B
Bedo Abd El Samad
:: مسافر ::
أوكرانيـــــــا
كنت كاتب كومنت فـ بوست الهند بينوِّه إن دا بوست نوستالجيا ياخوانا والله بس مخدش شافه غير 9 باين ، كنت فـ الهند من سنة وشوية وحاليًا أنا فـ مصر وكنت منزله كمشاركة لطيفة معاكم كدة بس، أما الناس اللي عاوزه معلومات عن الهند فأنا حاليًا للأسف فـ امتحانات ومش فاضي أكتب بوست طويل محترم خالص عن الهند ولا ارد على 300 كومنت اللي كلهم ع راسي والله بس لو حد بعتلي ع الخاص أسئلة محددة هجاوب عليه باللي أقدر عليه إن شاء الله، ومن باب المساعدة يعني بأي حاجة دا بوست عن السفر عامةً وشوية عن أيزك وعن أوكرانيا خاصةً أتمنى يفيد حد
___________________________________________________
️ملحوظة هامة : الأسعار دي سنة (2015)
دلوقتي الدولار عامل 27 جريفنا - فرق مش كبير يعني فهنزود ع كل الأرقام اللي تحت دي شويتين-
____________________________________________________
توكلنــــــا ع الله
* ملحوظة : هذا البوست للمهتمين بالسفر لأوكرانيا
* ملحوظة تانيه : البوست ده مش للفرافير وولاد الذوات البوست ده للمتكحرتين واللي يعرفوا يتقشفوا .. العالم الناشفه م الآخر .
* ملحوظة تالته : "الجريڤنا" أو "الهريڤنا" دي عملة أوكرانيا .. الدولار = ٢٢,٥ : ٢٣،٢ جريڤنا .. الجنيه المصري بالمتوسط = ٣ جريڤنا ، عشان الأرقام اللي هقولها تقريبًا كلها بالجريڤنا والمفروض تحوّل انت بقا .
أنا هنا يُعتبر هقول المعلومات فصورة حكاية .. انت لسه واحد مش بتفكر فالسفر أساسًا فمصر عشان بتسمع أرقام خياليه عن السفر ومقتنع إن السفر محتاج تكون عايش فڤيلا أو قصر وأبوك وزير عشان تسافر ، نتخطي الحوارات والهري ده وركزت فإنك شخص بيحقق أحلامه بشوية تعب وشوية مساعده والسفر بيجري فدمك وقررت واتجرّأت تقول لأهلك إنك عاوز تسافر .. قدامك طرق كتير للسفر ممكن عن طريق كليتك سواء الجمعية العلمية أو منحة أو "أيزك" -أكبر منظمة شبابيه فالعالم مختصه بالتبادل الطلابي بين الدول - أو سياحة ودا بيبقي أغلي نسبيًا ..المهم انت قررت تسافر ومعاك القرشين اللي هنحسبهم مع بعض قدام .. أول حاجة لازم تدرس البلد اللي انت هتروحها دي قبل متسافر .. لازم تاخد فكره عنها وأماكنها ولغتها وناسها وعملتها وأسعار السلع وتحاول ترسم تخيُّل مبدأي لعيشتك هناك ، دا بيساعدك علي تفادي الصدمات أو ال over expectations .. المهم خدت فكرتك قررت تبتدي فإجراءات السفر أول حاجة لازمك الباسبور اللذيذ والباسبور طلعوه مش اعجاز .. كطالب بتطلع بيان قيد بس من كليتك مرفق معاه رقم التجنيد بتاعك -احنا كطلبه الكلية بتأجلنا تجنيدنا طول محنا فالكلية - بطاقة ٦ جند .. وعدد ٦ صور شخصية خلفيه بيضا ٤*٦ و ١٦٠ج وبعدين تروح مصلحة الجوازات التابع ليها تديهم الحاجة وتيجي تلاقي باسبورك جاهز ..
خلصنا م الباسبور لو قررت تسافر مع "أيزك" لازم تقدم الأول فأيزك وهي موجوده فكل الكليات هتعمل الإنترڤيو ولو عديت في حاجة زي رغباتك كدة البلاد اللي انت عاوز تروحها .. وبعدين هما بيتواصلوا مع فرع أيزك فالبلد دي ويحددولك انترڤيو معاهم علي skype .. أيزك قايمه ع فكرة النشاط التطوعي بتقدملك فرص انك تشتغل ف برامج ثقافيه أو توعية أو صحة أو كشفيه برامج كتير .. انت بتشوف اللي يناسبك وتقدم فيه أيزك بتوفرلك سكن ببلاش فالبلد اللي هتروحها بتوفرلك إنك already معاك ناس شغاله معاك زيك من جميع دول العالم فمش محتاج تبذل مجهود فإنك تلاقي صحاب فالأول لو انت مش اجتماعي أوي .. المهم معاك باسبورك .. عاوز تروح السفارة .. سفارة أوكرانيا ڤيلا ٥٠ شارع ٨٣ المعادي بتركب المترو وتنزل سكنات المعادي وامشي حبه صغيرين .. معظم السفارات بتطلب تحدد معاهم معاد الأول لكن سفارة أوكرانيا بأسبقية الحضور يعني اللي يجي بدري يخش الأول فنصيحة تكون قدام السفارة من ٧ الصبح .. السفارة بتشتغل يومين فالأسبوع ( اتنين وخميس) من (١١:٣٠ | ٢ ).. لازم قبل متروح السفارة تبقي عارف ايه المطلوب منك عشان متدبش مشاوير عالفاضي لو طالب مطلوب منك :
- اثبات قيد من الكلية
- visa application ( ودي ممكن تطبعها من موقع السفارة وتملاها وهي صالحة تمامًا
- medical insurance ( وده تأمين صحي للفتره اللي هتقعدها هناك وبيطلع من أي مكتب سياحة ب ١٠٠ ج )
- كشف حساب من البنك (يفضل يكون معمول من أكتر من ٦ شهور وفيه مبلغ أكتر من ١٠ آلاف جنية وعادي مش لازم باسمك ممكن يكون باسم ابوك او اخوك ولازم يكون مختوم )
- البطاقة وصورة منها.
