ه
هشام عاصم
:: مسافر ::
اللجوء في الولايات المتحدة . . .
لما كنت في كاليفورنيا , قابلت محامي امريكي مختص بقضايا اللجوء في لوس انجلوس بالتحديد , و سألته عدد من الأسئلة الخاصة باللجوء في امريكا , وديه كانت اجاباته بالتفصيل . . .
مع ملاحظة حاجة مهمة , كلام المحامي ده او اي محامي تاني مش كلام قاطع و نهائي 100 % , لكن ده بيكون من واقع رؤيته و معايشته لعشرات القضايا , لكن وارد جدا يكون فيه اختلاف او عدم دقة في الكلام ده , و بالتالي لو حد لقي كلام مختلف او تجربة متغيرة عن الكلام ده يبلغنا عشان نستفيد
==================================
- بالنسبة للجوء , فالطريق الاول ليه هو التقديم عن طريق مفوضية الامم المتحدة في احد الدول الاعضاء الموقعين علي معاهدة جنيف
- عشان تقدم في المفوضية لازم طبعا ميكونش في بلدك , ولازم ميكونش في اي بلد عربي والا هيسلموك تسليم اهالي للداخلية في مصر , فلازم تقدم في بلد زي تركيا مثلا
- التقديم في المفوضية مش سهل للاسف , لان مئات الالاف من السوريين مقدمين و منتظرين دورهم . فممكن اصلا ميتقبلش ورقك لانهم ميقتنعوش انك تستحق اللجوء , وانا اعرف سوريين تم رفض تسجيلهم اساسا وهما مقيمين في تركيا
- لو تم قبول ورقك , فهتنتظر لما ييجي الدور عليك وده ممكن يقعد سنين علي ما ييجي دورك
- لو قدمت في بلد معين (زي تركيا ) فمش هينفع تسيب البلد ديه و الا هيترفض طلبك
- لو تم قبول ورقك و جه الدور عليك , فالمفوضية بتجبرك علي دولة معينة تروحها , و بيتعاملو باسلوب (take it or leave it) يعني لو قالولك هتروح لاجئ في رومانيا , وانت رفضت فخلاص ورينا عرض اكتافك مع السلامة
- الاسلوب التاني لطلب اللجوء انك تدخل البلد اللي عايز تقدم اللجوء فيها , يعني تيجي امريكا بفيزا سياحة مثلا او دراسة , و تقدم اللجوء في المطار او لما تدخل البلد , و معاك لغاية سنة من دخولك البلد , لكن مش هينفع لو دخلت البلد بقالك اكتر من سنة
- فيه ناس كانو بيعملو فكرة انهم يحجزو مثلا علي دولة تاشيرتها سهلة ( زي الدومينيكان او هايتي او بويرتو ريكو ) و يسافر من القاهرة ترانزيت اي مطار امريكي , و يقدم اللجوء هناك , اكبر معضلة دلوقتي انهم اساسا مش هيركبوك اي طيارة هتهبط في اي مدينة امريكية مالم يكون معاك فيزا امريكا او فيزا اقوي منها , غير كدة هيقولولك مع السلامة و مش هتركب الطيارة اساسا
- المحامي مقاليش صراحة , طب لو حد عرف يركب الطيارة , ووصل مطار امريكي هل ينفع اللجوء ولا لا ساعتها
- التقديم علي اللجوء ممكن لوحدك , او عن طريق محامي , و يفضل عن طريق محامي سمعته كويسة و يكون شاطر عشان متضيعش وقتك , لكن لو محامي تعبان يبقي وفر فلوسك و اعمل كل حاجة بنفسك
- بعد ما بتقدم طلب لجوءك بفترة من 6 ل 9 شهور , بيطلعلك ورق رسمي للبلد ,فممكن تعمل رخصة سواقة , و تشتري عربية , و تاجر بيت , ويكون عندك رقم سوشيال سكيوريتي , وتعمل حساب في البنك , و تطلع اذن عمل رسمي , وتشتغل وايت مش بلاك و تعمل اقرار ضريبي
- لو انت عندك اقامة في بلد غير بلدك , فلازم تعمل اسباب مقنعة ليه انت مش حاسس بالامان فيها , يعني انت مصري و مقيم في السعودية (سواء جبت فيزا امريكا من مصر او السعودية ) فلازم تعمل اسباب مقنعة ليه انت مش حاسس بالامان برضة في السعودية ( الكلام بالادلة مش بالاقناع )
