ش
شيماء علي مراد
:: مسافر ::
ننزل تقرير بقى مش كله أسئلة 
تقرير بسيط عن لبنان الجميلة
بس مبدئيا انا كنت هناك في 2011-2012 فغالبا ممكن يكون في اجراءات كتير اتغيرت
و زوجي كان عنده شغل هناك و كنت بروحله زيارات
فممكن في تفاصيل كتير متكونش عندي بس باذن الله افيدكم على قد ما اقدر
*لبنان مش محتاجة تأشيرة بس يبقى معاك حجز اوتيل و 2000$ و انت في المطار و بس كدة بتاخد من المطار فيزا شهر تقريبا
ممكن تجددها و انت هناك و لو كسرتها بتدفع رسوم و انت خارج من المطار ( معلومة صغيرة الرسوم في المطار لازم تتدفع بالليرة اللبناني لاني وقتها مكنش معايا غير دولار و الطيارة كانت هتفوتني علشان مكنتش عارفة اغير)
*العملة هناك ليرة لبناني بس بيتعاملوا بالدولار عادي يعني ممكن تدفع دولار تاخد الباقي جزء دولار و جزء ليرة
*البلد مش غالية قوي بس مش رخيصة
*طبعا الأكل اللبناني جميييييل و اسعاره حلوة بس المطاعم الامريكية هناك اسعارها غالية و كميات الأكل قليلة
و عموما المنيوهات هناك محدودة جدا (كنت مفتقدة منيو سبكترا اللي بيبقى 20 صفحة ده)
مطعم بربر من اشهر مطاعم الأكل البناني اكله رائع و سعره رخيص
و المحلات الصغيرة في الشوارع الجانبية فيها اجمل مناقيش و لحم بعجين
الكافيهات بتبقى زحمة جدا و الأكل فيها برده غالي و كمياته قليلة
بس مفيش أحلى من انك تاخد الترويقة (الفطار باللبناني) على كافيه من كافيهات الكورنيش الصبح على البحر
و في الشارع بالليل عربيات الذرة بس ذرة مسلوق مش مشوي زينا متعة تانية
*وسط البلد هناك حي الحمرا و الروشة
الروشة على الكورنيش و هناك صخرة الروشا من معالم بيروت (معرفش ليه بس هي جميلة برده)
Photos attached
*البنزين هناك مش مدعم فالتكسيات غااالية جدا
الأفضل تتحرك بليموزين ده بيبقى عربيات تاكسي برده بس و انت بتوقفها تسأل تاكسي و لا ليموزين
الفرق ان التاكسي مش بيركب حد معاك و يوصلك للمكان اللي انت تقول عليه و حسابه غالي
الليموزين بيحاسبك بالفرد (تقريبا كان 2000 ليرة -لما كنت هناك كان ال 1000 ليرة بيعادل 4 جنيه مش عارفة دلوقتي كام- )
و الليموزين ممكن يركب حد معاك عادي
في مواصلات عامة بس قليلة شوية
*أفضل وقت لزيارة لبنان -على ما اتذكر- شهر 12-1 و أول فبراير
على اخر فبراير التلج بيبدأ يسيح و في اماكن مش بتنفع زيارتها
*الشعب البناني شعب جميييل قوي و ودود و مرح التعامل معاهم كان ممتع فعلا
*لو مش هتسافر من هنا تبع شركة سياحة عاملة برنامج كامل بالمزارات يبقى هناك تحجز مع شركة سياحة داخلية الرحلات اللي انت عايزها لانها هتبقى اوفر من انك تطلع مع نفسك و بتبقى منظمة و الجو الجماعي ممتع جدا و غالبا بتبقى الرحلة شاملة وجبة غدا لبناني جميلة
*أجمل الرحلات هناك فاريا جبال التلج
دي قمة المتعة و الجمال و احلى صور
وفوق الجو بيبقى غريب شمس قوية جد بسبب انعكاس التلج (لازم صن بلوك و الا هترجع كانك راجع من راس البر) و في الباص على الطريق دفا و فوق هوا ساقع تللللج فلازم سويترات و كوفيات و جونتيهات
و فوق ممكن تأجر معدات ال skating
photos attached
*طبعا مينفعش حد يروح بيروت و ميركبش التليفريك
التليفريك بيتركب من منطقة حريصا
و المنظر من فوق رااائع
Photos attached
*مغارة جعيتا
متعة لا مثيل لها تتجلى فيها ابداع الخالق عز و جل
اقروا عنها هنا افضل
https://www.google.com.eg/url?sa=t&...lcrbsb-Ro_tmfkZBTwj6Bg&bvm=bv.144224172,d.d24
بنتحرك فيها بقارب في في المياة
و التصوير ممنوووووع تماماااااا
بس تقدروا تشوفوا الصور هنا
/مغارة جعيتا - بحث Google
*متحف المشاهير
من الاماكن الجميلة جداااا
متحف بيضم مشاهير العالم بتماثيل من الشمع
و في منهم تماثيل بتتكلم و تتحرك
زي تمثال فيروز بتغني مثلا
Photo attached
*الشوبينج هناك مش واو
و مفيش حاجة مميزة قوي ممكن نجبها من هناك
بس ممكن نجيب تذكارات خشب ارز من فاريا
بتختار الشكل اللي يعجبك و يتحفر عليه اسامي مثلا
يارب يكون التقرير البسيط ده فيه اي افادة و تحت امركم في اي استفسار
