B
Bahaa Aldeen Farouk
:: مسافر ::
أصدقائي الأعزاء أعضاء الجروب الكرام ( موضوع هام جدا )
أولا أحب أشكركم جميعا على مشاركتكم لأنكم بجد سبب نجاح الجروب ده بتفاعلكم الدائم عليه و نشر تجاربكم و الحمد لله مافيش اي حد بيبخل بمعلومه يعرفها عن أي حد
بس بحب كده من فتره للتانيه ادردش معاكم في أساليب تطوير الجروب و شروط الجروب اللي حنفضل ملتزمين بيها حفاظا على جودة المعلومات و التجارب المقدمه و احتراما لكل أعضاء الجروب
خليني أفكركم باللاءات الثلاثة : اللي مافيش فيهم نقاش و أي تجاوز فيهم بيتم عمل بلوك مباشرة بدون نقاش لصاحبه:
لا للدعاية و اعلانات الشركات السياحيه
لا للرسائل الخاصه و التجاوز اللفظي لأي عضو من أعضاء الجروب
لا للفتي و كتابة أي معلومات مغلوطه ( أرجوك لو مش متأكد من معلومه مش لازم تكتبها , خلي حد يكون متأكد يرد على السؤال علشان متعملش حيرة أكبر لصاحب السؤال )
و أرجوكم أي حد يشوف اي حاجه من دي في اي كومنت على الجروب يعملي منشن مباشرة أو يعمل ريبورت للبوست ده علشان نراجعه ( ده جروبكم و أرجوكم تحافظوا على مستواه و معنديش أي مانع نعمل بلوك يوميا لأي حد مخالف لحد ما يفضل الناس المحترمين فعلا اللي تستحق أنها تستفيد من الكنوز اللي على الجروب ده )
نيجي بقى لتاني نقطة مهمة و هيا طريقة طرح الأسئله و البوستات المشاركه :
أولا: لازم تعرف ان الجروب هدفه انه يساعدكم سواء بالرد على استفساراتكم أو بنشر تجارب لناس سافرت بالفعل فتستفيدوا منهم و من تجاربهم الحقيقية , يوميا الحمد لله بيوصل أكتر من 100 مشاركة أو استفسار على الجروب و يوميا العدد بيزيد , نسبة كبيره من الأسئله بيكون مكرر لأكتر من المره ال 50 و تكرار نزول البوستات دي حيخلي النسبة الأكبر من أعضاء الجروب تمل من تكرار الأسئله , فأرجو من اي حد عنده استفسار انه الأول يكتب كلمة دلالية في مربع البحث على الجروب و اكيد حيطلعله نتائج كتير و غالبا حيلاقي الإجابه
ثانيا : ممنوع تماما أن اي حد يبعت اعلانات أو دعايه لشركات سياحيه
ثالثا : الأسئله من نوعية انا مسافر هونولولو مين يجي معايا !! ..... ( حروح أحضر الشنطه و اجيلك حالا ) ,
و يا جماعه مين سافر اسكندريه قبل كده !!! ..... ( منتظر 50 الف واحد مثلا يرد يقولك ايوه انا رحت اسكندريه )
و انا اترفضت من فيزا شنجن أعمل ايه !!! ..... ( أترد على السؤال ده 1500 مره )
عاوز اسافر أروح فين !! ....... ( ممكن تروح جمصه و لا أقولك أعتقد جبال الألب في سويسرا حتكون ألطف )
انا عاوز اسافر و أكسر الفيزا و مرجعش تاني أروح فين و ادفع كام !!!!! ...... ( ملناش في الشمال )
أنا عاوس اسافر أوروبا و أزور حوالي خمشتاشر دوله كده و معايا 3500 جنيه قولولي بقى أعمل ايه !!! اه صحيح أنا مش معايا فيزا شنجل و معنديش اتش ار و مش بشتغل و معنديش حساب في البنك ...... ( انت بجد )
على فكره و الله العظيم بتوصلنا أسئله من النوعيه دي علشان كده لازم يكون فيه فلتر و ننتقي الأسئله و التجارب اللي بتتعرض ليكم علشان ميجلكوش الضغط من كتر الهري و الأسئله المكررة
أن شاء الله محضرين لكم كام مفاجأه للجروب حتكسر الدنيا بجد و حنعملكم مسابقات بهدايا محصلتش قبل كده على أي جروب على الفيس بوك , تابعونا تجدوا ما يسركم
يا رب نبقى دائما عند حسن ظنكم و نقدملكم محتوى فعلا يليق بيكم