-الباسبور وصورة سكانر
- عقد أيزك ( لو مسافر معاهم بعد ميقبلك أيزك البلد المضيفه هتعمل عقد ف مصر ففرع أيزك اللي قدمت فيه فجامعتك )
- صورتين ٤*٦
- invitation letter ( دا بيتبعتلك من أيزك المضيف بيبقي فيه اسمك وفترة البروچكت ومهم جدًا وغالبًا بيبعتهولك صورة وانت تطبعه )
- الفلوس ( الڤيزا العادي بتطلع ب ٧٠ $ وتاخدها ف ٢١ يوم ، والمستعجل ب ١٤٠$ وبتطلع ف ٣ أيام )
تظبط كل ورقك وتصور من كل ورقه نسخه وتتوكل ع الله هتوصل السفارة بدري زي متفقتا ، معلش صحيان بدري وتكديرة بس هنعمل ايه ، هتسجل اسمك مع العسكري قدام السفارة ف ورقه وتستني دورك .. هيجي دورك هتخش تدي للظابط ورقك لو أيزك مش بتدخل تقابل القنصل بيشوف مجرد عقد أيزك ويسألك اسئلة بسيطة زي رايح انهو LC وقاعد قد ايه وبتاع وفل كدة شكرًا تعالي كمان ٢٠ يوم او زي ميحددلك .. كدة انت يا كبير ضمنت الڤيزا لو انت عملت الحاجات دي زي مقلتلك ولو مجدش جديد ف أمور السفارة فانت ان شاء الله ڤيزتك طالعه طالعه .
نيجي للمشوار بقا .. حجز الطيران عامل زي البورصة كل يوم بشكل وسعر فانت زي الشاطر تقعد ع النت عندك موقع skyscanner وتفر ف شركات الطيران لحد متلاقي أرخص واحدة قدامك وتأشر عليها ، أنا كنت مسافر -ودي تقريبًا أرخص أسعار ممكن تلاقيها - تبقي الخطوط الملكية الأردنية وكانت ب ٣,٥٠٠ ج.م بتطلع من مطار القاهرة تاخد ترانزيت ف الأردن وبعدين طيارة تانيه لكييڤ ( عاصمة أوكرانيا) .. انا قعدت وانا رايح ترانزيت ساعتين ف الأردن وانا جاي ١٢ ساعه بس الناس هناك محترمين جدًا وقعدت الليلة دي ففندق المطار وأكلي وشربي وأوضتي كل حاجة كان ع حسابهم .. الطيارة من القاهره للأردن ساعه و ١٠ دق ومن عمّان لكييڤ ٣ ساعات ونص .. وليك وجبة ف أي طيارة هتركبها .. في حاجة تانيه للطلبة اللي زينا اللي جيشهم متأجل ، بتطلع تصريح سفر من منطقة التجنيد التابع ليها ( صورتين بطاقة - بيان قيد برقم التجنيد -٢٠ ج ) وبيطلع فيومها .. كدة انت ظبطت كل حاجة فيزتك ، طيارتك ، تصريح سفرك .. فلوسك اللذيذة تحولها دولارات متاخدش معاك مصري خالص .. ومتقلقش هناك مكانب الصرافه هتتكعبل فيها وهتحول فلوس بسهوله جدًا ، لو معاك visa card اتأكد انها هتكون متأكتڤه هناك فياريت تكلم البنك تسأله عشان متتصدمش هناك وتلاقي الفيزا مش شغاله فوازن بين الكاش والڤيرا
.. المهم كدة كله تمام فاضل شنطتك يا نجم .. وزن الشنط لازم تاخد بالك منه جدًا عشان الغرامات .. الخطوط الأردنية بتسمحلك بحمولة ٣٠ كج شحن ( الشنطه اللي بعجل ) وبشنطة cabine size ( ٧ كج ) معاك دي عالطيارة وشنطة ايد للستات والرجاله المثل لو عندك شنطة كروس لطيفه كدة هتحتاجها معاك علطول .. المهم انت بتعرف جو البلد ايه وهو عمومًا من شهر ٧ ل ١٠ صيفي وحر معادا مجموعة أيام هتلاقيها فالنص كدة ساقعه بطريقه غريبه فانت هتاخد معاك لبس صيفي مش كتير عشان ف سكنك هيبقي ف غساله وهتغسل ! .. وتاخد بتاع ٣ هودي وچاكت عشان لو سقعت .. مهم برضه جًا جدًا ال fresh buzz "الشطافه" لامؤاخذه عشان زي محضرتك عارف أغلب دول أوروبا معندهمش الاختراع ده واحنا كعرب منقدرش معيش من غيرها فهتروح زي الشاطر تشتريها م العزبي ب ١٠٠ ج .. ظبطت شنطتك وخدت احتياجاتك وموبايلاتك و power bankk وشواحنك كله كله هتظبط شنطتك قبل السفر بيوم تجنبًا للمفاجآت واتنزل تسلم علي صحابك وأهلك وتتوكل ع الله .
