ياريت الناس اللى عندها تجربه بالفعل هى اللى ترد على سؤالى ، دلوقتى انا عوزه...

  • بادئ الموضوع بادئ الموضوع Sarah Elsadat
  • تاريخ البدء تاريخ البدء
عرض العطلة
S

Sarah Elsadat

:: مسافر ::
#1
ياريت الناس اللى عندها تجربه بالفعل هى اللى ترد على سؤالى ، دلوقتى انا عوزه اعرف الناس اللى معاها فيزا سياحه لامريكا
1 - وهم داخلين من المطار اول مره ايه نوعية الاسئله الموجهه ليهم
2 - طيب دلوقتى اخد 6 شهور ودخل البلد قبل ميخلصوا لازم يمشى عشان ميبقاش كسر الفيزا ، كم المده اللى مفروض يقضيها بره البلد عشان يقدر يرجع تانى ولو رجع ايه السبب اللى بيقولوا لظابط المطار عشان يدخل تانى وبدون اى شكوك
3 - فيه ناس كتير بتخرج وتدخل تانى من غير اى مشكله تقابلهم فى المطار ياريت الناس دى لو تقولنا بيعملوا أوراق ايه عشان يقدروا يعدوا بالسهوله دى ، وهل فيه مثلا محامى بيظبطلهم اوراق بيزنس مثلا او غيره ؟
وشكرا مقدما واسفه عالاطاله
 
#2
1 - وهم داخلين من المطار اول مره ايه نوعية الاسئله الموجهه ليهم
(( الاسئلة العادية جايه ليه ( لو سياحة بتوريه حجز فندق وتذكرة العودة ) ، لو هتنزلي عند حد قريبك يكون معاكي عنوانه وتفاصيل عن شغله ))
---------------
- طيب دلوقتى اخد 6 شهور ودخل البلد قبل ميخلصوا لازم يمشى عشان ميبقاش كسر الفيزا ، كم المده اللى مفروض يقضيها بره البلد عشان يقدر يرجع تانى ولو رجع ايه السبب اللى بيقولوا لظابط المطار عشان يدخل تانى وبدون اى شكوك

(( مش شرط ممكن يدوكي 3 شهور او 6 شهور ع حسب ، لازم تسيبي امريكا قبل ما تنتهي المدة اللي مسمحولك تقعدي فيها سواء كانت تلات او ست شهور ، عشان ترجعي تاني امريكا لازم تكوني قعدتي برا مدة اكبر من اللي قضتيها وانتي ف امريكا بمعنى لو قعدتي ف امريكا شهر وسافرتي لازم يكون فات اكتر من شهر عشان تقدري ترجعي تزوري امريكا تاني وطبعا يكون لسه مدة الفيزة الكلية مخلصتش والسبب اللي هتقوليه اما ترجعي هو برضه سياحة ومعاكي حجز فندق وتذكرة عودة ))

------------------
3 - فيه ناس كتير بتخرج وتدخل تانى من غير اى مشكله تقابلهم فى المطار ياريت الناس دى لو تقولنا بيعملوا أوراق ايه عشان يقدروا يعدوا بالسهوله دى ، وهل فيه مثلا محامى بيظبطلهم اوراق بيزنس مثلا او غيره ؟

(( مفيش اي اوراق بتتعمل انك رايحة سياحة ، طالما معملتيش اي مشكلة ف سفريتك اللي قبل كده ومكنش عليكي اي حاجة جنائية بتقدري تدخلي تاني من غير مشاكل ))
 
#4
انا هجوبك علي الاول وممكن التاني ١ نوع الاسئلة بتختلف من مطار للتاني ومن ظلبط للتاني اول مرة متسألتش خالص كان نيويورك بس علي خطوط اير برلين كانت صاله اوربا يعني وبتاع الهجرة مسألتيش خالص بتاع حرس الحدود رخم شوي جاي ليه معك اكل معاك فلوس كام ومكنشي جامد اوي بس هو اساساً كان رخم تاني مرة بقي كان علي الاتحاد وطبعاً بتخلص اجراءت السفر في مطار ابوظبي علشان في عندهم جوزات وكان ظابط عربي وشكله من اصل مصري وبصرحة هو ماسألتيش فشخني بس وساب كل حاجة ولذق في السياسة وكلامة كله سياسة وانت مع مين وصد مين والكلام دا بس في الاخر اخدها منه بيزنس مش سياحة اخدها بي٢ لكن اول مرة كان ب١ حوار بقي تقعد قد ايه ليك لحد ٦ شهور وتخرج ممكن شهر وترجع انا في التانيه مكنوش شكين خالص لاني كنت قعد ١٥ يوم بس لكن ليا صديق بقاله ٦ شهور وخلاص هيخرج ويرجع تاني واعتقد عادي بس انا متأكد لو اتكرر الحوار دا بيرخمو وعموماً لما يرجع ممكن ابقي افيدك
 
