انا مسافر ماليزيا فى شهر ٧ و كنت عاوز اعرف ايه موضوع الضريبة اللى بتدفعها...

  • بادئ الموضوع بادئ الموضوع Amr Sayed
  • تاريخ البدء تاريخ البدء
A

Amr Sayed

:: مسافر ::
انا مسافر ماليزيا فى شهر ٧ و كنت عاوز اعرف ايه موضوع الضريبة اللى بتدفعها على الشوبينج و بتاخدها و انتا خارج من المطار لو حد عنده معلومات ☺️☺️
 
انت بتشتري الاغراض بسعرها الموجود عادي
السعر دا اصلا شامل ضريبة زي اي شيء .. بس لأنك سائح لن تعود عليك الضريبة دي بشيء يعني لا تعليم ولا صحة ولا حاجة
فمعظم دول العالم (ما عدا معظم ولايات امريكا)بتديك ورقة اثبات بقيمة الضريبة وتستردها في المطار
اول شيء لازم تعرف ان دا مش في كل المحلات ومش على كل المشتريات
البراندات كلها تقريبا عليها تاكس فري
لازم مشترياتك تعدي مبلغ معين وحاول تجمعها بفاتورة واحدة
اي محل قبل ما تحاسب اسأل على التاكس فري
لازم يكون معاك باسبورك طبعا
وانت في المطار قبل شحن الشنط لو المشتريات في الشنط اللي حتتشحن لان غالبا بيطلبوا يشوفوا المشتريات
اسال على شباك التاكس فري
حاول تروح المطار بدري شوية لان طابور التاكس فري ممكن يكون طويل
من حقك غالبا تختار العملة اللي تسترد بيها المبلغ اذا كانت متوفرة عندهم
ممكن تاخد التاكس فري قسيمة شراء من المنطقة الحرة (في مطارات فيها الاوبشن دا)
لو نسيت حاجة يا ريت تكملوها
 
هو لازم المشتريات تعدي مبلغ معين في كل دولة فانت لو عاوز استفادة شوف لك مول كويس و هات منه كل حاجة بفاتوره واحدة و اسال في المطار على ال Tax free
 
بالمناسبة البلد بتفرق جداااا حسب ضرايبها
يعني تاكس فري ايطاليا نسبة كويسة برقم كويس واضح ضرايبهم عاليه
تاكس فري تركيا وقفت بكومة شيكات طابور طوييييل وصرفت شوية قروش
 
أظن لازم تكون بين بلدك والبلد اللي بتزورها او بتشتري منها اتفاقية لتجنب ما يسمى الازدواج الضريبي ، مش متأكدة هل ينطبق الامر على النشاط التجاري فقط ولا الافراد ايضا.
 
يعني الكلام ده ينطبق علي مشتريات من السوق الصيني والسوق الهندي لان معظم الناس هناك فرشين في الشارع زاي العتبة كده
 
في ماليزيا لما تشتري ب 300+ رينجت من نفس المحل بتطلب منهم يعملولك form او application كدة تسترد الضريبة في المطار وانت راجع و بتكون 5% تقريبا من المشتريات
 
خلى بالك الحاجات الى اشترتها متستخدمهاش قبل ما تروح المطار .. وغالبا هيطلبوا يشوفوها انا اشتريت نضارة شمس وقالولى كدا ف جورجيا وف المطار فعلا طلبوا يشوفوها واخدت الفلوس تانى
 


أكتب ردك...