لازم تبقي ف المطار قبل الطيارة ب ٣ ساعات ع الأقل عشان الإجراءات والزحمه والمفاجاءات وخلافه .. هتدخل المطار توزن شنطك تقعد شوية .. ثم تطلع طيارتك تستمتع بوجبتك تتفرج ع المنظر من شباك الطيارة وتقول خلاص بحقق أحلامي .. ساعه و١٠ دق هتلاقي نفسك ف الأردن هتحس انك كنت طالع أول الشارع .. المهم تنزل المطار تملّي نفسك بجمال عمّان لو عاوز تستري حاجة خلي فبالك إن حاجة المطار غالية بلس إن الدينار الأردني ب ١٠ ج.م حضرتك (( إزازة الميه كانت ب ٣٠ ج.م الصغيره )) .. المهمم هتطلع طيارة كييڤ تقعد فيها التلت ساعات ونص اللذاذ وتنزل كييڤ في مطار Boryspil .. حتخلص إجراءات الدخول وممكن تلاقيهم خدوم ع مكتب كدة عشان يسألوك شوية اسأله لو انت مسافر أول مره ، لو سافرت قبل كدة غالبًا مبتوقفش .. المهم بتنزل تحت تاخد شنطتك .. هتلاقي محل صرافه هتحول حبة دولارات وليكن ١٠٠$ كبداية هتاخد الجريڤنات وتبدأ تعاملك بيها .. زي مصر هتلاقي تاكسيات كتير فكك منها هتلاقي فالناحية التانيه شركات محمول .. فلو انت عاوز تبقي علي اتصال بالنت وهو رخيص جدًا هناك في كذا شركة ( life - Kyivstar - MTC )أحسنهم life هتروح تشتري خط وتخليها تعملك باقة ٢ جيجا ومكالمات كتير كدة وحركات ب ١٥٠ جريڤنا الباقه دي كفتني لمدة شهر كامل وكنت باستخدمها بافترا .. بلس لو خلصت بيحاسبك بعد كدة ال ٥٠ ميجا ب ٣ جريڤنا ! .. المهم كدة انت خدت رقمك الأوكراني وظبطت حياتك وانترنتك .. تطلع هتلاقي ع اليمين Sky Bus دا ب ٦٠ جريڤنا هتركبه حبه حلوين ساعه إلا ربع مثلًا وهتنزل ف محطة Vogzal دي محطة قطر واتوبيس ومترو وكل حاجة ، المفروض هتلاقي حد من Aiesec يخدك للهوستيل بتاعك أو الHost family اللي هتقعد معاها
.. لو مش أيزك هتنزل وتدور علي هوستيل كويس تقعد فيه ، تفكك بقا من حو الغنادق والتاكسيات انت هتقعد ف هوستيل كويس مشاركه الأوضه بتبقي ٤ أو ٥ حسب الأوضه كل واحد له سريره ومعاك ناس من كل دول العالم رجاله أو ستات ، انت بتتأقلم علي عيشه جديدة بعيدًا عن سريرك المرفه فمصر ، المهم حتتطلب من إدارة الهوستيل locker دي مفتاحها الوحيد معاك بتحط فيها متعلقاك الثمينه وتأمن عليها .. وزيادة فالأمان ممكن تجيب انت قفل وتحطه ليك .. المهم الهوستيل دا فيه wi-Fi فيه غساله تغسل هدومك وغالبًا الغسله الواحده ممكن تشترك مع حد وبتبقي ب ٣٠ جريڤنا في مطبخ تحت إيدك في بوتجاز وتلاجه وميكروييڤ في common room بتقعدوا فيها كلكم .. ف حمام بدش نضيف في مكان تُنشر فيه هدومك .. باختصار انت ف بيت مشترك صغير .. الليله ف الهوستيل ب ٩٠ جريڤنا دي أقل حاجة طبعا .. كدة انت ظبطت قعدتك ونومك وعيشتك .. نخش ع أكلك حضرتك مش هتقضيهالي ف مطاعم وخروجات احنا عاوزين نوفر سيادتك .. ففطارك ممكن تكون جايبه من مصر أصلًا عهيئة علب جبنه مثلثات أو علب تونه أو ممكن تدور ع أقرب سوبرماركت م البيت وتبدي تعتمد عليه .. هتجيب كون لنشون لطيف كدة أو علبه مثلثات وكيس توست دول بحوالي ٣٥ جريڤنا فطارك ل ٣ أيام .. عشاك هيبقي إندومي هتجيب ٤ علب ب ١٥ جريڤنا ودا يبقي عشا ليلتين هتجبها وتسخنها فالميكرويف .. غدا سيادتك هنرأف بيك ونخليه من بره وغالبًا ف معظم الأوقات غصب عنك هيبقي من Macdonalds ومتخفش أسعاره هناك نص أسعار مصر تقريبًا يا إما تجرّب مطاعم تانيه بس تركز ف ال Menu وتنأي أصناف بعيده عن ال Ham , Pork , bacon ..