N
Noor El-Adawy
:: مسافر ::
مرحباً معشر الرحالة ، برجاء ربط الاحزمة سوف نتوجه إلي #تايلاند و #ماليزيا يلا بينا
نبدأ بترتيب الأوراق :
#الفيزا : مطلوب منك كشف حساب بنكي لآخر 3 شهور ب 10 آلاف جنيه - صورة شخصية 4 × 6 حديثة خلفية بيضا - حجز طيران و فندق - Hr litter - و الابلكيشن تملاها اونلاين و تطبعها و تروح السفاره في شارع هنداوي في الدقي من 9 ل 11 بياخدوا 100 باسبور فقط في اليوم و بتستلم الفيزا بعدها ب 48 ساعه مفيش رفض لو في حاجة في الورق اللي ع الشباك هيقولك عليها و مش هياخد الورق منك غير لما تظبطها الفيزا دلوقتي ب 700 جنيه.
#تذكرة_الطيران : حجزنا تذاكر الذهاب و العودة من مصر للطيران لانها دايركت و ده كان أفضل بالنسبالنا .
#ملحوظة_أولي : أسعار التذاكر متفاوتة بناءاً علي ميعاد الحجز و عدد ساعات الترانزيت في حاجات أرخص من مصر للطيران زي الطيران العماني و الكويتي و الاتحاد.
#ملحوظة_تانيه : أوعي تغلط غلطتنا و متحجزش الطيران الداخلي قبل ما تمشي عشان هتزعل جامد و تجيب ناس تزعل معاك
#ملحوظة_ثالثة : لو الفيزا بتاعتك مش مالتي و هترجع تاني تايلاند هتدفع 2000 THB في المطار يعني حوالي 57 دولار و ده طبعاً أرخص من المالتي لانها دلوقتي بقت ب 3200 جنيه .
#ملحوظة_رابعة : متغيرش دولار من أي مطار غير حاجة بسيطة تكفي مواصلات بس .
البات هو عمله تايلاند و سعر تغييره مختلف من مكان للتاني أقل سعر للدولار 33 بات و أعلي سعر 34.80 .
------------------------------------------------------------------------------
نبدأ بقي رحلتنا :
مسار الرحلة ( بانكوك / بوكيت / كوالالمبور )
من 1 مارس : 12 مارس
السعر شامل الطيران ذهاب و عودة و الفيزا و الهوستل بالإفطار
10 آلاف جنيه مصري
اتحركنا من القاهره 1 مارس وصلنا بانكوك 2 مارس الظهر طيران 8 ساعات و نص تجربة الطيران الطويل مع مصر للطيران كانت لطيفة الحمد لله.
وصلنا بانكوك و اخدنا van لمكان الهوستل اسمه Charan 41 Hostel لا أنصح بيه
- #أول_نصيحة في تايلاند فاصل و هات ناس تفاصل
#ثاني_نصيحة : متعملش مساج في بانكوك في بوكيت احسن بكتير.
#اول_يوم معملناش حاجة غير أننا استكشفنا المنطقة المحيطة.
بدأت رحلتنا من #ثاني_يوم : روحنا #معبد wat arun سعر التذكره 50 THB بس من رأيي بصراحه لا يستحق الزيارة.
المعبد الثاني اسمه wat pho تذكرته ب 100 THB المعبد جميل جداً و ممتع.
و بالنسبه للأكل العربي في شارع Sukumvit أو الشارع العربي في هناك مطاعم عربي كتير و بكده انتهي اليوم الثاني .
#اليوم_الثالث : روحنا رحلة بحريه بمركب في نهر أنصحكم بلاش تروحوا الأفضل ال Floating market اغلي بس احسن بكتير.
و بعدين روحنا شارع Kao san Road ده شارع مشهور بال night life .
اتحركنا من بانكوك علي #بوكيت حيث البحر و البلبطة مع Lion air تجربه الطيران معاهم الي حد ما كويسه.
-------------------------------------------------------------------------------
وصلنا بوكيت الصبح و اخدنا van لمكان الهوستل اسمه DFEEL رائع ❤ في Patong Beach
و دقايق مشي للبحر و جمبه مسجد و مطاعم أكل حلال
وصلنا الهوستل عملنا check in و ريحنا شوية و بعدين نزلنا قعدنا ع البحر
كنا حاجزين رحلة اليوم التاني الي phi phi island سعرها يبدأ من 1300 THB لحد 2000 THB انت و شطارتك في الفصال بقي
اليوم الثاني : الباص عدي علينا الساعه 7 و طلعنا علي المرسي بتفطر ع المرسي و غداء ع الجزيرة و مشروبات و فاكهة طول الرحله.
الجزيرة وهم و ال speed boat بيعمل 3 وقفات اول واحده Maya Beach و بننزل نعمل snorkeling و الثانية phi phi island عشان الغداء و جولة في الجزيرة و الاخيره kaya nok .
