A
Ayman Sayed
:: مسافر ::
مساء الخير عليكم وكل سنة وانتو طيبين يارب.
فى البوست ده هاتكلم عن 3 حاجات ممكن تكون مهمة لبعض الناس اللى هاتروح تايلاند وخصوصا فى بانكوك وبى بى ايلاند.
البوست خاص للأكيلة اللى زيى واللى بيحبو سياحة الاكل وتجربه فى اى حته.
أولا. أكيلة السوشى وعشاقه:-
الناس اللى نفسهم مرة يقعدو يدبو فيه ويشبعو من غير ما يقلق من الحساب ويقعد يحسبها كل شويه هو كده هيدفع كام. ( فيه طبعا مطاعم بتعمل اوبن بوفيه وكل زى مانت عايز لمدة ساعتين بس وبعد كده لازم تقوم يا معلم)
المطعم الجامد جدا اللى اكتشفته اسمه Orathai وده تقريبا كده ينطبق عليه لفظ المطعم اللى فى الحارة المزنوقه فعلا.
لو انت هاتعمل زيارة معبد wat pho او wat Arun. يبقى تعمل حسابك فى اكلة السوشى الجامدة دى و هتركب العبارة من محطة tien اللى رايحة على محطة اسمهاWang lang Maeket وبتنزل فيها وتمشى فى السوق بتاعها وبتلاقى المطعم ده موجود فى مول وواخد دور ارضى وعلوى.
الاسطاف هناك ما بيتكلمش انجليزى خالص بس مش مهم. انت هايجيلك المينو بتاعهم وهتشاورلهم على الصور وعيش يا معلم. هتاكل احلى وارخص وانضف سوشى ممكن تاكله.
ملحوظة صغيرة. المشروب اللى فى الصور ده مش عصير ليمون زى ما كنا فاكرين. لااااا ابسوليوتلى. ده حاجه غريبه كده مش عارفين هى ايه ماتشربوش منه.
المشروبات هناك لو ما اخدتش بالك وطلبت الصغير هيجيلك شفشق كبير بتاع 2 لتر وهما ليهم الكولا الخاصه بيهم وتقريبا مافيهاش صودا ومسكرة جدا.
ثانيا. الناس اللى بتدور على اكل حلال وهى فى phi phi island.
الراجل اللى فى الصور ده انا كنت مسمية ابن الكئيبة لانه ما بيضحكش خالص واحيانا كنت مسميه الراجل بتاع أين أشيائى يا موهيى. حتى ان المحل بتاعه لو لاحظتو فى الصور هتلاقوه مدهون من جوه باللون الاسود. حاجة آخر كآبة طبعا بس فى الحقيقة هتاكلو من عنده احلى مشويات ومقليات فى الجزيرة. الراجل ده بردو ما يعرفش فى الانجليزى غير الاسعار بس. واكله كله حلال واسعاره مابين 40 ل 70 بات للحته حسب حجمها. فراخ بانيه وهوت دوج وشيش. اجمد حاجة البانية.
المشكلة انه بيفتح بالليل بس بعد الساعة 7 وهتلاقيه فى الطريق وانت جاى من ناحيه Ton sai bay ورايح على البيتش اللى فى الناحيه التانيه م الجزيرة اللى اسمه Loh Dalum bay و هو البتش الصاخب فى الجزيرة بالليل بيبقى فيه شوهات بتاعة العيال اللى بيلعبو بالجاز والنار زى الحاوى اللى كان بيعدى فى شوارعنا زمان. وكمان هو البيتش اللى فيه Ibiza pool party والعياذ بالله.
ثالثا. الناس اللى بتحب الباتاى وهى على phi phi.
المطعم ده موجود فى سوق تجارى خلف فندقpanmanee وانت جاى من ناحية Ton sai bay بيبقى على يمينك.
الست اللى فى الصورة دى صاحبة االمطعم هى وجوزها وصاحبةاحلى ابتسامه ممكن تشوفها بالرغم من متاعبها الصحية وضهرها المحنى. بس تلاقيهم اول ناش شغاله الصبح وآخر ناس بتقفل بالليل. الباتاى هناك جامد جدا سواء كان بالفراخ او بالجمبرى وسعره مابين 60 او 70 بات.
دول كانو 3 معلومات خفيفة للناس اللى مسافرة تايلاند قريب يارب تكونو استمتعتو بيهم وعيشتكو تقريبا معايا هناك.
