A
Ahmed Aréf
:: مسافر ::
احب اشاركم بتجربتي مع قنصلية مملكة المغرب الحبيبة في القاهرة "القنصلية في نفس مكان السفارة":
من فترة كسنة او اكثر تقدمت للحصول علي فيزا سياحة للملكة المغرب وواجهت الكثير من التعسف وعدم الاحترام من موظفي شباك الشارع في القنصلية ورُفضت بدون ابداء أسباب.... وتوجهت لقضاء اجازتي في الفلبين بديلا
هذه السنة قررت مجددا السفر المغرب لاني مغرم بها وما يحكي عنها وبما شاهدته عنها في الأفلام الوثائقية ولكن لتجنب التعسف وعدم الأحترام الشديد توجهت لشركة سياحة لتقوم لي بالتقديم واستلام الباسبور اي التعامل التام مع القنصلية... وكانت خطتي التوجه للمغرب وزياراتها لمدة ٥ ايام فقط والطيران مباشرة من مراكش لباريس.
افضل التعامل بالتزام مع السفارات واقوم بحجز كل الطيران والاقامة فعليا والتخطيط جيدا لاجازتي ابتغاء راحة البال والمصداقية.
بالفعل استلمت الباسبور يوم الخميس ١٣ أبريل بعد انتظار ١٠ ايام مع ان اشخاص اخذوها بعد يومين ورأيت ذلك بنفسي... ولكن الفيزا تنتهي ٣١ مايو اي قبل ميعاد سفري بشهر!!!
توجهت الاحد ١٦ أبريل القنصلية لابلاغهم بالخطأ... وبالرغم من حصولهم من بيانات السفر المؤكدة قام موظف الشباك بنهري ويعني ايه الفيزا غلط.... تفحصها صحيحة صحيحة ورمي الباسبور في وشي.... طرقت الباب بعد حوالي ٣٠ دقيقة من الانتظار والطرق فتح موظف اخر وحاكاني باللهجة المغربية واسفا كان صعب علي فهمها... حكيت القصة وطلبت منه مقابلة سيادة القنصل... اخد الباسبور واعتطله نسخة اخري من تذكرة الطيران وطلب مني العودة الثلاثاء ١٨ ابريل الساعة ٤ لمقابلة القنصل ولم يعتطني اي ايصال وأغلق الباب!
مساء الأحد خفت جدا الباسبور يضيع ومعيش إيصال ولا اثبات استلامه للباسبور.... قمت بمراسلة وزارة الخارجية المغربية عبر الايميل باللغة الفرنسية وللأسف علشان عدم تمكني الشرح بالفصحي ولم يصلني اي رد حتي الان.
الثلاثاء كنت ٣ ونصف امام السفارة وناس كتير اوي منتظرة وامرأة تطرق الباب بشدة.... حاولت التحدث لاي موظف من موظفي الشباك وهو غالبا رجل مسن واحد ياللي زعقلي كتير اكتر من مرة واغلق الشباك في وجهي اكثر من مرة ولا يريد الاستماع!
في نفس الوقت السيدة المغربية لاتزال تطرق الباب حتي فتح شخص... وهو نفس الشخص اللي اخد مني الباسبور يوم الاحد... واخذت تكلمه بحدة بالمغربية... واثناء حديثها له زعقلي وقالي مش موضوعك متدخلش واقف برة... الله عليم متدخلت... معجبوش وقفت برة الباب... اقف بعيد عند الشجرة!!
السيدة استغربت جدا وسابت موضوعها واخدت تدافع عني حتي طردها من سفارتها.. وطردني!
زاد خوفي كده فعلا الباسبور يضيع... طرقت تاني فتح وفكرته قلي خبط الساعة ٥ " كانت ٤:٥٠ وقفل الباب المرادي علي وانا واقف عالباب بستعطفه يديني الباسبور... بيني وبين نفسي... خلاص انا مش عاوز الفيزا... مش هروح المغرب وربنا يعوض علي من اول فلوس الفيزا للطيران... انا عاوز الباسبور!!
الاستاذ المسن فتح شباكه يطلب من بواب عمارة بسكوت وبالمره اداله باسبور!!... حاولت احكيله تاني وقلتله انا مقدر الضعط اللي عليك... رد انت معكش ايصال مش من اختصاصي طلبت يطلبلي زميله ووصفته، طلب مني امشي لاما هيقفل الشباك... رديت انت عملتها قبل كده كتير.... وهاعملها تاني دلوقتي وقفله وانا بتكلم!!
لله الحمد قلت اتاكد واتكلم مع موظفة تسليم الباسبور اللي شباكها لسه فاتح تقريبا ٦ الا "المفروض من ٣ ل٤"... سمعتني وسلمتني الباسبور بكل سلاسة بالفيزا الصحيحة!
انا حبيت اشارككم الموقف لاننا كلنا بنحب السفر ولكن بنسافر باحترامنا وانا صعبت عليا نفسي اوي... الباب اتقفل عليا وانا واقف... مش حتي في وشي لاني بسأل عن حقي في استرجاع باسبوري بكل ادب واحترام للمكان وكيان الموظف
حسبي الله ونعم الوكيل في كل دقيقة ضاعت ومجهود وللمهانة الشديدة اللي اتعرضتلها بشهادة الكل.
