشجار بحيرات شلالات... الموضوع النهاردة حيكون مختلف نوعا ما لاني حزود كل مكان بفيديو من اليوتيوب (وعشان تشوف الاماكن كويس شغل خاصية ال HD)وبالتالي حيبقى الموضوع اكثر تشويقا وتأكدوا ان انا اول عربي يتناول الموضوع بالشكل المفصل ده عن دولة قيرغيزستان، وطبعا انا استعنت في تقريري ده بأني اسأل ناس قيرغيزيين واستعنت بالويكيبيديا ومواقع سياحة قيرغيزية والانترنت عموما وقبل كل ده افكاري الشخصية ولكن عشان اتناول الموضوع بالتفصيل فكان لازم اني اتاكد من المعلومة ولو مشوفتش اول جزئين من الموضوع ياريت تفتح الروابط اللي تحت:
رابط الجزء الاول
/Мустафа Али
رابط الجزء الثاني
/Мустафа Али
وطبقا للخوارزمية اللي شغال بيها الفيس بوك فا كوني اني احط لينكات في بوست على الفيس بوك ده بيقلل من تفاعل المنشور فا اتمنى من حضراتكم لايك او شير او كومنت عشان البوست يقدر يوصل لناس اكثر واحس اني فعلا المجهود اللي عملته في كتابة التقرير ده مضاعتش :-D وبتمنى من ربنا ان الموضوع يعجبكم وميبقاش مجرد كلام ولينكات ....يالا نتوكل على الله
1- طاش رابات Tash Rabat
غريب جدا انك تلاقي مبنى اثري زي ده في منطقة نائية وسط الجبال تبعد عن قرية نارين ساعتين اللي اصلا نارين بتبعد عن العاصمة بشكيك خمس الى ست ساعات بالسيارة المبنى ده له حكايات واساطير كتير جدا ويحكى ان في امبراطورية كانت في المبنى ده والمبنى مكون من 31 غرفة وفي فتحات داخل ارضية الغرف دي كانوا بيحزروني اني مقعش فيها لان بعضها كانت مش متغطية ويحكى ان الفتحات دي انفاق وبتؤدي الى الصين والله اعلم .. المبنى ده يرجع تاريخ للقرن ال 15 والتاريخ بيقول ان ده يعتبر كان استراحة للتجار والمسافرين عبر طريق التجارة Silk Roadبين منتصف اسيا وبين الصين، فعلا شكله مريب جدا ومخيف وعقبال ما توصله تشوف شكل الجبال اللي حواليه مخيفة وتتسائل ازاي كان في ناس عايشة في المكان المنعزل ده لو كان هو فعلا في مملكة وامبراطورية في المكان ده
فيديو للمكان:
2- جيتتي اوجوز (السبع ثيران) Jeti Oguz
منطقة الجيتتي اوجوز بالاسيكول معناها باللغة القيرغيزية سبع ثيران وهما سموها كدة عشان فيه سبع جبال او منحدرات جنب بعضيها وكأنها سبع ثيران غاضبة واقفين جنب بعض وقدامها اشجار الصنوبر بشكل كثيف جدا وفي المكان ده في ينابيع مياة كبريتية ساخنة بتفيد في علاج امراض زي الروماتيزم والتهاب المعدة والامراض العصبية وبرضه في الجزء العلوي من جيتي اوجوز في بحيرات جبلية وشلال ووادي مليان بزهور الخشخاش.
