A
Amal Mostafa
:: مسافر ::
الفيزا اون لاين بتتكلف 35 دولار انا لسه راجعه من هناك من اسبوع..هي بلد جميله جدا جدا..جبال خضراء في كل مكان شلالات..و لكن للأسف البنيه التحتيه للبلد ضعيفه جدا.. الطرق صعبه و بطيئه..و علشان نرتاح في موضوع الإنتقالات..إضطررينا لتأجير سياره خاصه بسائق طول فترة الإقامه..
الشعب هناك قمه في الأدب و الأخلاق.. و لإننا بنحب نجرب الأكل الهندي و الآسيوي اتبسطنا من الأكل..لكن مش كل الناس ممكن تحب أكلهم..استمتعنا بالشلالات و عومنا فيها..و اتسلقنا ليتيل آدمز بيك..و كانت تجربه فوق الروعه..و عملنا رافتنج خطير..و عملنا سنوركلينج و اتبسطنا بأنشطة المياه كلها..و طبعا ركبنا الأفيال و عومنا فوقها في الميه..
اتبسطنا جدا لكن تكلفة الرحله لا تقل عن تكلفة ماليزيا أو تايلاند..
لو محتاج رقم السائق اللي كان معانا..انا تحت أمرك..و هو قمه في الأدب و الأمانه
الشعب هناك قمه في الأدب و الأخلاق.. و لإننا بنحب نجرب الأكل الهندي و الآسيوي اتبسطنا من الأكل..لكن مش كل الناس ممكن تحب أكلهم..استمتعنا بالشلالات و عومنا فيها..و اتسلقنا ليتيل آدمز بيك..و كانت تجربه فوق الروعه..و عملنا رافتنج خطير..و عملنا سنوركلينج و اتبسطنا بأنشطة المياه كلها..و طبعا ركبنا الأفيال و عومنا فوقها في الميه..
اتبسطنا جدا لكن تكلفة الرحله لا تقل عن تكلفة ماليزيا أو تايلاند..
لو محتاج رقم السائق اللي كان معانا..انا تحت أمرك..و هو قمه في الأدب و الأمانه
A
Ahmed Gado
:: مسافر ::
ده تقرير من الآخر عن سريلانكا
/Travel Secrets club
انصحك وبشدة تظبط رحلتك مع سواق سريلانكي هيوفرلك كتير وهتتبسط جدا.
/Travel Secrets club
انصحك وبشدة تظبط رحلتك مع سواق سريلانكي هيوفرلك كتير وهتتبسط جدا.
A
Ahmed Gado
:: مسافر ::
سريلانكا ليها طابع مختلف في السياحة عن باقي الدول. هناك لازم يبقى معاكم سواق تحت ايدك ٢٤ ساعة. السواقين هناك بيعملك كل حاجة ( بيخطط لك رحلتك. بيحجر لك الفنادق. بيعرفك تاكلي وتشربي منين. بيعرفك تشتري ايه ومنين. والأهم من ده كله بيبقى المرشد السياحي بتاعك). اختيار السواق لازم يكون بعناية علشان ٩٠% من نجاح الرحلة معتمد على الله ثم عليه. انا قعدت اسبوع اول يومين كانو قمة النكد والمواقف البايخة بسبب السواق. وبعدين غيرت السواق وصدقيني الرحلة اتغيرت ١٨٠ درجة. أما بالنسبة للأماكن اللي تروحيها بصراحة سريلانكا كلها جنة ولسة بلد بكر مقارنة بباقي آسيا. طبعا لازم تروحو نواراليا ودي مدينة فووووووووووق الجبال ودرجة الحرارة هتنزل فوق ع الاقل ١٥ درجة. انا فاكر تحت كانت ٣٢ وفوق ١٤. هتشوفي فيها بحيرة جريجوري وهتركبي الوزة وتلفيها براحتك. هتشتري فراولة ومربى وكل اللي عايزاه (انصح بشدة تشتريها من مزرعة الراهبات اللي ورا الكنيسة). وانتو نازلين هتعدو على مزارع الشاي خلي السواق يختارلك مزرعة حلوة هتدخلو تشوفو مراحل تصنيع الشاي من وهوا في الزرعة لحد العلبة وهتشربو شاي وتاكلي كيك وتتسلطني. هتروحو سيجيريا وهناك هتطلعو صخرة سيجيريا ودي طويلة جدا اعملو حسابكم في كتشيات مريحة وبعدين هتروحو تعملو سفاري في المحمية الطبيعية. هتروحو كاندي ودي فيها معبد السن (السن بتاع بوذا) وده من أكبر واهم المعابد البوذية في سريلانكا. هتشوفو البحيرة والسمك اللي فيها وتأكلوه فشار وتتمشو في البلد. حاجات كتير اوي ممكن تعمل في سريلانكا صعب اكتبها كلها بس زي ما قلتلك الرحلة معتمدة على الله ثم على السواق. لو في اي استفسار بالنسبة لأي حاجة انا تحت امرك