وجبة الغدا لو روشت ع نفسك ع الآخر هتكلفك بتاع ١٥٠ جريڤنا بس ، الميه ف الهوستيل ببلاش هتلاقي القاروره موجوده متشتريش ميه الا عشان بره بس والإزازة الصغيرة من ٦ ل ٨ جريفنا والكبيره من ٩ ل ١١ ، لازم وانت بتشتري تقوله Voda bez Gaz يعني مية من غير غاز عشان معظمهم بيشرب الميه بغاز وهتوفها اول متدوقها وللتسهيل الغطا بتاعها يا أبيض يا لبني واشهر نوع Morshinska .. تنقلاتك كلها بالمترو .. التذكره ب ٤ جريفنا وهي عباره عن Coin كدة وممكن تستخدمها ف أي يوم مش زي مصر وفي برضه كارت للمترو يدوبك بتمرره ع الجهاز بس بدل الcoin بس انا افضل الكوين يوم بيوم عشان الكارت ب ٣٠٠ جريفنا غالي فمكن يضيع .. المترو ٣ خطوط شبه مصر وعندك محطتتين بتغير فيهم زي رمسيس والسادات وهتفهمه بسرعه ، حاول تتعلم الأرقام بأسرع وقت عشان تسهل عليك شوية .. اتعلم الكلمات الشائعه زي ( شكرًا ومن فضلك و العفو ومن غير لحم خنزير ومية من غير غاز الخ .. ) طول الفتره اللي معاك ال buddy فيها من أيزك بيلف معاك خليك معاه اول متعوز تلف لوحدك في برنامج اسمه "Trip Advisor" دا برنامج جميل جدًا بعيش عليه بيورك كل المعالم والمطاعم والفنادق والهوستيلز اللي ف مدينتك وبيرتبهالك حسب الأسعار يعني أنفع من صاحبك .
فانت هتشغل GPSك اللذيذ وتوصل للمكان بشطارتك هتشوف اقرب محطة مترو ليه وتنزل تكمل موتورجل .. كدة يومك كله بنومتك بأكلك بشربك بغدا فخم بلفك هيعمله ٣٥٠ جريفنا = يعني ١١٥ ج.م .. لو عاوز تسافر مدن تانيه مواصلتك القطر وهنا برضه الأسعار مختلفه في الغالي وفي الرخيص ، فانت عشان توفر لو عاوز تسافر لڤيڤ هتاخد قطر نوم ب ١٨٠ جريڤنا ٩ ساعات جميل جدًا سرير فيه كل حاجة مخده ملايه فرش شماعه كل حاجة وهتتفرح ع مناظر جميله م الشباك .. المدن المشهورة ( لڤيڤ - أوديسا - خاركوف - إيڤانو فرانكڤسك ) وهتنزل اي مدينه هتعمل نفس العمل هتدور ع هوستيل وتنزل تتعامل زي اللي فات .. ماشي دايمًا بشنطتك الكروس فيها باسبورك والmedical insurance وشطافتك عشان لو اتزنقت وانت بره .. فلوسك توزعها ع جيبك ومحفظتك وشنطتك الكروس وشنطتك اللي فالهوستيل عشان لو اتسرقت ميبقاش كله ضاع "لا تضع أم البيض ف سلّه واحدة" .. الشرا هناك رخيص برضه عن مصر كتير التوكيلات وكل الحاجات دي بالنسبة لمصر رخص التراب فأوكرانيا برضه ميزتها فكدة ودي بيشفعلها الي حد ما لأنها مش شينجن .. لڤيڤ لازم تتراح طرازها أوروبي صِرف وشوارعها وجوها جُمال جدًا ، أوديسا بحر وشوارع روعه برضه حاجة زي اسكندرية كدة .. خلي بالك من فلوسك وحاجتك وشنطك .. المصري بيسلك ف أي حته .. متسوقش سمعة بلدنا والعرب أكتر مهي ضايعه .. معاد طيران الرجوع لازم قبل معاد الڤيزا عشان تتفادي الغرامه .. أوزِن شنطك باستمرار عشان متعديشوالوزن وتلبس برضه غرامه توصل ل ١٠٠ $ يعني بتمن اللي اشتريته .. ابعد عن الحرام هو سهل ورخيص هناك بس هتخُش النار ، انت بمجرد ما سافرت فانت بقيت عضو فرابطة المسافرين هيبقي معاك ناس من جميع دول العالم بتسمع لغات جديدة ثقافات جديدة بتعتمد ع نفسك بتلف العالم بتعيش حساتك بتسمع خبرات اللي معاك عن البلاد اللي راحوها وانت بتديهم خبرات بترجع انسان متغير انسان مختلف .. وغالبًا بتحدد اهدافك هناك وبتقرر انت عاوز ايه م الدنيا دي بتكتشف انك كنت بتفكر ف حاجات هبله كتير وتافهه بتبقي أكثر نضجًا بتبقي إنسان مختلف .