هانزل شوية صور من آخر رحلة لتايلاند يارب تعجبكو.
فى البوست ده هاتكلم عن 3 حاجات ممكن تكون مهمة لبعض الناس اللى هاتروح تايلاند وخصوصا فى بانكوك وبى بى ايلاند.
البوست خاص للأكيلة اللى زيى واللى بيحبو سياحة الاكل وتجربه فى اى حته.
أولا. أكيلة السوشى وعشاقه:-
الناس اللى نفسهم مرة يقعدو يدبو فيه ويشبعو من غير ما يقلق من الحساب ويقعد يحسبها كل شويه هو كده هيدفع كام. ( فيه طبعا مطاعم بتعمل اوبن بوفيه وكل زى مانت عايز لمدة ساعتين بس وبعد كده لازم تقوم يا معلم)
المطعم الجامد جدا اللى اكتشفته اسمه Orathai وده تقريبا كده ينطبق عليه لفظ المطعم اللى فى الحارة المزنوقه فعلا.
لو انت هاتعمل زيارة معبد wat pho او wat Arun. يبقى تعمل حسابك فى اكلة السوشى الجامدة دى و هتركب العبارة من محطة tien اللى رايحة على محطة اسمهاWang lang Maeket وبتنزل فيها وتمشى فى السوق بتاعها وبتلاقى المطعم ده موجود فى مول وواخد دور ارضى وعلوى.
الاسطاف هناك ما بيتكلمش انجليزى خالص بس مش مهم. انت هايجيلك المينو بتاعهم وهتشاورلهم على الصور وعيش يا معلم. هتاكل احلى وارخص وانضف سوشى ممكن تاكله.
ملحوظة صغيرة. المشروب اللى فى الصور ده مش عصير ليمون زى ما كنا فاكرين. لااااا ابسوليوتلى. ده حاجه غريبه كده مش عارفين هى ايه ماتشربوش منه.
المشروبات هناك لو ما اخدتش بالك وطلبت الصغير هيجيلك شفشق كبير بتاع 2 لتر وهما ليهم الكولا الخاصه بيهم وتقريبا مافيهاش صودا ومسكرة جدا.
ثانيا. الناس اللى بتدور على اكل حلال وهى فى phi phi island.
الراجل اللى فى الصور ده انا كنت مسمية ابن الكئيبة لانه ما بيضحكش خالص واحيانا كنت مسميه الراجل بتاع أين أشيائى يا موهيى. حتى ان المحل بتاعه لو لاحظتو فى الصور هتلاقوه مدهون من جوه باللون الاسود. حاجة آخر كآبة طبعا بس فى الحقيقة هتاكلو من عنده احلى مشويات ومقليات فى الجزيرة. الراجل ده بردو ما يعرفش فى الانجليزى غير الاسعار بس. واكله كله حلال واسعاره مابين 40 ل 70 بات للحته حسب حجمها. فراخ بانيه وهوت دوج وشيش. اجمد حاجة البانية.
المشكلة انه بيفتح بالليل بس بعد الساعة 7 وهتلاقيه فى الطريق وانت جاى من ناحيه Ton sai bay ورايح على البيتش اللى فى الناحيه التانيه م الجزيرة اللى اسمه Loh Dalum bay و هو البتش الصاخب فى الجزيرة بالليل بيبقى فيه شوهات بتاعة العيال اللى بيلعبو بالجاز والنار زى الحاوى اللى كان بيعدى فى شوارعنا زمان. وكمان هو البيتش اللى فيه Ibiza pool party والعياذ بالله.
ثالثا. الناس اللى بتحب الباتاى وهى على phi phi.
المطعم ده موجود فى سوق تجارى خلف فندقpanmanee وانت جاى من ناحية Ton sai bay بيبقى على يمينك.
الست اللى فى الصورة دى صاحبة االمطعم هى وجوزها وصاحبةاحلى ابتسامه ممكن تشوفها بالرغم من متاعبها الصحية وضهرها المحنى. بس تلاقيهم اول ناش شغاله الصبح وآخر ناس بتقفل بالليل. الباتاى هناك جامد جدا سواء كان بالفراخ او بالجمبرى وسعره مابين 60 او 70 بات.
دول كانو 3 معلومات خفيفة للناس اللى مسافرة تايلاند قريب يارب تكونو استمتعتو بيهم وعيشتكو تقريبا معايا هناك.
هانزل شوية صور من آخر رحلة لتايلاند يارب تعجبكو.