ايه تجاربكم في فقدان الشنط بيكون موقف بايخ جدا انك متلاقيش شنطك على السير...

  • بادئ الموضوع بادئ الموضوع Islam Hashish
  • تاريخ البدء تاريخ البدء
I

Islam Hashish

:: مسافر ::
ايه تجاربكم في فقدان الشنط

بيكون موقف بايخ جدا انك متلاقيش شنطك على السير لما توصل البلد اللي حتزورها أو لما ترجع مصر

شركة الطيران المحترمة بتفرق في الموقف ده

موقف حصلي ، هوه مش فقد الشنطة لكن قلعت الساعة (غلطتي) في التفتيش وحطيتها في الشنطة في الجيب ونسيت اخدها تاني و شحنتها، للاسف اتسرقت من الشنطة، وكانت ساعة عزيزة عالية جدا
 
أول مرة كنت أسافر و شنطيتي أتاخرت كتير اوي و بعد طول انتظار شنطتي جت اخدتها و طلعت و صحبي قابلني و هو بيحط شنطتي في العربية قالي انت مستلف الشنطة عشان تسافر بيها. قولتله انا لسه شريها جديدة قالي يعني غيرت اسمك.
الشنطة طلعت بتاعت واحد تاني و كاتب عليها من الخلف اسمه ههههههه. و شبه شنطتي بالظبط رجعت المطار تاني و الناس كانت محترمة و دخلوني تاني و لقيت شنطتي و كانت أتاخرت عشان أم صحبي كانت بعته معايا أكل لابنها و مردوش يدخلوة.
 
شركه الطيران المحترمه او الشنطه اناخرت . غالبا هاتجيلك علي الرحله الاي بعدها ويوصلها لحد الليت بتاعك او الفندق
 
فعلا شركات الطيران و تعاملها بيفرق جدا فى الموضوع ده.....انا و زوجى و بنتى كنا طالعين رحلة من دبى لبالى على القطرية فبنعمل ترانزيت فى الدوحة ...احنا وقتها وصلنا بالى الاتنين الضهر...الشنط جاتلنا بعد ما عملتلهم فضيحة على تويتر يوم الجمعة الصبح .... ويقولولنا مش مسئولتينا....لجميل فى الموقف ان المكتب المسؤول فى مطار بالى عن اننا نسجل شكوى عملوا قروود و ضحكوا علينا عشان منسجلش شكوى رسمية ضد القطرية ...و اما اتخانقت معاهم و رحت لظابط هناك اتكلمت معاه...ضحك و قالى هم كده لان القطرية مشاكلها كتير فعلا و بيحموها...... و لحد النهاردة كل ما اتكلم مع حد من القطرية يقولى ابعتى ايميل... احنا بعتنالهم اكتر من مرة و من غير رد
 
شنطتي ضاعت انا و كذا حد و انا جاية من تركيا الموقف رخم جدااا لانك بعد انتظار ساعات على السير في مصر مش لاقي شنطتك المهم اقنعونا ان الشنط مجاتش على الرحلة دي و جاية بكرة و انهم هيبعتولنا الشنط على البيت و لو ضاعت بالفعل هناخد تعويض و واحدة من اللي ضاعت شنطتهم قالتلهم انا مسافرة شرم الشيخ بكرة قالولها هنبعتهالك شرم و فعلا متاخروش و بعتوها للبيت كانت مصر للطيران
 
بعد موصلت بانكوك ملقتش الشنطة علي السير ومكنش معايا غير شنطة كروس فيها المحفظة والباسبور والشنطة طلعت في مصر متشحنتش وجتلي الفندق بعد 3 ايام وكنت في الصيف واطارات اشتري لبس كامل المضحك في الموضوع اني قاعدت الف يومين عشان الاقي مقاسي معظم المقسات في تايلاند صغيرة
 
ضاع مني شنطة علي مصر للطيران ومرجعتش واخدت تعويض ومرة علي القطرية بردو جت بعد اسبوع ومرة كمان علي الخليج جت تاني يوم واتعلمت ان دايما في شنطة صغيرة تطلع معايا الطيارة فيها طقم هدوم علشان يسعف الموقف
 
ف مطار القاهرة حاجة زفت لازم يشدوا السوستة يقطعوها ولا يبوظوا حاجة
واتسرقنا ف ماليزيا كذا مرة
مرة شنطة لو فتحها مش هيلاقي اي حاجة تنفعه كلها لبس لبنتي ٩ شهور وحاجتها
وال house keeping ف كوالالمبور سرقوا كذا حاجة ليلة السفر وعارفين اننا عاملين check out الفجر
 