دا مُلخص شبه بالتفصيل عن خبرتي مع أوكرانيا ، كاتبه للتوثيق ولمساعدة أي حد بيفكر للسفر هناك
كنت كاتب كومنت فـ بوست الهند بينوِّه إن دا بوست نوستالجيا ياخوانا والله بس مخدش شافه غير 9 باين ، كنت فـ الهند من سنة وشوية وحاليًا أنا فـ مصر وكنت منزله كمشاركة لطيفة معاكم كدة بس، أما الناس اللي عاوزه معلومات عن الهند فأنا حاليًا للأسف فـ امتحانات ومش فاضي أكتب بوست طويل محترم خالص عن الهند ولا ارد على 300 كومنت اللي كلهم ع راسي والله بس لو حد بعتلي ع الخاص أسئلة محددة هجاوب عليه باللي أقدر عليه إن شاء الله، ومن باب المساعدة يعني بأي حاجة دا بوست عن السفر عامةً وشوية عن أيزك وعن أوكرانيا خاصةً أتمنى يفيد حد
___________________________________________________
️ملحوظة هامة : الأسعار دي سنة (2015)دلوقتي الدولار عامل 27 جريفنا - فرق مش كبير يعني فهنزود ع كل الأرقام اللي تحت دي شويتين-
____________________________________________________
توكلنــــــا ع الله
* ملحوظة : هذا البوست للمهتمين بالسفر لأوكرانيا
* ملحوظة تانيه : البوست ده مش للفرافير وولاد الذوات البوست ده للمتكحرتين واللي يعرفوا يتقشفوا .. العالم الناشفه م الآخر .
* ملحوظة تالته : "الجريڤنا" أو "الهريڤنا" دي عملة أوكرانيا .. الدولار = ٢٢,٥ : ٢٣،٢ جريڤنا .. الجنيه المصري بالمتوسط = ٣ جريڤنا ، عشان الأرقام اللي هقولها تقريبًا كلها بالجريڤنا والمفروض تحوّل انت بقا .
أنا هنا يُعتبر هقول المعلومات فصورة حكاية .. انت لسه واحد مش بتفكر فالسفر أساسًا فمصر عشان بتسمع أرقام خياليه عن السفر ومقتنع إن السفر محتاج تكون عايش فڤيلا أو قصر وأبوك وزير عشان تسافر ، نتخطي الحوارات والهري ده وركزت فإنك شخص بيحقق أحلامه بشوية تعب وشوية مساعده والسفر بيجري فدمك وقررت واتجرّأت تقول لأهلك إنك عاوز تسافر .. قدامك طرق كتير للسفر ممكن عن طريق كليتك سواء الجمعية العلمية أو منحة أو "أيزك" -أكبر منظمة شبابيه فالعالم مختصه بالتبادل الطلابي بين الدول - أو سياحة ودا بيبقي أغلي نسبيًا ..المهم انت قررت تسافر ومعاك القرشين اللي هنحسبهم مع بعض قدام .. أول حاجة لازم تدرس البلد اللي انت هتروحها دي قبل متسافر .. لازم تاخد فكره عنها وأماكنها ولغتها وناسها وعملتها وأسعار السلع وتحاول ترسم تخيُّل مبدأي لعيشتك هناك ، دا بيساعدك علي تفادي الصدمات أو ال over expectations .. المهم خدت فكرتك قررت تبتدي فإجراءات السفر أول حاجة لازمك الباسبور اللذيذ والباسبور طلعوه مش اعجاز .. كطالب بتطلع بيان قيد بس من كليتك مرفق معاه رقم التجنيد بتاعك -احنا كطلبه الكلية بتأجلنا تجنيدنا طول محنا فالكلية - بطاقة ٦ جند .. وعدد ٦ صور شخصية خلفيه بيضا ٤*٦ و ١٦٠ج وبعدين تروح مصلحة الجوازات التابع ليها تديهم الحاجة وتيجي تلاقي باسبورك جاهز ..
خلصنا م الباسبور لو قررت تسافر مع "أيزك" لازم تقدم الأول فأيزك وهي موجوده فكل الكليات هتعمل الإنترڤيو ولو عديت في حاجة زي رغباتك كدة البلاد اللي انت عاوز تروحها .. وبعدين هما بيتواصلوا مع فرع أيزك فالبلد دي ويحددولك انترڤيو معاهم علي skype .. أيزك قايمه ع فكرة النشاط التطوعي بتقدملك فرص انك تشتغل ف برامج ثقافيه أو توعية أو صحة أو كشفيه برامج كتير .. انت بتشوف اللي يناسبك وتقدم فيه أيزك بتوفرلك سكن ببلاش فالبلد اللي هتروحها بتوفرلك إنك already معاك ناس شغاله معاك زيك من جميع دول العالم فمش محتاج تبذل مجهود فإنك تلاقي صحاب فالأول لو انت مش اجتماعي أوي .. المهم معاك باسبورك .. عاوز تروح السفارة .. سفارة أوكرانيا ڤيلا ٥٠ شارع ٨٣ المعادي بتركب المترو وتنزل سكنات المعادي وامشي حبه صغيرين .. معظم السفارات بتطلب تحدد معاهم معاد الأول لكن سفارة أوكرانيا بأسبقية الحضور يعني اللي يجي بدري يخش الأول فنصيحة تكون قدام السفارة من ٧ الصبح .. السفارة بتشتغل يومين فالأسبوع ( اتنين وخميس) من (١١:٣٠ | ٢ ).. لازم قبل متروح السفارة تبقي عارف ايه المطلوب منك عشان متدبش مشاوير عالفاضي لو طالب مطلوب منك :
- اثبات قيد من الكلية
- visa application ( ودي ممكن تطبعها من موقع السفارة وتملاها وهي صالحة تمامًا
- medical insurance ( وده تأمين صحي للفتره اللي هتقعدها هناك وبيطلع من أي مكتب سياحة ب ١٠٠ ج )
- كشف حساب من البنك (يفضل يكون معمول من أكتر من ٦ شهور وفيه مبلغ أكتر من ١٠ آلاف جنية وعادي مش لازم باسمك ممكن يكون باسم ابوك او اخوك ولازم يكون مختوم )
- البطاقة وصورة منها.