- بالنسبة للسفر خارج امريكا , فاولا لو انت سافرت لبلدك الام , فبيتم رفض لجوءك فورا , ونفس الموضوع لو سافرت لدولة انت كاتب انها خطر علي حياتك في اسباب اللجوء , يعني انت لو جاي من السعودية , وقلت ان مينفعش ارجع مصر ولا افضل في السعودية عشان البلاد العربية بتسلم لمصر , فمينفعش تسافر لاي بلد عربي
- لو عايز تسافر لدولة تانية خالص , فبتقدم طلب لادارة الهجرة توضح اسباب سفرك و هتقعد قد ايه , ولو وافقو علي الطلب ممكن تسافر و ترجع تاني في الفترة اللي انت قلتها
- سفرك للخارج بشكل عام ( حتي لدول ملهاش علاقة بدولتك ) بياثر سلبا علي احتمالية قبول لجوءك , لان المفروض تقنع الظابط ان انت خايف جدا و تشعر بالامان في الولايات المتحدة , فلما يشوفك مقضيها سفريات هنا و هناك ممكن ميقتنعش
- اكبر معضلة في اللجوء , هو طول المدة , يعني مثلا في كاليفورنيا , هما شغالين حاليا في اللي مقدمين علي لجوء في 2011 . يعني مدة انتظار حوالي ست سنين , فيه ولايات تانية اسرع شوية , لكن غالبا مش هتقل عن 3 سنين انتظار علي ما ييجي دورك
- لو انت قدمت في ولاية معينة سريعة شوية ( ولاية ماين مثلا ) فلازم تقيم فيها بشكل رسمي , يعني فواتيرك و حسابك البنكي و عقد ايجارك و ضرايبك تكون كلها من نفس الولاية , لما يكتشفو انك مقيم بشكل دائم في ولاية تانية ,فاحتمال رفض لجوءك هيكون كبير
- لما ييجي دورك , هتروح تقابل ظابط من ادارة الهجرة , و يكون معاك المحامي و كل الورق الخاص بقضيتك , و ساعتها وارد يسالك اسئلة عميقة خاصة بقضيتك عشان يتاكد ان حياتك فعلا في خطر و انك مش بتشتغلهم , يعني مثلا لو انت كنت اتحبست في مصر عشان كان عندك حكم , هيقولك طب طالما انت اتحبست خلاص و طلعت , ايه المشكلة انك تروح مصر طالما خلصت حكمك , او لو انت قبطي و قلت دول بيحرقو بيوتنا في سينا , هيقولك طب ما تروح مكان غير سينا , هل بيحرقو كل بيوت الاقباط في مصر كلها , طبعا ممكن الظابط يكون طيب و ميعملش كدة , بس نتوقع الاسوء
- لو الظابط اقتنع بكلامك , يبقي الف مبروك , لجوئك اتقبل , بعد سنة بتاخد الجرين , وبعد خمس سنين كمان تاخد الجنسية
- لو الظابط مقتنعش , ساعتها ممكن ( ممكن مش لازم ) قضيتك تروح لقاضي اكبر منه , و المشكلة برضه ان فيه انتظار كذا سنة
- لو القاضي اقتنع بورقك يبقي مبروك , سنة علي الجرين و خمسة كمان علي الجنسية
- لو القاضي مقتنعش يبقي للاسف مفيش امل , ولو مسكوك هيتم ترحيلك ( فيه ناس بتعرف تفلسع و يفضلو قاعدين و كاسرين )
- لو اسرتك برة امريكا , فاوعي تقدم علي لجوء و هما برة امريكا , لان اول ما تقدم علي لجوء فهما مستحيل يعرفو يجيبو فيزا سياحة ابدا , و هيكون الحل الوحيد انك تنتظر دورك , و يتم الموافقة عليك و تاخد الجرين و تقدملهم , يعني 6 سنين بالميت , و تلاقي ابنك الرضيع بقي عنده شنب في وشه , وبنتك اللي كانت في ابتدائي علي وش جواز , فحاول الاول تجيب اسرتك و قدمو كلكو لجوء و انسي الموضوع لغاية لما ييجي دورك
- فيه ناس بتحاول تدخل بشكل امريكا بشكل غير شرعي (عن طريق المكسيك) اكبر معضلة ان اساسا المكسيك بقت بتتعامل بشكل فظ جدا مع عدد كبير من الجنسيات المسافرة ليها , حتي اللي معاهم فيزا المكسيك , و كتير منهم بيتم رفض دخولهم البلد , وبيتم وضعهم في طيارات للرجوع غصب عنهم
=================================================
ده كان ملخص الحوار مع المحامي , يارب يكون مفيد للناس اللي بتفكر في موضوع اللجوء
لما كنت في كاليفورنيا , قابلت محامي امريكي مختص بقضايا اللجوء في لوس انجلوس بالتحديد , و سألته عدد من الأسئلة الخاصة باللجوء في امريكا , وديه كانت اجاباته بالتفصيل . . .