انا بسافر كتير اوي وبلاد كتير بس عمري متعرضت لاساءة كده للاسف مش عنصرية ضد المصريين ده هتي حصل مع المواطنة المغربية!
من فترة كسنة او اكثر تقدمت للحصول علي فيزا سياحة للملكة المغرب وواجهت الكثير من التعسف وعدم الاحترام من موظفي شباك الشارع في القنصلية ورُفضت بدون ابداء أسباب.... وتوجهت لقضاء اجازتي في الفلبين بديلا
هذه السنة قررت مجددا السفر المغرب لاني مغرم بها وما يحكي عنها وبما شاهدته عنها في الأفلام الوثائقية ولكن لتجنب التعسف وعدم الأحترام الشديد توجهت لشركة سياحة لتقوم لي بالتقديم واستلام الباسبور اي التعامل التام مع القنصلية... وكانت خطتي التوجه للمغرب وزياراتها لمدة ٥ ايام فقط والطيران مباشرة من مراكش لباريس.
افضل التعامل بالتزام مع السفارات واقوم بحجز كل الطيران والاقامة فعليا والتخطيط جيدا لاجازتي ابتغاء راحة البال والمصداقية.
بالفعل استلمت الباسبور يوم الخميس ١٣ أبريل بعد انتظار ١٠ ايام مع ان اشخاص اخذوها بعد يومين ورأيت ذلك بنفسي... ولكن الفيزا تنتهي ٣١ مايو اي قبل ميعاد سفري بشهر!!!
توجهت الاحد ١٦ أبريل القنصلية لابلاغهم بالخطأ... وبالرغم من حصولهم من بيانات السفر المؤكدة قام موظف الشباك بنهري ويعني ايه الفيزا غلط.... تفحصها صحيحة صحيحة ورمي الباسبور في وشي.... طرقت الباب بعد حوالي ٣٠ دقيقة من الانتظار والطرق فتح موظف اخر وحاكاني باللهجة المغربية واسفا كان صعب علي فهمها... حكيت القصة وطلبت منه مقابلة سيادة القنصل... اخد الباسبور واعتطله نسخة اخري من تذكرة الطيران وطلب مني العودة الثلاثاء ١٨ ابريل الساعة ٤ لمقابلة القنصل ولم يعتطني اي ايصال وأغلق الباب!
مساء الأحد خفت جدا الباسبور يضيع ومعيش إيصال ولا اثبات استلامه للباسبور.... قمت بمراسلة وزارة الخارجية المغربية عبر الايميل باللغة الفرنسية وللأسف علشان عدم تمكني الشرح بالفصحي ولم يصلني اي رد حتي الان.
الثلاثاء كنت ٣ ونصف امام السفارة وناس كتير اوي منتظرة وامرأة تطرق الباب بشدة.... حاولت التحدث لاي موظف من موظفي الشباك وهو غالبا رجل مسن واحد ياللي زعقلي كتير اكتر من مرة واغلق الشباك في وجهي اكثر من مرة ولا يريد الاستماع!
في نفس الوقت السيدة المغربية لاتزال تطرق الباب حتي فتح شخص... وهو نفس الشخص اللي اخد مني الباسبور يوم الاحد... واخذت تكلمه بحدة بالمغربية... واثناء حديثها له زعقلي وقالي مش موضوعك متدخلش واقف برة... الله عليم متدخلت... معجبوش وقفت برة الباب... اقف بعيد عند الشجرة!!
السيدة استغربت جدا وسابت موضوعها واخدت تدافع عني حتي طردها من سفارتها.. وطردني!
زاد خوفي كده فعلا الباسبور يضيع... طرقت تاني فتح وفكرته قلي خبط الساعة ٥ " كانت ٤:٥٠ وقفل الباب المرادي علي وانا واقف عالباب بستعطفه يديني الباسبور... بيني وبين نفسي... خلاص انا مش عاوز الفيزا... مش هروح المغرب وربنا يعوض علي من اول فلوس الفيزا للطيران... انا عاوز الباسبور!!
الاستاذ المسن فتح شباكه يطلب من بواب عمارة بسكوت وبالمره اداله باسبور!!... حاولت احكيله تاني وقلتله انا مقدر الضعط اللي عليك... رد انت معكش ايصال مش من اختصاصي طلبت يطلبلي زميله ووصفته، طلب مني امشي لاما هيقفل الشباك... رديت انت عملتها قبل كده كتير.... وهاعملها تاني دلوقتي وقفله وانا بتكلم!!
لله الحمد قلت اتاكد واتكلم مع موظفة تسليم الباسبور اللي شباكها لسه فاتح تقريبا ٦ الا "المفروض من ٣ ل٤"... سمعتني وسلمتني الباسبور بكل سلاسة بالفيزا الصحيحة!
انا حبيت اشارككم الموقف لاننا كلنا بنحب السفر ولكن بنسافر باحترامنا وانا صعبت عليا نفسي اوي... الباب اتقفل عليا وانا واقف... مش حتي في وشي لاني بسأل عن حقي في استرجاع باسبوري بكل ادب واحترام للمكان وكيان الموظف
حسبي الله ونعم الوكيل في كل دقيقة ضاعت ومجهود وللمهانة الشديدة اللي اتعرضتلها بشهادة الكل.
انا بسافر كتير اوي وبلاد كتير بس عمري متعرضت لاساءة كده للاسف مش عنصرية ضد المصريين ده هتي حصل مع المواطنة المغربية!