-الباسبور وصورة سكانر
- عقد أيزك ( لو مسافر معاهم بعد ميقبلك أيزك البلد المضيفه هتعمل عقد ف مصر ففرع أيزك اللي قدمت فيه فجامعتك )
- صورتين ٤*٦
- invitation letter ( دا بيتبعتلك من أيزك المضيف بيبقي فيه اسمك وفترة البروچكت ومهم جدًا وغالبًا بيبعتهولك صورة وانت تطبعه )
- الفلوس ( الڤيزا العادي بتطلع ب ٧٠ $ وتاخدها ف ٢١ يوم ، والمستعجل ب ١٤٠$ وبتطلع ف ٣ أيام )
تظبط كل ورقك وتصور من كل ورقه نسخه وتتوكل ع الله هتوصل السفارة بدري زي متفقتا ، معلش صحيان بدري وتكديرة بس هنعمل ايه ، هتسجل اسمك مع العسكري قدام السفارة ف ورقه وتستني دورك .. هيجي دورك هتخش تدي للظابط ورقك لو أيزك مش بتدخل تقابل القنصل بيشوف مجرد عقد أيزك ويسألك اسئلة بسيطة زي رايح انهو LC وقاعد قد ايه وبتاع وفل كدة شكرًا تعالي كمان ٢٠ يوم او زي ميحددلك .. كدة انت يا كبير ضمنت الڤيزا لو انت عملت الحاجات دي زي مقلتلك ولو مجدش جديد ف أمور السفارة فانت ان شاء الله ڤيزتك طالعه طالعه .
نيجي للمشوار بقا .. حجز الطيران عامل زي البورصة كل يوم بشكل وسعر فانت زي الشاطر تقعد ع النت عندك موقع skyscanner وتفر ف شركات الطيران لحد متلاقي أرخص واحدة قدامك وتأشر عليها ، أنا كنت مسافر -ودي تقريبًا أرخص أسعار ممكن تلاقيها - تبقي الخطوط الملكية الأردنية وكانت ب ٣,٥٠٠ ج.م بتطلع من مطار القاهرة تاخد ترانزيت ف الأردن وبعدين طيارة تانيه لكييڤ ( عاصمة أوكرانيا) .. انا قعدت وانا رايح ترانزيت ساعتين ف الأردن وانا جاي ١٢ ساعه بس الناس هناك محترمين جدًا وقعدت الليلة دي ففندق المطار وأكلي وشربي وأوضتي كل حاجة كان ع حسابهم .. الطيارة من القاهره للأردن ساعه و ١٠ دق ومن عمّان لكييڤ ٣ ساعات ونص .. وليك وجبة ف أي طيارة هتركبها .. في حاجة تانيه للطلبة اللي زينا اللي جيشهم متأجل ، بتطلع تصريح سفر من منطقة التجنيد التابع ليها ( صورتين بطاقة - بيان قيد برقم التجنيد -٢٠ ج ) وبيطلع فيومها .. كدة انت ظبطت كل حاجة فيزتك ، طيارتك ، تصريح سفرك .. فلوسك اللذيذة تحولها دولارات متاخدش معاك مصري خالص .. ومتقلقش هناك مكانب الصرافه هتتكعبل فيها وهتحول فلوس بسهوله جدًا ، لو معاك visa card اتأكد انها هتكون متأكتڤه هناك فياريت تكلم البنك تسأله عشان متتصدمش هناك وتلاقي الفيزا مش شغاله فوازن بين الكاش والڤيرا
.. المهم كدة كله تمام فاضل شنطتك يا نجم .. وزن الشنط لازم تاخد بالك منه جدًا عشان الغرامات .. الخطوط الأردنية بتسمحلك بحمولة ٣٠ كج شحن ( الشنطه اللي بعجل ) وبشنطة cabine size ( ٧ كج ) معاك دي عالطيارة وشنطة ايد للستات والرجاله المثل لو عندك شنطة كروس لطيفه كدة هتحتاجها معاك علطول .. المهم انت بتعرف جو البلد ايه وهو عمومًا من شهر ٧ ل ١٠ صيفي وحر معادا مجموعة أيام هتلاقيها فالنص كدة ساقعه بطريقه غريبه فانت هتاخد معاك لبس صيفي مش كتير عشان ف سكنك هيبقي ف غساله وهتغسل ! .. وتاخد بتاع ٣ هودي وچاكت عشان لو سقعت .. مهم برضه جًا جدًا ال fresh buzz "الشطافه" لامؤاخذه عشان زي محضرتك عارف أغلب دول أوروبا معندهمش الاختراع ده واحنا كعرب منقدرش معيش من غيرها فهتروح زي الشاطر تشتريها م العزبي ب ١٠٠ ج .. ظبطت شنطتك وخدت احتياجاتك وموبايلاتك و power bankk وشواحنك كله كله هتظبط شنطتك قبل السفر بيوم تجنبًا للمفاجآت واتنزل تسلم علي صحابك وأهلك وتتوكل ع الله .