مع ملاحظة حاجة مهمة , كلام المحامي ده او اي محامي تاني مش كلام قاطع و نهائي 100 % , لكن ده بيكون من واقع رؤيته و معايشته لعشرات القضايا , لكن وارد جدا يكون فيه اختلاف او عدم دقة في الكلام ده , و بالتالي لو حد لقي كلام مختلف او تجربة متغيرة عن الكلام ده يبلغنا عشان نستفيد
==================================
- بالنسبة للجوء , فالطريق الاول ليه هو التقديم عن طريق مفوضية الامم المتحدة في احد الدول الاعضاء الموقعين علي معاهدة جنيف
- عشان تقدم في المفوضية لازم طبعا ميكونش في بلدك , ولازم ميكونش في اي بلد عربي والا هيسلموك تسليم اهالي للداخلية في مصر , فلازم تقدم في بلد زي تركيا مثلا
- التقديم في المفوضية مش سهل للاسف , لان مئات الالاف من السوريين مقدمين و منتظرين دورهم . فممكن اصلا ميتقبلش ورقك لانهم ميقتنعوش انك تستحق اللجوء , وانا اعرف سوريين تم رفض تسجيلهم اساسا وهما مقيمين في تركيا
- لو تم قبول ورقك , فهتنتظر لما ييجي الدور عليك وده ممكن يقعد سنين علي ما ييجي دورك
- لو قدمت في بلد معين (زي تركيا ) فمش هينفع تسيب البلد ديه و الا هيترفض طلبك
- لو تم قبول ورقك و جه الدور عليك , فالمفوضية بتجبرك علي دولة معينة تروحها , و بيتعاملو باسلوب (take it or leave it) يعني لو قالولك هتروح لاجئ في رومانيا , وانت رفضت فخلاص ورينا عرض اكتافك مع السلامة
- الاسلوب التاني لطلب اللجوء انك تدخل البلد اللي عايز تقدم اللجوء فيها , يعني تيجي امريكا بفيزا سياحة مثلا او دراسة , و تقدم اللجوء في المطار او لما تدخل البلد , و معاك لغاية سنة من دخولك البلد , لكن مش هينفع لو دخلت البلد بقالك اكتر من سنة
- فيه ناس كانو بيعملو فكرة انهم يحجزو مثلا علي دولة تاشيرتها سهلة ( زي الدومينيكان او هايتي او بويرتو ريكو ) و يسافر من القاهرة ترانزيت اي مطار امريكي , و يقدم اللجوء هناك , اكبر معضلة دلوقتي انهم اساسا مش هيركبوك اي طيارة هتهبط في اي مدينة امريكية مالم يكون معاك فيزا امريكا او فيزا اقوي منها , غير كدة هيقولولك مع السلامة و مش هتركب الطيارة اساسا
- المحامي مقاليش صراحة , طب لو حد عرف يركب الطيارة , ووصل مطار امريكي هل ينفع اللجوء ولا لا ساعتها
- التقديم علي اللجوء ممكن لوحدك , او عن طريق محامي , و يفضل عن طريق محامي سمعته كويسة و يكون شاطر عشان متضيعش وقتك , لكن لو محامي تعبان يبقي وفر فلوسك و اعمل كل حاجة بنفسك
- بعد ما بتقدم طلب لجوءك بفترة من 6 ل 9 شهور , بيطلعلك ورق رسمي للبلد ,فممكن تعمل رخصة سواقة , و تشتري عربية , و تاجر بيت , ويكون عندك رقم سوشيال سكيوريتي , وتعمل حساب في البنك , و تطلع اذن عمل رسمي , وتشتغل وايت مش بلاك و تعمل اقرار ضريبي
- لو انت عندك اقامة في بلد غير بلدك , فلازم تعمل اسباب مقنعة ليه انت مش حاسس بالامان فيها , يعني انت مصري و مقيم في السعودية (سواء جبت فيزا امريكا من مصر او السعودية ) فلازم تعمل اسباب مقنعة ليه انت مش حاسس بالامان برضة في السعودية ( الكلام بالادلة مش بالاقناع )
- بالنسبة للسفر خارج امريكا , فاولا لو انت سافرت لبلدك الام , فبيتم رفض لجوءك فورا , ونفس الموضوع لو سافرت لدولة انت كاتب انها خطر علي حياتك في اسباب اللجوء , يعني انت لو جاي من السعودية , وقلت ان مينفعش ارجع مصر ولا افضل في السعودية عشان البلاد العربية بتسلم لمصر , فمينفعش تسافر لاي بلد عربي
