لو سمحتم يا شباب كان فى واحد بيسأل عن موضوع إقامة...

[Alaa El Gazzar]

لو سمحتم يا شباب كان فى واحد بيسأل عن موضوع إقامة إيطاليا فعلا فى قانون بس اقامات موسمية للعمل بقطاع السياحة و الزراعة ومش مظبوط كلام الأخ اللى قال الورق بيتكلف ١٥٠ يورو ، الموضوع بيتوقف على مين هيقدر يعمل لك الدعوة و هنا الأسعار بتبدا من ٧ الى ٩ آلاف يورو حسب مصداقية الشخص اللى هيقدر يعمل لك وأتمنى ان محدش يقع فى أيد نصاب يحتال عليه زى ما حصل كتير جدا مع مصريين ، اهم حاجه لازم الكل يعرفها عن القانون ده انه الإقامة غير قابلة للتجديد يعنى اللى يقولك أنا نجدد لك قوله انت نصاب ، فى ناس بتقولك طب بعد الست شهور هقعد غير شرعى فى البلد زى ما الناس عايشه أحسن من النار اللى فى مصر أقوله غلطان حضرتك لو اتمسكت من قبل الشرطه أو الشرطه العسكرية هيتم ترحيلك فورا على مصر ببساطه لان هيكون عندهم بصمتك اللى حضرتك هتيجي بيها من مصر ، من فضلكم مش تكتبوا حاجه مش عارفين عنها اى شي تعشموا بيها ناس كل حلمها انها تكون نفسها و كمان متنصبوش عشوش للنصابين علشان ينصبوا عليكم بها

 

[Bahaa Aldeen Farouk]

شكرا علاء على التحذير

 

[Mohamed Sharaf]

حضرتك انا ابن عمي لسه مجدد الاقامه ف اليونان بس ب ١٩٠٠ يورو علي ما اعتقد...وهو بيعمل الاقامة كلفته ٥٠٠٠ يورو وهو هناك عشان الفلوس اللي المحامي اخدها وحاجات كتير ...لو ١٥٠ يورو كان الناس كلها عملتها ..وعموما دلوقتي من بعد اللاجئين مفيش اقامات ف اوروبا غير للي الناس اللي هم محتاجنهم يعني هتفيدني وشغال ف حاجة مهمه هتاخدها انكا تهريب وتقدم علي اقامه خلاص قفلوها

 

[Mando Mido]

الراجل كان بيحذر فعلا وقال إن الناس بتدفع المبالغ دي، وحضرتك دلوقتي بتاكد الكلام وللأسف الناس بتدفع برضه الافات وانا نفسي روحت لكذا محاسب وقدمت لأصدقاء ليا وكل اللي صرفته التقديم وصاحب المزرعة لما الناس تيجي هتدفع الانبس بتاع الكام شهر اللي هيتسجل فيهم وخلاص

 

[Hamed Amdeo]

لا حول ولا قوه الا بالله انا صاحب البوست وانا مقولتش لحد ادفع حاجه وشوفت زيك ناس بتدفع لحد عشر الاف يورو عشان حاجه زي كده وانا بتكلم بحكم شغلي يا استاذي الفاضل لاني شغال هنا في مجال الميكنات الزراعيه والمزارع من سنه 2006 والقانون ده يعني الشريحه دي بالذات والمكان اللي انا فيه قدمنا لناس كتير ولو عاوز صور الريتشفوتا بتاع التقديم موجود لكن يمكن عندك العمليه صعبه لان حضرتك مش في مكان فيه المكانيات دي والناس اللي انا معاهم عندهم بدل المزرعه عشره وميه لو عاوز وانا بقول دي مش شغلتي ولا محتاج الحمد لله اني اخد فلوس عقد من حد ولا قولت اني اقدم لحد لكن الاستاذ محمد جايب مجموعه وعاوز يقدم براحته بس عيب تقول علي حد نصاب وشكرا

 

[Alaa El Gazzar]

أنا ماقولتش انك نصاب حضرتك أنا قولت كلام حضرتك مش مظبوط يعنى منتقص المعلومات وقولت مش تكتبوا حاجه تعشموا بيها ناس و خلاص وحضرتك ما ذكرتش اى حاجه عن القانون وبعدين أنا بأكد لحضرتك ان مفيش تقديم ١٥٠يورو دى خالص البوسطه حددت ٥٠٠يورو لرمى الكيت فى القانون ده ، وعموما أنا بتكلم عن ميلانوا و روما