لازم تبقي ف المطار قبل الطيارة ب ٣ ساعات ع الأقل عشان الإجراءات والزحمه والمفاجاءات وخلافه .. هتدخل المطار توزن شنطك تقعد شوية .. ثم تطلع طيارتك تستمتع بوجبتك تتفرج ع المنظر من شباك الطيارة وتقول خلاص بحقق أحلامي .. ساعه و١٠ دق هتلاقي نفسك ف الأردن هتحس انك كنت طالع أول الشارع .. المهم تنزل المطار تملّي نفسك بجمال عمّان لو عاوز تستري حاجة خلي فبالك إن حاجة المطار غالية بلس إن الدينار الأردني ب ١٠ ج.م حضرتك (( إزازة الميه كانت ب ٣٠ ج.م الصغيره )) .. المهمم هتطلع طيارة كييڤ تقعد فيها التلت ساعات ونص اللذاذ وتنزل كييڤ في مطار Boryspil .. حتخلص إجراءات الدخول وممكن تلاقيهم خدوم ع مكتب كدة عشان يسألوك شوية اسأله لو انت مسافر أول مره ، لو سافرت قبل كدة غالبًا مبتوقفش .. المهم بتنزل تحت تاخد شنطتك .. هتلاقي محل صرافه هتحول حبة دولارات وليكن ١٠٠$ كبداية هتاخد الجريڤنات وتبدأ تعاملك بيها .. زي مصر هتلاقي تاكسيات كتير فكك منها هتلاقي فالناحية التانيه شركات محمول .. فلو انت عاوز تبقي علي اتصال بالنت وهو رخيص جدًا هناك في كذا شركة ( life - Kyivstar - MTC )أحسنهم life هتروح تشتري خط وتخليها تعملك باقة ٢ جيجا ومكالمات كتير كدة وحركات ب ١٥٠ جريڤنا الباقه دي كفتني لمدة شهر كامل وكنت باستخدمها بافترا .. بلس لو خلصت بيحاسبك بعد كدة ال ٥٠ ميجا ب ٣ جريڤنا ! .. المهم كدة انت خدت رقمك الأوكراني وظبطت حياتك وانترنتك .. تطلع هتلاقي ع اليمين Sky Bus دا ب ٦٠ جريڤنا هتركبه حبه حلوين ساعه إلا ربع مثلًا وهتنزل ف محطة Vogzal دي محطة قطر واتوبيس ومترو وكل حاجة ، المفروض هتلاقي حد من Aiesec يخدك للهوستيل بتاعك أو الHost family اللي هتقعد معاها
.. لو مش أيزك هتنزل وتدور علي هوستيل كويس تقعد فيه ، تفكك بقا من حو الغنادق والتاكسيات انت هتقعد ف هوستيل كويس مشاركه الأوضه بتبقي ٤ أو ٥ حسب الأوضه كل واحد له سريره ومعاك ناس من كل دول العالم رجاله أو ستات ، انت بتتأقلم علي عيشه جديدة بعيدًا عن سريرك المرفه فمصر ، المهم حتتطلب من إدارة الهوستيل locker دي مفتاحها الوحيد معاك بتحط فيها متعلقاك الثمينه وتأمن عليها .. وزيادة فالأمان ممكن تجيب انت قفل وتحطه ليك .. المهم الهوستيل دا فيه wi-Fi فيه غساله تغسل هدومك وغالبًا الغسله الواحده ممكن تشترك مع حد وبتبقي ب ٣٠ جريڤنا في مطبخ تحت إيدك في بوتجاز وتلاجه وميكروييڤ في common room بتقعدوا فيها كلكم .. ف حمام بدش نضيف في مكان تُنشر فيه هدومك .. باختصار انت ف بيت مشترك صغير .. الليله ف الهوستيل ب ٩٠ جريڤنا دي أقل حاجة طبعا .. كدة انت ظبطت قعدتك ونومك وعيشتك .. نخش ع أكلك حضرتك مش هتقضيهالي ف مطاعم وخروجات احنا عاوزين نوفر سيادتك .. ففطارك ممكن تكون جايبه من مصر أصلًا عهيئة علب جبنه مثلثات أو علب تونه أو ممكن تدور ع أقرب سوبرماركت م البيت وتبدي تعتمد عليه .. هتجيب كون لنشون لطيف كدة أو علبه مثلثات وكيس توست دول بحوالي ٣٥ جريڤنا فطارك ل ٣ أيام .. عشاك هيبقي إندومي هتجيب ٤ علب ب ١٥ جريڤنا ودا يبقي عشا ليلتين هتجبها وتسخنها فالميكرويف .. غدا سيادتك هنرأف بيك ونخليه من بره وغالبًا ف معظم الأوقات غصب عنك هيبقي من Macdonalds ومتخفش أسعاره هناك نص أسعار مصر تقريبًا يا إما تجرّب مطاعم تانيه بس تركز ف ال Menu وتنأي أصناف بعيده عن ال Ham , Pork , bacon ..