صباح الفل على أجمل جروب عالفيس كله :D بقالي فتره بقلب فموقع كده وعاوز انقلكم...

[Mohamed Gamaleldin]

صباح الفل على أجمل جروب عالفيس كله
بقالي فتره بقلب فموقع كده وعاوز انقلكم اللى عرفته وباذن الله يفيد

موقع www.worldpackers.com

الموقع ده فرأيي هينتشر قريب فمصر وناس كتير هتسافر بيه ..

أول مره عرفته كنت بتكلم مع واحد صاحبي أجنبي وبنتكلم عالسفر وكده
وقالي عليه انه موقع كويس جدا

الموقع بقالي فتره فيه وفهمت الدنيا كويس
موقع وورلد باكرز هو موقع وسيط بينك وبين هوستلز عاوزه ناس تشتغل معاها فتره مقابل الاقامه
والاكل وحجات تانيه كتير وكل فرصه على حسب

الموقع طبعا ربحي لانهم فعلا بيتعبوا علشان يوصلوا خدمه بالشكل الرائع ده
بس هقلك فالاخر ازاى تستخدمه ببلاش لأول رحلتين تقريبا

الموقع مناسب أكتر للناس اللى مش اول مره تسافر واللي بيسافروا باقل تكلفه
لان اغلب الفرص مفيهاش pick up وده العيب اللي شايفه فرايي

الموقع واضح جداا ومش سايبين اى حاجه عاوز تفهمها مش مجاوبين عليها فالـ FAQS
هوضح بس الصوره العامه فاستخدامه :-

أولا بتدخل تعمل عليه بروفايل وتملا كل المربعات عنك وعن اهتماماتك وصورك
من الاخر حجات تدل انك شخص حقيقي زيه زى كاتوش سيرفنج كده

بعدين تروح للسيرش عن فرص وهنا بقي الروعه
من شهرين الموقع مكنش موفر فرص فاماكن كتير جدا
بس الفتره اللى فاتت فيه فرص كتيييير جدا ضافوها وغطوا جزء كبير جدا من العالم
وطريقه البحث سهله جداا وبتوفرلك كل الاختيارات اللى عاوزها وايه اللى هتقدمه
وبعدين يجبلك الفرص اللى مناسبه ليك ولاختياراتك
فمثلا بتختار الاول القاره اللى عاوزها وبعدين يسألك عن الدوله وهكذا
هتقدم مهارات ايه وبيديك اختيارات وعاوز ايه فالمقابل ويديك اختيارات
وفالاخر يظهرلك الفرص المتوفره ليك

بعد ماختارت الفرصه اللى عاوزها بتدخل عليها
بتلاقي وصف تفصيلي بالصور لناس كانت قبلك هناك وريفيوهات
والاجمل انك من حقك تفتح بروفايلات الناس دى وتسالهم واحد واحد لو قلقان من حاجه
وده كله من غير فلوس واهو بتطور لغتك :V

نيجى للخطوه الاهم
استقريت عالفرصه المناسبه ليك
بتدخل تبعت للهوست علطول بانك تعمل apply عالفرصه
بيوديك على صفحه الدفع تمن الوساطه اللى وفرها الموقع
وهقلك تعديها ازاى بعدين ببلاش

عدتها خلاص بيوصلك بفورم كده تملاها فيها اسئله منطقيه جداا زى ليه عاوز تقدم عالفرصه
وعاوز تيجى من امته لامته وهكذا وبعد ما تقدم ده بيروح للهوست ويبدأ يفتح بروفايلك
ويشوف اللى انت كاتبه عن نفسك ويبدأ يوافق أو يرفض

الجميل فالموقع ده انك علشان تقدم على اى فرصه لازم تدخل رقم الماستر كارد او الفيزا
بس مش بيخصم منك فلوسه الا لما الهوست يوافق ويعمل approve عليك
بمعنى لو عجبتك فرصه ودخلت رقم الفيزا وفالاخر مكملتش فيها وكنسلت مبياخدش منك حاجه
ولو دورت هتلاقي معاهم حق يعملوا كده علشان الجديه

هجاوب عالاسئله اللى اغلبكم عاوز يسألها :-

- هل انت جربت تسافر من عليه قبل كده ؟
لا لسه لاني فالجيش واما اخلص مش هتردد انى اجربه لانه موفرلي كل احتياطات الامان اللى عاوزها
والمفاجأه كمان اني مش لاقي سفريات عليه لمصريين خالص
الا سفريه واحده بس امبارح لبنت من مصر راحت البرتغال والموقع كتب عنها

