عايزين نعرف ذكريات الإقلاع والهبوط بالطيارة وأصعب اللحظات مع المطبات...

[Amr Ibrahim Diab]

وليه اقلاع وهبوط هقولك مرة قاعد في الكرسي في النص وحسيت مرة وحدة بحجة بتنزل علي كتفي لقيت الجنبي علي اليمين ساقط عليا قولت احاة شكلة مات بخبط عليه كدة وقولت افوقة لقيته اترمي مني علي اليمين مالقتش اقول اكسكيوز مي قولت يالهو الحقوني الراجل مات واجي طقم الضيافة بس الحمد لله طلع مغمي عليه بس

 

[Asmaa Haroun]

انا اول ما بركب الطيارة ما بيجيش في دماغي غير شكل محمد هنيدي وهو في فول الصين العظيم واقعد اضحك

 

[أنس نصر]

حزلقوم
اول واحد بييجي ف بالي وانا في الطيارة

 

[Farouk Mohamed]

Mahmoud Saleh

 

[Mahmoud Samir]

انت كده بترعبنا من السفر ربنا يستر

 

[Mohamed Elgohary]

بحب اوى احساس الطياره فى الاقلاع و الهبوط و حتى فى مطبات الهواء مع انه مخيف بس ممتع
الحاجه الوحيده اللى بتعب منها وجع ودانى من الضغط فى الاقلاع و الهبوط علشان عندى مشكله فيهم بس الحمد لله ده مبيحصلش غير فى الطيارات الصغيره
من اغرب المواقف اللى شفتها فى الطياره كانت مصريين بيشربوا خمره مع انهم فى العادى مبيشربوش بس حجتهم انها فرصه علشان ببلاش

 

[Mic Heal]

حاجه عجيبه بس الكويتيه مفهاش مفاجئات

 

[Kemo Essa]

انك تبقي فوق المطار والعجل مش عايز ينزل ده حوار تاني خالص ربع ساعه فوق والمطار تحت.

 

[Färhä Mâlîk]

بص حضرتك انا مجربتش الشعور ده قبل كده
بس هجربه واقولك

 

[Islam Omran]

تصدق اني بعد ما سمعت الفيلم ده وانا كل ما اركب الطيارة افضل افكر في الفيلم المشكلة اني مشاهد الفيلم مبتجيش علي بالي الا وانا في الطيارة
لدرجة انها بقت هواجس بالنسبالي

 

[Omnia Ibrahim]

لاحظت أن فيه ناس زيي، طول عمرنا بنسافر وكتير بس فجأة أصابتنا فوبيا وبقينا بنخاف ومع تكرار السفر الموضوع بيزداد سوءً.. أنا توقعت أن دا عندي بس بسبب الأفلام وتقارير حوادث الطيران المنتشرة.

فيه ذكريات كثيرة بس أكتر حاجة فكراهم رحلة الرجوع من لبنان للامارات كان اعصار أليكسا ضارب البلد المسا وأنا هسافر الصبح وتوقعنا انهم هيلغوا الرحلة بس دا محصلش، وكان شكل الأعصار رهيب والطيارة كانت بتجاهد علشان تطلع وبتميل زوايا مرعبة وكنا خلاص متأكدين إنها هتتقلب والموضوع طول لأن الاعصار كان واخد كذا بلد جنب بعض.

الرحلة التانية كانت الرجوع من النمسا وكان صباح يوم بارد جدا وضباب أبيض مغطي كل حاجة لدرجة أننا مكناش شايفين السلالم وأحنا طالعين الطيارة.. والطيار ربنا يسامحه قال بالانجليزي ان عطل وهنستنا يتصلح وبعد ساعة لقينا فجأة شغل الطيارة وطلع أمريكاني وعدل نفسه على المدرج بسرعة متتعملش مع سيارة وراح بسرعته دي طاير بدون ما يجري على الممر حبة.. مش عارفة كان مستعجل على ايه وهو اصلا مش شايف ادامه لحد ما عدا طبقات الجو كلها.. والمسخرة ان الطيران دا بيقول الكلام المهم بالانجليزي باختصار شديد وكلام بتاع هنهبط الان او هنقلع الان شايفينه مش مهم لينا فبيقال بالالماني

 

[أنس نصر]

في شيء مهم جدا
ارشادات الطواريء اللي ببتقال في الطيارة
الناس كتير مش بتلتفت ليها او تعتبرها مهمة
بالذات النقطة بتاعة سترة النجاة
لو ركزنا شوية هنلاقي ان اءمن نقطة للهبوط الاضطراري بسبب الحوادث او العطل المفاجيء هو البحر او المياه عموما
عشان كده الارشادات ده مهمة ومفيدة