- لو عايز تسافر لدولة تانية خالص , فبتقدم طلب لادارة الهجرة توضح اسباب سفرك و هتقعد قد ايه , ولو وافقو علي الطلب ممكن تسافر و ترجع تاني في الفترة اللي انت قلتها
- سفرك للخارج بشكل عام ( حتي لدول ملهاش علاقة بدولتك ) بياثر سلبا علي احتمالية قبول لجوءك , لان المفروض تقنع الظابط ان انت خايف جدا و تشعر بالامان في الولايات المتحدة , فلما يشوفك مقضيها سفريات هنا و هناك ممكن ميقتنعش
- اكبر معضلة في اللجوء , هو طول المدة , يعني مثلا في كاليفورنيا , هما شغالين حاليا في اللي مقدمين علي لجوء في 2011 . يعني مدة انتظار حوالي ست سنين , فيه ولايات تانية اسرع شوية , لكن غالبا مش هتقل عن 3 سنين انتظار علي ما ييجي دورك
- لو انت قدمت في ولاية معينة سريعة شوية ( ولاية ماين مثلا ) فلازم تقيم فيها بشكل رسمي , يعني فواتيرك و حسابك البنكي و عقد ايجارك و ضرايبك تكون كلها من نفس الولاية , لما يكتشفو انك مقيم بشكل دائم في ولاية تانية ,فاحتمال رفض لجوءك هيكون كبير
- لما ييجي دورك , هتروح تقابل ظابط من ادارة الهجرة , و يكون معاك المحامي و كل الورق الخاص بقضيتك , و ساعتها وارد يسالك اسئلة عميقة خاصة بقضيتك عشان يتاكد ان حياتك فعلا في خطر و انك مش بتشتغلهم , يعني مثلا لو انت كنت اتحبست في مصر عشان كان عندك حكم , هيقولك طب طالما انت اتحبست خلاص و طلعت , ايه المشكلة انك تروح مصر طالما خلصت حكمك , او لو انت قبطي و قلت دول بيحرقو بيوتنا في سينا , هيقولك طب ما تروح مكان غير سينا , هل بيحرقو كل بيوت الاقباط في مصر كلها , طبعا ممكن الظابط يكون طيب و ميعملش كدة , بس نتوقع الاسوء
- لو الظابط اقتنع بكلامك , يبقي الف مبروك , لجوئك اتقبل , بعد سنة بتاخد الجرين , وبعد خمس سنين كمان تاخد الجنسية
- لو الظابط مقتنعش , ساعتها ممكن ( ممكن مش لازم ) قضيتك تروح لقاضي اكبر منه , و المشكلة برضه ان فيه انتظار كذا سنة
- لو القاضي اقتنع بورقك يبقي مبروك , سنة علي الجرين و خمسة كمان علي الجنسية
- لو القاضي مقتنعش يبقي للاسف مفيش امل , ولو مسكوك هيتم ترحيلك ( فيه ناس بتعرف تفلسع و يفضلو قاعدين و كاسرين )
- لو اسرتك برة امريكا , فاوعي تقدم علي لجوء و هما برة امريكا , لان اول ما تقدم علي لجوء فهما مستحيل يعرفو يجيبو فيزا سياحة ابدا , و هيكون الحل الوحيد انك تنتظر دورك , و يتم الموافقة عليك و تاخد الجرين و تقدملهم , يعني 6 سنين بالميت , و تلاقي ابنك الرضيع بقي عنده شنب في وشه , وبنتك اللي كانت في ابتدائي علي وش جواز , فحاول الاول تجيب اسرتك و قدمو كلكو لجوء و انسي الموضوع لغاية لما ييجي دورك
- فيه ناس بتحاول تدخل بشكل امريكا بشكل غير شرعي (عن طريق المكسيك) اكبر معضلة ان اساسا المكسيك بقت بتتعامل بشكل فظ جدا مع عدد كبير من الجنسيات المسافرة ليها , حتي اللي معاهم فيزا المكسيك , و كتير منهم بيتم رفض دخولهم البلد , وبيتم وضعهم في طيارات للرجوع غصب عنهم
=================================================
ده كان ملخص الحوار مع المحامي , يارب يكون مفيد للناس اللي بتفكر في موضوع اللجوء