- ايه مدى الامان للموقع ده ؟
الموقع موفر حجات كتير جداا تطمن منها
زى ريفيوهات الناس اللى قبلك وصور ليهم فالمكان وصور بالمكان نفسه اللى هتعد فيه
وكمان على حسب كلامهم انهم بيبعتوا سفراء من عندهم للهوست الجداد عندهم يقيموا المكان فعلا
وممكن تجرب ده بنفسك لو عندك مكان كويس وعاوز تستضيف ناس عندك فشغل مقابل الاقامه والاكل
بانك تقدم عليه كهوست وتشوف التعامل هيبقي عامل ازاى
+ ان الموقع ليه قناه عاليوتيوب تقدر تدخل تتفرج على فيديوهات كتيييير لناس قبلك سافرت من خلاله

- ايه أسعار الفرص وازاى اخدها ببلاش ؟
بص الفرص بتبدأ من 1 دولار لحد 50 مشفتش فرصه اعلي من كده .
الموقع بقي علشان يطمن انك شخص حقيقي بيقلك لو جبتلي 20 من اللى يعرفوك
يقيموك ويكتبوا ايه المهارات اللى عندك هيحط فحسابك 50 دولار هديه من عنده
وانا عملت كده فعلا وبقيت بقدم على اى فرصه بال50 الهديه دى
حتى لو اشتريت فرصه
لكن هيسحب من الـ 50 الهديه
عن نفسي معايا ماستر كارد البنك الاهلي للشباب
استخدمتها وهى فاضيه اصلا ووافق عليها وخلانى اعرف أقدم عالفرص عادى واكلم الهوست براحتى

- طب الفيزا اخبارها ايه وهل فيه دعوه من المكان ؟
الموقع مجرد وسيط بينك وبين الهوست وملوش دعوه باي حاجه غير كده
بس موضوع الدعوه معرفش اه ولا لا بس هتلاقي جوه الموقع حاجه اسمها travel buddy
يعنى زميلك فالسفر وهى بنت واسمها anna
بتسالها فاى شي انت عاوزه واى مشكله تقابلك هى بترد عليك بعد يوم بالكتير .
أنا سالتها على حاجه مكنتش فاهمها وشرحتهالي بعدها بيوم بالتفصيل

- مميزات الموقغ فرايي انه ارخص من أماكن كتير بتوفر نفس الخدمه
ده على افتراض انك هتدفع اصلا وزى ماقلتلك ازاى تاخدها ببلاش
وحتى لو خلصت الـ 50 دولار الهديه واشتريت من جديد
50 دولار هنقول تقريبا 1000 جنيه .... مش خساره اطلاقا فشغلهم وتنظيمهم وتطويرهم للموقع يوم بعد يوم وكمان الفرص والامان الروعه اللى بيوفروها اللي اقل حاجه هتلاقي اكل واقامه ببلاش

- سلبيات الموقع فرايي انه اغلب الفرص مفيهاش pick up
غير كده مفيش تقريبا لانهم بيطوروا وبيتوسعوا يوم بعد يوم

كده شرحت الصوره العامه .. الموقع واضح وسهل جدا فالتعامل
خشوا عيشوا فيه شويه وجربوا كل حاجه فيه ومتترددش انك تسأل anna أو تفتح الـ FAQS

بالتوفيق

 

[Abdelmoneim]

saved لحد الاجازة

 

[Ahmed Adel]

كلامك كله صح. وعن تجربه شخصيه الموقع سهل وممتاز وحجزت عليه المغرب بس مسافرتش لسه. بس تكمله لحديثك اللي اول مره يسافر يختار دوله متكونش ناس كتير بتروحها لأن فرصك هتكون قليله زي(أوروبا وأمريكا وتركيا)
لكن اختار(الهند. المغرب. جنوب افريقيا...)فرصها أكبر.
تاني شئ تحت كل فرصه هتلاقي صوره قلوب (الاعجابات بالفرصة)وصوره طياره(عدد المقدمين للفرصه)اختار اللي فيها عدد قليل.

 

[Milad Wagih Salib]

F

 

[Asmaa Eldakrony]

F

 

[Dalia G. Mehawed]

Sherif Metwally

 

[Mohamed Ashraf]

كويس جدا

 

[Moonface Simsim]

Marmar Hassan & Hebey He

 

[Hassan Mohamed Abdelatef]

Tasneem Hassan

 

[Mic Heal]

الحححححق John G. Boutros

 

[Motaz Mohamed]

f

 

[Hassan Salah Eldin]

Amr Osama

 

[Mohamed Gamaleldin]

Rosy Banoota

 

[MosTafa MoHamed]

Leena Kamal kol el tfsel ahe