تقرير بسيط عن لبنان الجميلة
بس مبدئيا انا كنت هناك في 2011-2012 فغالبا ممكن يكون في اجراءات كتير اتغيرت
و زوجي كان عنده شغل هناك و كنت بروحله زيارات
فممكن في تفاصيل كتير متكونش عندي بس باذن الله افيدكم على قد ما اقدر
*لبنان مش محتاجة تأشيرة بس يبقى معاك حجز اوتيل و 2000$ و انت في المطار و بس كدة بتاخد من المطار فيزا شهر تقريبا
ممكن تجددها و انت هناك و لو كسرتها بتدفع رسوم و انت خارج من المطار ( معلومة صغيرة الرسوم في المطار لازم تتدفع بالليرة اللبناني لاني وقتها مكنش معايا غير دولار و الطيارة كانت هتفوتني علشان مكنتش عارفة اغير)
*العملة هناك ليرة لبناني بس بيتعاملوا بالدولار عادي يعني ممكن تدفع دولار تاخد الباقي جزء دولار و جزء ليرة
*البلد مش غالية قوي بس مش رخيصة
*طبعا الأكل اللبناني جميييييل و اسعاره حلوة بس المطاعم الامريكية هناك اسعارها غالية و كميات الأكل قليلة
و عموما المنيوهات هناك محدودة جدا (كنت مفتقدة منيو سبكترا اللي بيبقى 20 صفحة ده)
مطعم بربر من اشهر مطاعم الأكل البناني اكله رائع و سعره رخيص
و المحلات الصغيرة في الشوارع الجانبية فيها اجمل مناقيش و لحم بعجين
الكافيهات بتبقى زحمة جدا و الأكل فيها برده غالي و كمياته قليلة
بس مفيش أحلى من انك تاخد الترويقة (الفطار باللبناني) على كافيه من كافيهات الكورنيش الصبح على البحر
و في الشارع بالليل عربيات الذرة بس ذرة مسلوق مش مشوي زينا متعة تانية
*وسط البلد هناك حي الحمرا و الروشة
الروشة على الكورنيش و هناك صخرة الروشا من معالم بيروت (معرفش ليه بس هي جميلة برده)
Photos attached
*البنزين هناك مش مدعم فالتكسيات غااالية جدا
الأفضل تتحرك بليموزين ده بيبقى عربيات تاكسي برده بس و انت بتوقفها تسأل تاكسي و لا ليموزين
الفرق ان التاكسي مش بيركب حد معاك و يوصلك للمكان اللي انت تقول عليه و حسابه غالي
الليموزين بيحاسبك بالفرد (تقريبا كان 2000 ليرة -لما كنت هناك كان ال 1000 ليرة بيعادل 4 جنيه مش عارفة دلوقتي كام- )
و الليموزين ممكن يركب حد معاك عادي
في مواصلات عامة بس قليلة شوية
*أفضل وقت لزيارة لبنان -على ما اتذكر- شهر 12-1 و أول فبراير
على اخر فبراير التلج بيبدأ يسيح و في اماكن مش بتنفع زيارتها
*الشعب البناني شعب جميييل قوي و ودود و مرح التعامل معاهم كان ممتع فعلا
*لو مش هتسافر من هنا تبع شركة سياحة عاملة برنامج كامل بالمزارات يبقى هناك تحجز مع شركة سياحة داخلية الرحلات اللي انت عايزها لانها هتبقى اوفر من انك تطلع مع نفسك و بتبقى منظمة و الجو الجماعي ممتع جدا و غالبا بتبقى الرحلة شاملة وجبة غدا لبناني جميلة
*أجمل الرحلات هناك فاريا جبال التلج
دي قمة المتعة و الجمال و احلى صور
وفوق الجو بيبقى غريب شمس قوية جد بسبب انعكاس التلج (لازم صن بلوك و الا هترجع كانك راجع من راس البر) و في الباص على الطريق دفا و فوق هوا ساقع تللللج فلازم سويترات و كوفيات و جونتيهات
و فوق ممكن تأجر معدات ال skating
photos attached
*طبعا مينفعش حد يروح بيروت و ميركبش التليفريك
التليفريك بيتركب من منطقة حريصا
و المنظر من فوق رااائع
Photos attached
*مغارة جعيتا
متعة لا مثيل لها تتجلى فيها ابداع الخالق عز و جل
اقروا عنها هنا افضل
https://www.google.com.eg/url?sa=t&...lcrbsb-Ro_tmfkZBTwj6Bg&bvm=bv.144224172,d.d24
بنتحرك فيها بقارب في في المياة
و التصوير ممنوووووع تماماااااا
بس تقدروا تشوفوا الصور هنا
/مغارة جعيتا - بحث Google
*متحف المشاهير
من الاماكن الجميلة جداااا
متحف بيضم مشاهير العالم بتماثيل من الشمع
و في منهم تماثيل بتتكلم و تتحرك
زي تمثال فيروز بتغني مثلا
Photo attached
*الشوبينج هناك مش واو
و مفيش حاجة مميزة قوي ممكن نجبها من هناك
بس ممكن نجيب تذكارات خشب ارز من فاريا
بتختار الشكل اللي يعجبك و يتحفر عليه اسامي مثلا
يارب يكون التقرير البسيط ده فيه اي افادة و تحت امركم في اي استفسار