ممكن لو حد يقول لو حد حجز على booking ومخدش...

[Mohamed Anwar]

ممكن لو حد يقول لو حد حجز على booking ومخدش باله ان الفندق اللى حجز فيه مفيش فيه free ممكن اوقف الفيزا عشان عملية السحب متحصلش ؟ cancellation

 

[Rose Adel]

علي حسب الحجز نفسه اذا كان قابل للالغاء او لا

 

[Mohamed Khattab]

كلم الفندق ممكن تلاقي عندهم حل. و حاول بعد كده كلم بوكينج تكنسل بس ده يتم باسرع ما يكون

 

[Shặmş Ăhmễd]

ليهم خط ساخن دور عليه في جوجل وكلمهم وهيقولولك راسل الجهه بايميل مباشره لو وافقوا احنا هنوافق وكمان بيساعدوك انهم بيتصلوا بالجهه دي وانت علي الويتنج

 

[Mohamed ElGohary]

لو الفيزا مافيهاش فلوس الحجز هيتكنسل اول ما الفندق يحاول ياخد الفلوس.

 

[Ehab Amer]

I have passed this experience 2 times before
I cancelled and the hotel approved not to charge me

 

[Ashraf Hegazy]

هو انا عملت كده قبل كده و متسحبش فلوس خالص ، لدرجه اني بقيت اعمل علطول حجز مؤكد بالرغم من ان الفيزا فيها فلوس

 

[Mohammed Alaa]

حصل قبل كده بعد ما سحبوا الفلوس لمدة الإقامة كلها حبيت ألغي .. كلمت بوكينج وهما كلموا الفندق ورجعوا المبلغ كله

 

[Ahmed Hassan Egitto Luxor]

ما هي لو مسحبتش هيبعتلك رساله يقولك. ان الفيزا بتاعتك مش شغاله وهيديك مهله 24 ساعه وبعدين الحجز يتلغي

 

[Alaa Abdelhamed]

لو انت حاجز حجز غير مرتجع والفيزا بتاعتك مش مغطيه هيعملوا بلوك للاكونت بتاعك على بوكنج مش هتقدر تحجز اي فندق من عندهم

 

[Wael Haroun]

اقولك على مفاجأة... انا حجزت حجز غير قابل للاسترداد واتصلت ببوكينج وحولته لحجز تاني بعدها بتلات شهور

 

[Moud Ezz]

بوكينج هايرجع لإدارة الفندق عند الغاء الحجز، لو الفندق وافق انه مايخصمش منك فلوس، مش هايخصموا

حاول تتواصل مع إدارة الفندق

 

[Ahmed Barakat Ibrahim]

انا مره حجزت فندق بمكه عن طريق بوكنج غير قابل للاسترداد الفندق بعتلي رساله لما ما روحتش انا قولت هيسحبوا المبلغ الطياره فتتني وقولي مش هناخد منك الفلوس علشان ما جتش

 

[Vet Jimmy]

ممكن تقفلها من البنك

 

[Lobna Labib]

اوقف الفيزا وهما حيحاولوا يسحبوا مرتين اوتﻻتة مش حيعرفوا فيبعتولك ميل بالالغاء..حصلت معايا

 

[Hanaa Elsayed]

بالنسبة للفنادق اللي بتخصم حق اول ليلة لو مروحتش والفيزا مفهاش فلوس لو الفيزا اتحط فيها فلوس بعد فترة الفندق هيسحب من الفلوس اول ليلة وله خلاص كده

 

[Mahmoud Lamloum]

الخلاصه يا باشا
راسل بوكينج و قولهم و لو فى فلوس اتخصمت حيكلم الفندق و يرجعها

 

[Adel Ehab]

فيه على صفحة الحجز بتاعك لينك cancel at lower fees.. تبعت عليه ظرف مناسب يكون سبب للالغاء وهم هيتواصلوا مع الفندق و50% بيوافق خصوصاً لو لسه ما سحبش الفلوس وكان الحجز لسه بعيد.. بلاش حكاية إيقاف الفيزا دي هتدخلك ف حوارات مع البنك.. بتوع بوكينج متفاهمين.. أنا لغيت حجز قبل كده يوم الحجز نفسه وكمان غيرت واحد تاني non refundable.. ومع ذلك بس فيه حجز تاني إدارة الفندق رفضت فاضطريت أكمل الحجز

 

[Bishoy Philip]

لو سمحتوا لو انا عايز اعمل حجز فندق للسفارة ( شنجن ) اعمله مؤكد ازاي .،،،، عشان بسمع انه بيكون مطلوب حجز مؤكد و ده مش الفندق اللي هقسم فيه ده هعمله للسفارة بس

 

[Mohamed Anwar]

طب لو سمحت يا جماعة انا لو هقدم على فيزا شنجن اقدم عن طريق المانيا ولا فرنسا ولا الاتنين واحد وكشف الحساب عدى عليه 4 شهور ده عادى ولا لا بس معايا ما يثبت ان فيه ممتلكات وكدة ولازم اكون حاجز طيران ذهاب وعودة ولا عادى ؟؟