فيديو للمكان:
3- بحيرة الاسيكول Issyk Kul
طبعا دي اكبر بحيرة في قيرغيزستان وتبعد عن بشكيك العاصمة حوالي ست ساعات والطريق ممهد ليها ودي بقى المتعة كلها يعني كأنك بتروح البحر كدة عندنا في الساحل الشمالي او شرم .. بحيرة كبيرة جدا ومحاطة بالجبال من الناحيتين ولما تروح قيرغيزستان لازم ولابد انك تروح الاسيكول وتأجرلك فيلا صغيرة او بيت خشبي وتنزل تستمتع بالالعاب المائية والباراشوت والموزة والسكوتر او تركب سفينة تلف بيك في البحيرة فيه انشطة كتير جدا ممكن تستمع فيها و انت قاعد على الشاطئ دايما حتلاقي ناس بتعدي تعرض عليك خدمة المساج على الشاطئ و دايما حتسمع الكلمتين دول ولو روحت ابقى افتكرني ... ريبا ريبا وكلمة ryba دي يعني سمكة بالروسي وهما بيبيعوا سمكة عاملة زي الرنجة كدة بالظبط بس اقل في الملوحة من بتاعت مصر ... وكلمة تانية اسمها كوكوروزا جارياتشي- جارياتشي كوكوروزا goryachaya kukuruza.. ومعناها الذرة الساخن بالروسي .. بحيرة الاسيكول تقع على ارتفاع اكتر من 1600 متر فوق مستوى سطح البحر طولها 180 كيلو متر وعرضها 70 كيلو متر وعمقها بيوصل لاكثر من 660 متر وعشان تأجر زي شاليه هناك بيتراوح ايجاره بين 70 الى 100 دولار في اليوم الواحد وممكن تلاقي ب 50 مش بيبقى مستواه عالي وفيه فنادق وفيه كل شيء هناك لانها مدينة ومقصد للسياح فا كل شيء متوفر وجميع وسائل الترفيه موجوده
فيديو للمكان:
4- بحيرة سون كول Son Kol Lake
بحيرة سون كول بعيدة عن نارين حوالي ساعة ونصف بالسيارة والبحيرة دي تعتبر تاني اكبر بحيرة بعد بحيرة الاسيكول Issyk Kul وبتقع على ارتفاع اكتر من 3000 متر وعمق البحيرة دي بيصل لحوالي 14 متر والغريب ان حوالين البحيرة دي ما فيش ولا شجرة واحدة وعشان تروحها لازملك سيارة جيب عشان الطريق مش ممهد وصعب .. وفي الصور حتشوفو الطريق الى السون كول وكمان صور شلال السون كول وده بيبقى في الطريق للبحيرة
فيديو للمكان:
5- منتزة آلا أرتشا Al Archa National Park
هو عبارة عن حدائق فيها جبال وانهار كتير وارتفاعها عن الارض حوالي 1500 متر والحدائق دي بتغطي مساحة كبيرة جدا حوالي 200 كيلو متر مربع وغالبا لو رحت لاي شركة سياحة بعد ما يفرجك على بشكيك والاسواق اللي فيها حيطلعك على آلا أرتشا عشان هيه قريبة جدا من بشكيك حوالي نصف ساعة بالسيارة .. وهو مكان سياحي الناس بتحب تروحه دايما في نهاية الاسبوع ولو في الشتا الناس بتروح هناك عشان التزلج.. ومتنساش قبل ما تخرج من بشكيك لازم تطلع على اقرب جبل وتشوف بشكيك كلها من فوق منظر اكثر من رائع وبيفكرني بسلطنة عمان لما طلعت على الجبل وشوفت منظر مسقط كلها من على الجبل كان منظر رائع لا يوصف والدخول للمنتزه ده بسعر رمزي ممكن 100 سوم او 200 سوم وعلى فكرة انا كنت دايما بدخل الاماكن دي متنكر وغالبا مش بدفع فلوس او بدفع فلوس زي القيرغيزيين وهيه ممكن تكون 20 سوم او 10 سوم بس بلبس الطاقية القيرغيزي واسمها كالباك Kalpak والبس نضارة الشمس برضه المصريين بيعرفوا يسلكوا في اي مكان
... خلاص محدش حيعرف اني اجنبي ههههههه كنت بدخل كل الاماكن دي تقريبا ببلاش .. هما ممكن يعرفو انك مش قيرغيزي بس من عيونك لو لبست نضارة شمس والكالباك انسى فيديو للمكان:
6- بحيرة تشاتيركول Chatyr Kol
ايوة هيه كلها كول لان kol يعني بحيرة بالقيرغيزي وقيرغيزستان مليانة بحيرات زي ما قولت في الاول تشاتير كول بقى دي تعتبر تالت بحيرة في قيرغيزستان ومساحتها 175 كيلو متر مربع وعمقها بيصل الى 20 متر ويقال انها على بعد 3 ساعات من نارين تقريبا ونظرا لموقعها بتبقى معظم الوقت متجمدة على مدار السنة وعلى الشاطئ بيتواجد النمور الثلجية والمرموط وهو نوع من انواع السناجب والماعز الجبلي والأوز ... ايوة في نمور في قيرغيزستان انا مشوفتهاش بس قيرغيزستان مشهورة بنوع النمور الثلجية وفي الامكان دي ممكن فعلا تكون متواجده .. كل ما تبعد المسافة كل ما يبقى في مغامرات اكتر
7 - برج بورانا Burana Tower
