الاول بشكر كل الناس فى الجروب انا عضو جديد وانتوا اكثر من رائعين واستفدت...

  • بادئ الموضوع بادئ الموضوع Khaled Tawfik
  • تاريخ البدء تاريخ البدء
عرض العطلة
K

Khaled Tawfik

:: مسافر ::
#1
الاول بشكر كل الناس فى الجروب انا عضو جديد وانتوا اكثر من رائعين واستفدت منكوا كتير ، انا هسأل وهحاول اكون دقيق وبتمنى اللى يرد يحاول يكون دقيق عشان هرتب نفسى بنسبه كبيره على كلام اهل الخبره زيكو ، فرحى ان شاء الله فى اخر شهر عشره الجاى ، محتاج معلومات كافيه عن شهر عسل فى تايلاند - فردين انا وزوجتى:

الداتا:
١- هيبقى معايا تقريبا وقتها ٢٠ الف مصرى للموضوع دا.

٢- اقدر ابدأ السفر فى الفتره من ١/١١ ل ٢٠/١١ لمدة خمس ايام.

٣- انا متواجد حاليا فى ابوظبى - الامارات.

بسأل عن:

١- انا محتاج استجم وافضى دماغى انا ومراتى اكتر من انى الف واشوف اماكن كتير ، هل تايلاند تناسبنى فى ده؟

٢- محتاج وقت اد ايه لانهاء اجراءات السفر من اول مشوار فى مصر لحد ما هركب الطياره لأن اجازتى محدوده؟

٢- ايه هى بقا المشاوير دى بالظبط عشان اركب نفس الطياره؟

٢- اسعار تذاكر السفر؟

٣- تكلفة الرحلات هناك بالاكل (اكل متوسط)..؟

٤- هل مع شركة سياحه افضل ولا مع نفسى؟

٥- هل انهاء اجراءات الموضوع دا من الامارات فيما يخص تكلفة شركة السياحه - ان وجدت - وحجز تذاكر السفر اوفر بالدرهم ولا من مصر افضل.؟

شكرا مقدما..
 
#2
iF7AfZw2xtks6L9hOGvM8ezKpfaydw8E.jpeg
 
#5
الأفضل شركة سياحه في مصر حتعملك تكلفه مظبوطه تايلاند غير مناسبه لزوجين. لو استجمام فرنسا أو قبرص أو تركيا أو لبنان
 
عرض العطلة
#6
خمس أيام فترة قصيرة جدا علي تايلند ، لو حضرتك مسافر من الخليج كان ممكن تعدي، انما حترجع علي مصر وتسافر حتبقي متعبة لطول فترة الطيران ولو مصمم احجز علي بوكيت مباشر انا طلعتها علي القطرية وممكن طيران الاتحاد ومش متأكد من الامارتية.
 
#7
خمس ايام بس وكمان تستجم وتفضي دماغك بس ومش مهم اي حاجة تانيه يبقي تروح الجونه او سهل حشيش او ان شاء الله حتي الفيوم وتروح في فندق سبع نجوم في اي واحد من دول .
ولا هتحتاج تخرج من الفندق وهتاكل كله هناك وتاخد سويت وزي الفل والأولوية للجونه في فندق مش عارفه أفتكر أسمه بس هو مشهور قوي وفِي ااااخر البحر خالص
 
#8
من رأيى انه نظرا لمتطلباتك من الرحلة يبقى من الافضل انك تقضى الخمس ايام دول فى حته زى الجونة او سهل حشيش فى الغردقة وارشحلك اوبروى سهل حشيش. خدلك سويت بحمام سباحة مستقل واطلب اكلك فى السويت وفضى دماغك براحتك.
انما تايلاند لخمس ايام بس. سورى دى تبقى تكلفة ع الفاضى وتعب وارهاق انت مش محتاجه فى حالتك دى.
 
#10
الراجل داخل يسأل علي تايلاند و الناس عايزه تعمل شهر العسل علي مزاجهم.
بقولك يا برنس اعمل تصويت و شوف الناس تحبك تقضي شهر العسل بتاعك فين.
انا اقترح مراقيا
 
عرض العطلة
#11
التاشيرة من ابوظبي اسهل وأسرع بتقدمها الصبح تأخذها بعد الساعة ٢ او تاني يوم الصبح بالكتير. الطيران في حدود ٢٦٠٠ درهم للفرد رايح جاي. الطيران ٧ ساعات تقريبا. وفعلا ٥ ايّام قليلة جدا
 
#12
التكاليف مش عارف قد ايه بصراحه بس تايلاند حلوه و اختيار موفق جدا. خصوصا بوكيت و المناظر البحر و المناظر الطبيعية.
في فنادق صغيره هناك و نضيفه و ده اكتر حاجه انا بركز عليها. عملتهم البات و ده كل دولار بيعمل ٣٠ بات.
لو الاكل و الشرب في ناس ممكن تجيب اكل من السوبر ماركت و تفطر في الفندق. الغذاء بيكون علي رحلات او في رحله البحر العشاء في سهرات شامله العشاء و او ممكن تقضيها ماك و كنتاكي. و الف مبروك. هحاول اشوف الاسعار اللي صرفتها هناك قد ايه و ابعتلك.
 
#15
السلام عليكم،

اولا ٥ ايام قليل جدا و حرام تسافر و انصحك انك تقضيهم في اي مكان في مصر.

ثانيا: لو هتسافر يبقى تروح تسأل في شركات السياحة عن البرامج بتاعتها و تكلفتها و اسامي الاماكن اللي هتزورها.

ثالثا و دا الاهم، بعد ما تجمع المعلومات من شركات السياحة، تقدر تقارنها و تشوف اي الانسب انك تسافر عن طريقهم ولا تسافر لوحدك،

تقدر تنزل برنامج ع الموبايل اسمه booking وًدا للحجر في الفنادق و تبدأ تدخل و تدور ع فتدق كويس و تقارن الاسعار،،
و تنزل برضو برنامج تاني يساعدك ع معرفة اسعار تذاكر الطيران و تبدأ تحسب، البرنامج اسمه : skyscunner.

لو تسمع مني، كمني كنت في ماليزيا، انا سافرت لوحدي و عملت كدا و كان كل حاجه حلوه الحمدلله
المشكله البسيطه اللي ممكن تقابلك ان مصاريف التنقل بال taxi نوعاً ما مش رخيصه.

ممكن تنزل uber او برنامج تاني معروف جدا هناك اسمه grab taxi.
وصدقني شركات السياحة اكيد كويسه بس انت ممكن تقدر تمشي نفسك.

تايلند كويسه وًماليزيا تحفه. بس ضروري تسمع وًتعرف البرامج السياحيه من الشركات عشان تبدأ تفكر صح وًتعمل مقارناتك صح.
 
عرض العطلة
عرض العطلة
عرض العطلة
أعلى أسفل
عودة
قائمة