فعلا شركة الطيران بتفرق و كانت غلطتى انى حجزت فى رويال ماروك او الطيران المغربى و انا مسافرة اسبانيا و لما فاتتنا الطيارة لغلطة فى فروق التوقيت قالولنا اطمنوا الشنط حاتتحجز و تتحط على الطيارة الجديدة اللى حجزتوها احنا فاتتنا الطيارة و احنا فى المغرب ترانزيت و مش عايزة اقولكم يعنى ايه تتحجز فى المغرب ترانزيت و تحاول تحجز اوضة فى فندق الترانزيت لا دى قصة مأساوية تانية ابقى احكيها بعدين و طبعا بعد ما وصلنا برشلونة مفيش شنط كلمنا خدمة العملاء و لطعونا انتظار كتير يايرد حد بلهجة مغربية تقوله كلمنى لغة عربية يقولك انتظر و يسيبك نص ساعة دفعنا الف جنيه بلا مبالغة دولى و فى الاخر الشنط مجتش و رجعنا من اسبانيا من غير شنط و بعتولنا اميل بعدها بست شهور ان نقدملهم جرد بمحتويات الشنط و نقدمه فى مكتبهم فى مصر علشان يدفعوا تعويض رحنا لقينا المكتب ميعرفش حاجة عن الكلام ده و قالنا مش اختصاصنا امال اختصاص مين اختصاص مكتبنا فى المطار اللى الموظفين مبيجوش فيه الا فى مواعيد الرحلات علشان يعملوا بوردينج للمسافرين و يروحوا مبيقابلوش حد و عطونا نمر عمرها ما ردت ابدا يعنى احنا استعوضنا ربنا و الخلاصة الطيران المغربى طيران زبالة حتى المعاملة على الطيارة كانت زبالة المضيفين مكشرين فى وش الناس مش عارفة ليه ... اه نسيت اقول ان سبب ان الطيارة فاتتنا مش بس فرق التوقيت المتلخبط لان مصر قدمت الساعة فجأة ايامها و المغرب متعرفش لا كمان لانهم لما نادوا على اسمائنا نادوا مرة واحدة و قالوها غلط اصلا... اقسم بالله كان فيه واحد مطلعش على طيران الامارات المضيفة كانت حاتعيط و هى بتدور عليه و نداء عشر مرات بلا مبالغة
 
كنت رايحه تركيا ولما وصلت هناك اخدت شنطه غير بتاعتي مليانه معسل ووصلت الاوتيل اتصدمت رجعت بلغت ولا حياة لمن تنادي
 
شنطي بقى كان ليها موقف تاني كنت راجعه القاهره على مصر للطيران
وهمه بينزلو ا الشنط وقعت على عامل والعمال عملوا اضراب ومرضيوش يجيبوا الشنط الطياره وصلت 5 المغرب وفضلنا ل12 بالليل من غير شنط
وللاسف روحنا من غيرهم قلنالهم المفروض تبعتولنا الشنط على الليت رفضوا قالوا اللي عايز شنطته يجي يخدها بكره
وطبعا اكيد في ناس من الافاليم
رحت الصبح بدري اجبها لفيتهم حطين الشنط فوق بعض ادخلي دوري على شنطتك
بعد عذاب لفيتهم ولا اي حد ليساعد!!!!!
 
انا لسه صايره معي على مصر للطيران لما جيت القاهره اجازه قعدت اربع ايام بلا شنطه لما جبتلهم سيرة التعويض وبدي فلوس بعتولي اياها بس تعلمت درس احمل شنطتين
 
كنت راجعه من السفر واخدت شنطه غير شنطتي والاغرب من كدا خدتها من علي سير تاني بتاع طياره هنديه واخدتها وطلبو مني افتحها ببص عليها لقيت فيها قفل وشنطتي بتفتح بارقام قلت لهم مش شنطتي وكنت خايفه يشكو فيا زي الافلام . بس لقيتهم عادي خالص وبعتو واحد بالشطنه يرجعها وقالو لي دوري ع شنطتك ... بس لحد دلوقتي ما عارفه ليه خدتها من ع سير تاني وكيف
 
حصلت معايا مرة في مطار اسطنبول ف ٢٠١٢ وانتظرت ساعة بعد ما الناس كلها مشيت بشنطها علشان يجيبولي الشنطة
قالولي كانت رايحة طيارة تانية بالغلط
 
رجعت برج العرب شنطتي سوستها مكسوره القطريه والمعاملة زفت وقالي روحي البيت شوفي محتوياتها وبلغيني مش عارفه كسروها ليه كنت شارياها جديده وغاليه من الهند تقريبا اتفجرجو علي الحاجات معجبتهمش
 


أكتب ردك...