برج بورانا ده بقى من المعالم الاثرية لمدينة قرغيزستان من القرن التاسع والبرج ده اصلا طوله كان 45 متر لكن حصل زلزال في القرن ال 15 واتهد نصف البرج وبقى طوله 25 متر .. والبرج ده له قصة غريبة جدا بتقول ان كان ملك المدينة لسه جايله بنت حديثة الولادة وعراف قاله ان بنتك في تعبان حيلدغها وحتموت وهيه في سنة ال 18 فا هو من كتر حبه في بنته بنالها البرج ده وسكنها فوق خالص ومبقاش حد بيوصلها غير الخدام بتاعها اللي بيوصلها الاكل .. وفي مرة كان بيجيبلها الفواكه وكان في عقرب مستخبي بين الفواكه والعقرب لدغها وماتت وهيه في سن ال 18 ... كذب المنجمون ولو صدقوا .. البرج ده برضه بيبعد عن بشكيك حوالي نص ساعة
فيديو المكان: /Kirgisistan / Kyrgyzstan Burana Tower
8- قلعة كوشوي Koshoy Korgon
قلعة كوشوي) كوشوي كورجون ( دي تعتبر من بقايا قلعة لملك اسمه كوشوي ويقاله انه كان من الابطال الاسطورية لقيرغيزستان والقلعة معمولة من الجدران الطينية بس للاسف عوامل الزمن هدت كتير منها فا ملامحها مش باينة ولكن ممكن تكون مثيرة للبعض وفي هناك متحف فيه قطع اثرية من ادوات او معدات عسكرية وعن الثقافة القيرغيزية .. الخ، والقلعة تقريبا ساعتين الى تلات ساعات من نارين
فيديو للمكان: /a brief stopover at Koshoy Korgon, Kyrgyzstan
9- قرية نارين Naryn
ايوة احنا بنتكلم من الصبح عن نارين، ايوة نارين دي قرية تبعد عن بشكيك خمس الى ست ساعات .. وهيه بين الجبال .. وفوجئت اخر مرة ان خدمة الانترنت 4G جيدة جدا، نارين بقى لو انت ناوي تروح طاش رابات وكوشوي كورجون وتشاتيركول وسون كول وغيرها يبقى لازم تنزل نارين بقى وتقعد كام يوم عشان تتحرك منها على الامكان دي، نارين فيها حوالي 34000 نسمة ، واصلا نارين دي على ارتفاع 1000 متر من سطح البحر ونارين فيها نهر كبير جدا، وطبعا انت مش لازم ترجع على نارين بعد ما تروح الاماكن دي انت ممكن تخيم والخيم بتبقى جاهزة لان في الاماكن السياحية دي بتلاقي ناس ناصبة الخيام وممكن يستضيفوك زي ما قولت في الجزء الثاني ب 30 دولار وبيبقى شامل الاكل .. وقريب جدا من نارين نصف ساعة توصل لمكان اسمهSyn Kul وده مكان بقى كدة فيها نهر وجبال وتروح عشان تشوي هناك زي منتزه كده كل مرة كنت بروحه
فيديو للمكان: /Нарын шаары керемет - Naryn
10- ساري تشيليك Sary Chelek Biosphere Reserve
معنى ساري تشيليك بالقيرغيزي الوعاء الاصفر Yellow bowlممكن نعتبرها بحيرة او تجمع كبير للمياة العذبة وسط الجبال موجوده في غرب قيرغيزستان .. بصراحة المنظر روعة وانا مروحتش هناك نفسي ابقى اروح بس دي بعيدة جدا هيه قريبة من جلال اباد.. ويقال ان هناك يوجد الغزلان الحمر والوعول وانواع معينة من السناجب والخنازير البرية والنمور الثلجية واكتر من 150 نوع مختلف من الطيور وارتفاع البحيرة اكثر من 1800 متر فوق سطح البحر وحوليها في اشجار الجوز والعنب والتفاح البري.
فيديو للمكان: /YouTube
11- سوق الدوردوي Dordoi Bazar(في بشكيك)
وده طبعا اتكلمنا عنه في الجزء الثاني وحبيت اضيف ان السوق ده يقال انه اكبر سوق في منتصف اسيا وهو بيضم 10000 حاوية وزي ما قولت ان الحاويات اللي فوق للتخزين والحاويات اللي تحت لعرض البضاعة وفيه حتلاقي كل شيء من الكترونيات او اقمشة او ملابس او احذية .. الخ ولازم في اول يوم او اخر يوم تشتري بضاعة من الدوردوي لان بضاعتهم حلوة جدا وباسعار رخيصة جدا جدا
فيديو للمكان: /Culmination - Dordoi Bazaar Tour
12- جبل سليمان Mountain Sulaiman-Too, Osh (في الاوش)
وبيسموه جبل سليمان المقدس بالنسبة للمسلمين ، والجبل ده موجود في منتصف الاوش وارتفاعه حوالي 175 متر وفي مسجد يرجع تاريخه للقرن ال 16 واسمه تخت سليمان وكمان في الجانب الشرقي من الجبل في ضريح عساف بن بورهيا Asaf-ibn-Burhia والضريح ده بيرجع تاريخه للقرن ال 18 في الجبل ده في سبع كهوف مقدسة جواها في نقوش صخرية قديمة وفي متحف هناك برضه في اكتر من 33000 من المعروضات من أعمال الفنون التطبيقية والحرف واللوحات والمنحوتات والرسومات.