تحياتي
#الأدمن
أولا أحب أشكركم جميعا على مشاركتكم لأنكم بجد سبب نجاح الجروب ده بتفاعلكم الدائم عليه و نشر تجاربكم و الحمد لله مافيش اي حد بيبخل بمعلومه يعرفها عن أي حد
بس بحب كده من فتره للتانيه ادردش معاكم في أساليب تطوير الجروب و شروط الجروب اللي حنفضل ملتزمين بيها حفاظا على جودة المعلومات و التجارب المقدمه و احتراما لكل أعضاء الجروب
خليني أفكركم باللاءات الثلاثة : اللي مافيش فيهم نقاش و أي تجاوز فيهم بيتم عمل بلوك مباشرة بدون نقاش لصاحبه:
لا للدعاية و اعلانات الشركات السياحيه لا للرسائل الخاصه و التجاوز اللفظي لأي عضو من أعضاء الجروب لا للفتي و كتابة أي معلومات مغلوطه ( أرجوك لو مش متأكد من معلومه مش لازم تكتبها , خلي حد يكون متأكد يرد على السؤال علشان متعملش حيرة أكبر لصاحب السؤال ) و أرجوكم أي حد يشوف اي حاجه من دي في اي كومنت على الجروب يعملي منشن مباشرة أو يعمل ريبورت للبوست ده علشان نراجعه ( ده جروبكم و أرجوكم تحافظوا على مستواه و معنديش أي مانع نعمل بلوك يوميا لأي حد مخالف لحد ما يفضل الناس المحترمين فعلا اللي تستحق أنها تستفيد من الكنوز اللي على الجروب ده )
نيجي بقى لتاني نقطة مهمة و هيا طريقة طرح الأسئله و البوستات المشاركه :
أولا: لازم تعرف ان الجروب هدفه انه يساعدكم سواء بالرد على استفساراتكم أو بنشر تجارب لناس سافرت بالفعل فتستفيدوا منهم و من تجاربهم الحقيقية , يوميا الحمد لله بيوصل أكتر من 100 مشاركة أو استفسار على الجروب و يوميا العدد بيزيد , نسبة كبيره من الأسئله بيكون مكرر لأكتر من المره ال 50 و تكرار نزول البوستات دي حيخلي النسبة الأكبر من أعضاء الجروب تمل من تكرار الأسئله , فأرجو من اي حد عنده استفسار انه الأول يكتب كلمة دلالية في مربع البحث على الجروب و اكيد حيطلعله نتائج كتير و غالبا حيلاقي الإجابه
ثانيا : ممنوع تماما أن اي حد يبعت اعلانات أو دعايه لشركات سياحيه
ثالثا : الأسئله من نوعية انا مسافر هونولولو مين يجي معايا !! ..... ( حروح أحضر الشنطه و اجيلك حالا ) ,
و يا جماعه مين سافر اسكندريه قبل كده !!! ..... ( منتظر 50 الف واحد مثلا يرد يقولك ايوه انا رحت اسكندريه )
و انا اترفضت من فيزا شنجن أعمل ايه !!! ..... ( أترد على السؤال ده 1500 مره )
عاوز اسافر أروح فين !! ....... ( ممكن تروح جمصه و لا أقولك أعتقد جبال الألب في سويسرا حتكون ألطف )
انا عاوز اسافر و أكسر الفيزا و مرجعش تاني أروح فين و ادفع كام !!!!! ...... ( ملناش في الشمال )
أنا عاوس اسافر أوروبا و أزور حوالي خمشتاشر دوله كده و معايا 3500 جنيه قولولي بقى أعمل ايه !!! اه صحيح أنا مش معايا فيزا شنجل و معنديش اتش ار و مش بشتغل و معنديش حساب في البنك ...... ( انت بجد )
على فكره و الله العظيم بتوصلنا أسئله من النوعيه دي علشان كده لازم يكون فيه فلتر و ننتقي الأسئله و التجارب اللي بتتعرض ليكم علشان ميجلكوش الضغط من كتر الهري و الأسئله المكررة
أن شاء الله محضرين لكم كام مفاجأه للجروب حتكسر الدنيا بجد و حنعملكم مسابقات بهدايا محصلتش قبل كده على أي جروب على الفيس بوك , تابعونا تجدوا ما يسركم
يا رب نبقى دائما عند حسن ظنكم و نقدملكم محتوى فعلا يليق بيكم
تحياتي
#الأدمن