وجبة الغدا لو روشت ع نفسك ع الآخر هتكلفك بتاع ١٥٠ جريڤنا بس ، الميه ف الهوستيل ببلاش هتلاقي القاروره موجوده متشتريش ميه الا عشان بره بس والإزازة الصغيرة من ٦ ل ٨ جريفنا والكبيره من ٩ ل ١١ ، لازم وانت بتشتري تقوله Voda bez Gaz يعني مية من غير غاز عشان معظمهم بيشرب الميه بغاز وهتوفها اول متدوقها وللتسهيل الغطا بتاعها يا أبيض يا لبني واشهر نوع Morshinska .. تنقلاتك كلها بالمترو .. التذكره ب ٤ جريفنا وهي عباره عن Coin كدة وممكن تستخدمها ف أي يوم مش زي مصر وفي برضه كارت للمترو يدوبك بتمرره ع الجهاز بس بدل الcoin بس انا افضل الكوين يوم بيوم عشان الكارت ب ٣٠٠ جريفنا غالي فمكن يضيع .. المترو ٣ خطوط شبه مصر وعندك محطتتين بتغير فيهم زي رمسيس والسادات وهتفهمه بسرعه ، حاول تتعلم الأرقام بأسرع وقت عشان تسهل عليك شوية .. اتعلم الكلمات الشائعه زي ( شكرًا ومن فضلك و العفو ومن غير لحم خنزير ومية من غير غاز الخ .. ) طول الفتره اللي معاك ال buddy فيها من أيزك بيلف معاك خليك معاه اول متعوز تلف لوحدك في برنامج اسمه "Trip Advisor" دا برنامج جميل جدًا بعيش عليه بيورك كل المعالم والمطاعم والفنادق والهوستيلز اللي ف مدينتك وبيرتبهالك حسب الأسعار يعني أنفع من صاحبك .
فانت هتشغل GPSك اللذيذ وتوصل للمكان بشطارتك هتشوف اقرب محطة مترو ليه وتنزل تكمل موتورجل .. كدة يومك كله بنومتك بأكلك بشربك بغدا فخم بلفك هيعمله ٣٥٠ جريفنا = يعني ١١٥ ج.م .. لو عاوز تسافر مدن تانيه مواصلتك القطر وهنا برضه الأسعار مختلفه في الغالي وفي الرخيص ، فانت عشان توفر لو عاوز تسافر لڤيڤ هتاخد قطر نوم ب ١٨٠ جريڤنا ٩ ساعات جميل جدًا سرير فيه كل حاجة مخده ملايه فرش شماعه كل حاجة وهتتفرح ع مناظر جميله م الشباك .. المدن المشهورة ( لڤيڤ - أوديسا - خاركوف - إيڤانو فرانكڤسك ) وهتنزل اي مدينه هتعمل نفس العمل هتدور ع هوستيل وتنزل تتعامل زي اللي فات .. ماشي دايمًا بشنطتك الكروس فيها باسبورك والmedical insurance وشطافتك عشان لو اتزنقت وانت بره .. فلوسك توزعها ع جيبك ومحفظتك وشنطتك الكروس وشنطتك اللي فالهوستيل عشان لو اتسرقت ميبقاش كله ضاع "لا تضع أم البيض ف سلّه واحدة" .. الشرا هناك رخيص برضه عن مصر كتير التوكيلات وكل الحاجات دي بالنسبة لمصر رخص التراب فأوكرانيا برضه ميزتها فكدة ودي بيشفعلها الي حد ما لأنها مش شينجن .. لڤيڤ لازم تتراح طرازها أوروبي صِرف وشوارعها وجوها جُمال جدًا ، أوديسا بحر وشوارع روعه برضه حاجة زي اسكندرية كدة .. خلي بالك من فلوسك وحاجتك وشنطك .. المصري بيسلك ف أي حته .. متسوقش سمعة بلدنا والعرب أكتر مهي ضايعه .. معاد طيران الرجوع لازم قبل معاد الڤيزا عشان تتفادي الغرامه .. أوزِن شنطك باستمرار عشان متعديشوالوزن وتلبس برضه غرامه توصل ل ١٠٠ $ يعني بتمن اللي اشتريته .. ابعد عن الحرام هو سهل ورخيص هناك بس هتخُش النار ، انت بمجرد ما سافرت فانت بقيت عضو فرابطة المسافرين هيبقي معاك ناس من جميع دول العالم بتسمع لغات جديدة ثقافات جديدة بتعتمد ع نفسك بتلف العالم بتعيش حساتك بتسمع خبرات اللي معاك عن البلاد اللي راحوها وانت بتديهم خبرات بترجع انسان متغير انسان مختلف .. وغالبًا بتحدد اهدافك هناك وبتقرر انت عاوز ايه م الدنيا دي بتكتشف انك كنت بتفكر ف حاجات هبله كتير وتافهه بتبقي أكثر نضجًا بتبقي إنسان مختلف .
دا مُلخص شبه بالتفصيل عن خبرتي مع أوكرانيا ، كاتبه للتوثيق ولمساعدة أي حد بيفكر للسفر هناك
