M
Mohamed Khattab
:: مسافر ::
الكوبري ده يعتبر من معالم سيدني. الناس بتيجي من كل مكان عشان تمشي على الكوبري ده او تتسلق الكوبري أو بمعني أوضح انهم يمشوا علي القوس اللي فوق اللي في الصوره.
الكوبري ده اتبني سنه 1923 و خلص 1932.
كانوا عايزين يربطوا شمال سيدني بجنوبها ففكروا أن الشمال و الجنوب كل واحد يبني نص و يتجمعوا في النهايه.
كان في ناس كتير معارضين الفكره و شايفين ان المشروع ده ملوش لازمه.
هتلاحظ كل المشاريع الكبيره هتلاقي ناس تافهه تطلع تقول ملهاش لازمه.
بس حاكم سيدني قرر انه ما يسمعش ليهم و يكمل.
الجزء الجنوبي خلص الأول و رفع الإعلام و بعدها الجزء الشمالي.
لما قرروا يبنوا الكوبري كان عندهم مشكله انهم هيبنوا الكوبري معلق من فوق و قايم على عمودين واحد في الشمال و التاني في الجنوب و الباقي معلق في الهوا و مربوط من فوق و متحملين علي بعض و ده هيبقي صعب علي استقرار الكوبري خصوصا أن الكوبري معدن و هيتاثر بدرجات الحراره فعملوا سوست تتمدد و تتحرك مع تمدد الكوبري و انكماشه.
الاعتراض الكبير كان علي حجم الكوبري انه هيكون 6 حارات للعربيات و حارتين قطر و حارتين مترو. الوقت ده كان في سيدني كلها شمال و جنوب 5 عربيات. بس الحاكم قرر انه ينفذه بالشكل ده و حاليا الكوبري بيخدم ملايين الناس خصوصا أن سيدني من ازحم مدن أستراليا.
فعلا التفكير للمستقبل صعب أما اللي بينقد عشان مش عاجبه عمر ما اسمه هيبقي في التاريخ.
الكوبري ده اتبني سنه 1923 و خلص 1932.
كانوا عايزين يربطوا شمال سيدني بجنوبها ففكروا أن الشمال و الجنوب كل واحد يبني نص و يتجمعوا في النهايه.
كان في ناس كتير معارضين الفكره و شايفين ان المشروع ده ملوش لازمه.
هتلاحظ كل المشاريع الكبيره هتلاقي ناس تافهه تطلع تقول ملهاش لازمه.
بس حاكم سيدني قرر انه ما يسمعش ليهم و يكمل.
الجزء الجنوبي خلص الأول و رفع الإعلام و بعدها الجزء الشمالي.
لما قرروا يبنوا الكوبري كان عندهم مشكله انهم هيبنوا الكوبري معلق من فوق و قايم على عمودين واحد في الشمال و التاني في الجنوب و الباقي معلق في الهوا و مربوط من فوق و متحملين علي بعض و ده هيبقي صعب علي استقرار الكوبري خصوصا أن الكوبري معدن و هيتاثر بدرجات الحراره فعملوا سوست تتمدد و تتحرك مع تمدد الكوبري و انكماشه.
الاعتراض الكبير كان علي حجم الكوبري انه هيكون 6 حارات للعربيات و حارتين قطر و حارتين مترو. الوقت ده كان في سيدني كلها شمال و جنوب 5 عربيات. بس الحاكم قرر انه ينفذه بالشكل ده و حاليا الكوبري بيخدم ملايين الناس خصوصا أن سيدني من ازحم مدن أستراليا.
فعلا التفكير للمستقبل صعب أما اللي بينقد عشان مش عاجبه عمر ما اسمه هيبقي في التاريخ.