#5
مش شرط حبيبتى يك.ن فيه اسئلة انا روحت كتير يمكن انسألت مرة جاية ليه وقاعدة اد ايه ودى اسئلة تامين عادية مافيهاش حاجة... متقلقيش ..
ثانيا فيزا امريكا 5 سنين ...ازاى اخدتيها 6 شهور؟ للسياحة... ليكى تقعدى ال 6 شهور وتخرجى وبعد.كده ترجعى تانى عادى ومافيهاش حاجة برضه ممكن تتسالى نفس الاسئلة وممكن لا لانه من حقك ترجعى اومال هو.مديهالك 6 شهور ليه..المهم ماتكسريهاش...عموما امريكا لو معملتيش مشاكل بتعيشي فى امان ..عملتى ولو مشكلة واحدة بتبقي تحت المنظار
 
عرض العطلة
#7
بعد ال 6 شهور جوا امريكا لازم تقعدي بره امريكا علي الاقل 6 شهور لو رجعتي قبل 6 شهور ما تعدي هيرخموا و تحقيق و حوار عشان حصلت معايا لما رجعت بعد 5 شهور مع انها كانت المرة رقم 6 اللي ادخل فيها امريكا و نوعية الاسئلة بتختلف من مطار لمطار فيه مطارات في 5 دقايق هيقولك جاية ليه و هتقعدي قد ايه وفين تذكرة الرجوع و بعدين البصمة و التصوير و يقولك ادخلي و في مطارات رخامة جاية ليه و هتقعدي فين و التذكرة و معاكي فلوس قد ايه و تكفي قعدتك ولا لا و لو رايحة لحد من قرايبك هاتي رقمه و بيكلموه و ده برضه حصل معايا فا الموضوع ملوش ثوابت

و يستحسن متقعديش ال 6 شهور كاملين جوا عشان مش طبيعي حد يسيب بلده و شغله و يقعد 6 شهور في بلد تاني سياحة برضه اخر مرة الظابط قالي هتقعد 3 شهور ازاي هتسيب شغلك و اهلك ده كله و كده
 
عرض العطلة
#12
انا هتكلم عن حالتي انا من عشرين يوم بالضبط دخلت مطار ميامي وانسالت سؤالين قلي اسمك اية قلتو كذا هتروح فين قلتلو اورلاندو قلي ديزني قلتلو ايوا بضحكة مننا احنا الاتنين وختم ست شهور الموضوع اخد من اربع لخمس دقايق
 
#13
انا سالني جاي ليه قلته TERRORISM بدل من TOURISM
الحمد لله معلقش شكل فيه ناس كتير بتتلخبط فيهم وتقول انها رايحة للارهاب بدل من السياحة
قالي مراتك حامل قلتله اه
قالي جاية تولد هنا قلتله لا
قال لا ولا مقررتش لسة
قلتله لا
قالي هات التقرير الطبي قلتله مش معايا علشان التقرير ده بيتطلب بعد الاسبوع ال 28 وهية لسة في ال 18 يبقى مالوش لازمة
قلتله انا سالت وقالوا ان الولادة في امريكا مش مخالفة للقانون وعادي
قالي قاعد قد ايه قلته اسبوعين
قالي وريني التذكرة وريتهاله
قالي اتفضل
قلتله ثانكس
 
#14
مش حزود ع الكلام اللي اتقال.الردود جميلة ووافية.
بحيي Ahmed Shahhat علي لباقته ورده الممتاز علي الاوفيسر هناك.
تاني نقطة .اللي حيقعد ٦ شهور هناك مثلا وحابب يرجع بسرعة . مش منطقي يقول سياحة.

بقترح يكون سبب الرجوع . كورس أو دورة تدريبية .

وياريت نحجز اي كورس بسعر رمزي ويكون معانا برنت اوت بده.
كده انت ممكن تقعد ٦ شهور وترجع تدخل بعد فترة قصيرة لسبب منطقي وقوي.
 
عرض العطلة
#16
جاي منين "من مدينة ايه" - سبب الزيارة - الشركة الي هتروحها - الشركة الي انت شغال فيها - بتشتغل ايه - و اوقات مش بيسألك علي حاجه و يقعد يقلب في جواز السفر او يبحلق في الشاشه عشان يشوف رد فعلك و درجة توترك - يا تعدي يا تركن و تقعد معاهم في المكتب - الكلام ده قبل ترامب .. دلوقتي هيطلب منك الموبايل و تفتحه هو و اللاب توب و تسيبه نص ساعه يقلبو فيه "و ياخدو باكاب " .. دي الاحتمالات الوارده مش ضروري تحصل و كل واحد ونصيبه

- هو في فيزا لامريكا ٦ شهور ؟
 
#17
بصى اول مرره دخلت كان سالتى بعض الاسئله
انت جاى ليه..المده الى هتقعدها اد ايه.معاك فلوس كم.وسالنى على حجز الفندق وتكت الطياره وليك اى اسدقاء هنا ولا لا.زرت دول تانيه قبل كده.وبعد كده ختملى 6 شهور عادى
 
عرض العطلة
عرض العطلة
أعلى أسفل
عودة
قائمة