فيديو للمكان: /Sacred Sulaiman Too, city of Osh, Kyrgyzstan
13- قرية الاوش Osh
الاوش مكانها في جنوب قيرغيزستان والقرية دي عمرها 3000 سنة وليها تاريخ وفي منتصفها جبل سليمان وفيها المجمع التاريخي والثقافي واللي دايما فيه الاف من السياح والزوار بيتوافدوا عليه يوميا والاوش مليانة بالمساجد والمدارس الدينية واللي سمعته ان عادات اهل الاوش بتختلف عن عادات اهل نارين وايسيكول حتى في اللهجة زي عندنا كدة وجه قبلي ووجه بحري
فيديو للمكان: /Город Ош(City Osh in Kyrgyzstan)
14- قرية جلال اباد Jalal- Abad
قرية جلال اباد في منتصف قيرغيزستان وممكن نقول ان الصناعة بتتركز في جلال اباد وفيها حوالي 3 حدائق وعلى بعد 5 كيلو متر من القرية في منتجع من المية المعدنية والطين العلاجي وطبعا وجهة ايضا مهمة للقيرغيزين والاجانب الزوار
15- قرية تالاس Talas
نسيت اقولكم ان في بطل اسطوري لقيرغيزستان اسمه مناس Manas واللي على اسمه مطار مناس الدولي اللي في بشكيك
البطل ده هو اللي وحد القيرغيزيين انهم يحاربوا عشان يحصلوا على حريتهم واستقلالهم، اهو مناس ده بقى اتولد في القرية دي اللي اسمها تالاس وعاملينله تمثال كبير هناك.. والناس بتوع تالاس فخورين اوي بانهم الارض اللي اتولد فيها البطل مناس ودايما بيحكوا عنه وبيحكوا عن بطولاته وطبعا الناس اللي مهتمين في تاريخ القيرغيزي او الثقافة القيرغيزيه يبقى لازم يروحوا القرية دي اللي مليانة بمعالم بتحكي عن البطل ماناس وبطولاته.
-----------------------------------------------------------------------------------------------
ايه ده ؟ .... طيب انا حفضل اكتب لغيت امتى كدة لازم اسرع شوية الموضوع كبير ومش حقدر اني اكتب عن كل شيء في قيرغيزستان لسه في اماكن كتير ومش عايزة موضوع واحد ولا بوست واحد .. دي عايزة كتاب عشان اكتبلك عن ايه الامكان اللي ممكن تزورها في قيرغيزستان .. انا كتبتلك تقريبا 10% .. طيب والباقي .... لا دول كتير اوي قيرغيزستان فيها بحيرات كتير وجبال اكتر وشلالات ومنتجعات وينابيع واثار ومتاحف وحيوانات وطيور في الصيف والربيع تروحها عشان تشوف الخضار والجمال وفي الشتا تروحها عشان التزلج على الجليد
طيب انتوا اكيد زهقتوا مني بس انا برضه مش حيأس :-D وحكتبلكم خمس اماكن على السريع كمان
16- بحيرة الكول أكوك Kol Ukok Lake قريبة من نارين
فيديو للمكان: /Relaxing scenes of lake Kol Ukok, Kyrgyzstan - ideal for relaxation and meditation
17- بحيرة الكيل سوو Kel Suu Lake
فيديو للمكان: /Озеро Кёль-Суу
18- Chon-Ak-Suu Gorge
فيديو للمكان: https://www.youtube.com/watch?v=dt8QtOFWPLM
19- Gumbez of Manas من اثار بطل قيرغيزستان مناس
فيديو للمكان: https://www.youtube.com/watch?v=YAKrXhY4eZ0
20- كاراكول Karakol في الاسيكول وفي الشتا بيروحوا للتزلج
فيديو للمكان: https://www.youtube.com/watch?v=qcKnH4R_JuU
وفي اخر التلات اجزاء .. احب اقولكم ان اي حد يحب يسافر قيرغيزستان وعايز يستفسر عن اي شيء انا بالخدمة
ودي ارقامي
0096569015515
0096595570273
جاهز اي وقت على الواتس اب لاي استفسار ولو حد حتى راح هناك و حب يستفسر عن حاجة ممكن يراسلني ولو حد عايز يسافر ومحتاج مترجم .. عندي ارقام لمترجمين وشركات سياحة كتير .. ممكن يراسلني وانا ابعتهاله
وان شاء الله الخدمة دي لاخواتنا المصريين بدون اي مقابل
مصطفى علي
