R
Randa Hany
:: مسافر ::
الصورة دي في الزعفرانة .. الزعفرانة موجودة بعد العين السخنة بمسافة بسيطة !
ودي كانت رحلة علمية منظماها " جمعية المهندسين البريطانية في مصر BEIE " - بمناسبة يوم طاقة الرياح العالمي - 15 يونيو 2013
بالرغم من انها رحلة علمية الا انها كانت رحلة ممتعة جداااااااا ..
بدأنا اليوم بعرض لمحطة طاقة الرياح وبعدها طلعنا مكتب المهندسين وشفناهم وهم شغالين على برنامج الكمبيوتر اللي بيتحكموا بيه في طواحين الهوا ..
بعد كده بأه جات المفاجأة ..
رحنا عند طواحين الهوا ذات نفسها .. ومش بس كده لأ دخلنا جوه طاحونة هوا كمااااان !!
طاحونة الهوا لما تقرب منها تلاقيها ضخمة جداااااااا .. مش رفيعة زي ما هي باينة في الصورة كده ..
دخلنا مع الفني جوه طاحونة الهوا وشرح لنا الزراير اللي جوه وازاي بيشغلها وازاي بيوقفها ..
والحقيقة بعد ما طلعنا .. ماقدرناش نستنى كتير بره الطاحونة عشان كنا هنطير ! .. الهوا هناك شديد جدااااااا .. فوق ما تتخيل ! .. ليهم حق يعملوها هناااك
وطبعا بعد ما خلصنا رحنا اتغدينا في قرية سياحية في السخنة !
ف بمناسبة دخول الصيف .. والناس اللي ناوية تروح السخنة - لو ابنك / بنتك بتحب التكنولوجيا .. او لو انت عندك حب استطلاع للنوع ده من التكنولوجيا .. ممكن تعدي على الزعفرانة وانت هناك ..
بس لازم تكلمهم الأول ويبقى معاك تصريح تسلمه على البوابة عشان تدخل المكان
#هتستمتع .. ! #تكنولوجيا_وفسحة في نفس ذات الوقت
ودي كانت رحلة علمية منظماها " جمعية المهندسين البريطانية في مصر BEIE " - بمناسبة يوم طاقة الرياح العالمي - 15 يونيو 2013
بالرغم من انها رحلة علمية الا انها كانت رحلة ممتعة جداااااااا ..
بدأنا اليوم بعرض لمحطة طاقة الرياح وبعدها طلعنا مكتب المهندسين وشفناهم وهم شغالين على برنامج الكمبيوتر اللي بيتحكموا بيه في طواحين الهوا ..
بعد كده بأه جات المفاجأة ..
رحنا عند طواحين الهوا ذات نفسها .. ومش بس كده لأ دخلنا جوه طاحونة هوا كمااااان !!
طاحونة الهوا لما تقرب منها تلاقيها ضخمة جداااااااا .. مش رفيعة زي ما هي باينة في الصورة كده ..
دخلنا مع الفني جوه طاحونة الهوا وشرح لنا الزراير اللي جوه وازاي بيشغلها وازاي بيوقفها ..
والحقيقة بعد ما طلعنا .. ماقدرناش نستنى كتير بره الطاحونة عشان كنا هنطير ! .. الهوا هناك شديد جدااااااا .. فوق ما تتخيل ! .. ليهم حق يعملوها هناااك
وطبعا بعد ما خلصنا رحنا اتغدينا في قرية سياحية في السخنة !
ف بمناسبة دخول الصيف .. والناس اللي ناوية تروح السخنة - لو ابنك / بنتك بتحب التكنولوجيا .. او لو انت عندك حب استطلاع للنوع ده من التكنولوجيا .. ممكن تعدي على الزعفرانة وانت هناك ..
بس لازم تكلمهم الأول ويبقى معاك تصريح تسلمه على البوابة عشان تدخل المكان
#هتستمتع .. ! #تكنولوجيا_وفسحة في نفس ذات الوقت