انا مسافر بقالي ٧ شهور في اسيا وبصرف اقل من كدا بالشهر كمان . عموما انا في ماليزيا للان والحياة جدا هتستمتعي بيها. لو بتاكلي اكل مالاي وهندي ١٠ رينجت يكفوا لوجبة كاملة محترمة جدا مع مشروب كمان ولو نباتية او مستعدة تبقي "السفر مش بس اكل" اكبر وجبة ب ٥ رنجت هههه باكيت الاندومي محترم ٦ حبات ب ٤ رينجت. الاكل العربي بيكون شوية اغلى من ١٠ ل ٢٠ رينجت ولكن الشاورما هنا طيبة جدا ورخيصة برضو. ولو في جامعة قريبة متعة جدا التمشية جوا وممكن اي حد ياكل في المقصف بتاعهم ممكن رز وخصروات ودجاج وسلطة المتوسط بس ٥ رينجت. المواصلات متوسط الباص والمترو ٢ رينجت. ومن كوالالمبور لللللللل ابعد مكان خالص في شمال ماليزيا ٦٠ رينجت. المياه ممكن الزجاجة متوسط ١.٥ رينجت او اللي انا على طول بعمله من ماكينات تنقية المياه بالشارع ب ١٠ سنت بس للتر وكويسة جدا جدا في ماليزيا يعني الرينجت ١٠ لتر مياه. ولو حد هيسكن في كوالالمبور مدة يبقى الافضل يشتري كارت touch and go تقريبا ب ٨ رينجت بيوفر ٢٠% على اي مواصلة جدا بيفرق. ولو حد يعرف حد طالب ممكن يقلب منه كارته بيوفر ٥٠% . #دمتم_بود
