السلام عليكم... استفسار عن التجنيد انا واخد اعفاء مؤقت من الجيش لكوني الابن...

[Ahmed Maher Gobbah]

السلام عليكم... استفسار عن التجنيد

انا واخد اعفاء مؤقت من الجيش لكوني الابن الوحيد وعايش بره مصر وكل مرة انزل اروح اطلع تصريح سفر من التجنيد في العامرية بالاسكندرية... والمفروض اروح للتجنيد لما اكمل 29 سنة علشان اشوف هيعملوا معايا ايه في الموقف التجنيدي... اللي عرفته انهم هيمدولي سنة كمان لحد ما اوصل سن 30 لاني لسه وحيد ووالدي ماكملش 60 سنة..

السؤال بقي.. شهادة الاعفاء المؤقت لحد 30 سنة دي بتطلع ف يومها ولا بتاخد وقت لاني لما هنزل مصر هكون كملت 29 سنة وهقعد ف مصر 5 ايام فقط وخايف تطول ف اجراءاتها ومايسفرونيش وهل ينفع اطلعها من حلمية الزيتون في القاهرة ولا لازم تجنيد العامرية ... لان طبعا لازم بعدها اني اطلع تصريح سفر وده هياخد يوم

 

[Fady Saed]

انا هسالك واحد صاحبي لسه مخلص الحوار ده وارد عليك بس الي انا عارفه ان لو اخدت الاعفاء النهائي مش هتحتاج تصريح سفر لانه بيتختملك في الباسبور ختم من التجنيد

 

[حسين بركات]

تعمل قيد عائلى بعد ما تكمل ال29 سنه بيوم , وبتقدم الورق اللى قدمته قبل كده , بس خلى بالك ان قسايم الزواج بتكون الورقية وليس الكمبيوتر وخد الكمبيوتر معاك للحرص برضه, وبتطلع فى نفس اليوم وهتاخدها بسنه حتى بلوغ الثلاثين , اى استفسار تانى تعال خاص