#نصيحة_مهمة_جدا : لازم تاخد معاك شوز البحر أو الزعانف عشان هتندم أشد الندم.
و بعدين الباص اخدنا رجعنا الهوستل ريحنا و نزلنا نكتشف باقي المنطقة قابلنا مطاعم عربي كتير بس اسعارهم غاليه اوي .
#أهم_نصيحة : كل فاكهة علي اد ما تقدر عشان لما ترجع هتندم علي كل لحظة مكلتش فيها فاكهة هناك.
بعدين رجعنا الهوستل ظبطنا رحلة اليوم اللي بعده ركوب الفيل + رافتنج ب 800 THB و دي كانت نهاية اليوم .
اليوم الثالث : كالعادة الباص أخدنا 7 الصبح روحنا مكان بعيد عن بوكيت حوالي ساعتين و نص وصلنا شوفنا عرض افيال و عرض قرود و بعدين ركبنا الفيل لمدة نص ساعه و بعدها طلعنا علي كهف كده المفروض فيه قرود بس تقريباً استخبوا مننا #المصري_معروف_بجبروته_و_بقوته بعدين روحنا مزارع الفاكهة بتاخد welcome drink + fruits بعدها اتحركنا للمكان اللي فيه الغداء و ال Rafting اتغدينا و جهزنا للشقلبة كله لبس الجاكيت و الخوذه و نط في المركب من أمتع الحاجات اللي ممكن تعملها في حياتك عملنا رافتنج 5 كم و بعدين الباص اخدنا رجعنا الهوستل مكناش شايفين قدامنا
اليوم الرابع : يوم حزم الامتعه و التوجه إلى المطار لركوب طائرة molindo Airlines للتوجه الي ماليزيا
تابعوا بوست ماليزيا ❤
#NS_Travels ❤
نبدأ بترتيب الأوراق :
#الفيزا : مطلوب منك كشف حساب بنكي لآخر 3 شهور ب 10 آلاف جنيه - صورة شخصية 4 × 6 حديثة خلفية بيضا - حجز طيران و فندق - Hr litter - و الابلكيشن تملاها اونلاين و تطبعها و تروح السفاره في شارع هنداوي في الدقي من 9 ل 11 بياخدوا 100 باسبور فقط في اليوم و بتستلم الفيزا بعدها ب 48 ساعه مفيش رفض لو في حاجة في الورق اللي ع الشباك هيقولك عليها و مش هياخد الورق منك غير لما تظبطها الفيزا دلوقتي ب 700 جنيه.
#تذكرة_الطيران : حجزنا تذاكر الذهاب و العودة من مصر للطيران لانها دايركت و ده كان أفضل بالنسبالنا .
#ملحوظة_أولي : أسعار التذاكر متفاوتة بناءاً علي ميعاد الحجز و عدد ساعات الترانزيت في حاجات أرخص من مصر للطيران زي الطيران العماني و الكويتي و الاتحاد.
#ملحوظة_تانيه : أوعي تغلط غلطتنا و متحجزش الطيران الداخلي قبل ما تمشي عشان هتزعل جامد و تجيب ناس تزعل معاك
#ملحوظة_ثالثة : لو الفيزا بتاعتك مش مالتي و هترجع تاني تايلاند هتدفع 2000 THB في المطار يعني حوالي 57 دولار و ده طبعاً أرخص من المالتي لانها دلوقتي بقت ب 3200 جنيه .
#ملحوظة_رابعة : متغيرش دولار من أي مطار غير حاجة بسيطة تكفي مواصلات بس .
البات هو عمله تايلاند و سعر تغييره مختلف من مكان للتاني أقل سعر للدولار 33 بات و أعلي سعر 34.80 .
------------------------------------------------------------------------------
نبدأ بقي رحلتنا :
مسار الرحلة ( بانكوك / بوكيت / كوالالمبور )
من 1 مارس : 12 مارس
السعر شامل الطيران ذهاب و عودة و الفيزا و الهوستل بالإفطار
10 آلاف جنيه مصري
اتحركنا من القاهره 1 مارس وصلنا بانكوك 2 مارس الظهر طيران 8 ساعات و نص تجربة الطيران الطويل مع مصر للطيران كانت لطيفة الحمد لله.
وصلنا بانكوك و اخدنا van لمكان الهوستل اسمه Charan 41 Hostel لا أنصح بيه
- #أول_نصيحة في تايلاند فاصل و هات ناس تفاصل
#ثاني_نصيحة : متعملش مساج في بانكوك في بوكيت احسن بكتير.
#اول_يوم معملناش حاجة غير أننا استكشفنا المنطقة المحيطة.
بدأت رحلتنا من #ثاني_يوم : روحنا #معبد wat arun سعر التذكره 50 THB بس من رأيي بصراحه لا يستحق الزيارة.
المعبد الثاني اسمه wat pho تذكرته ب 100 THB المعبد جميل جداً و ممتع.
و بالنسبه للأكل العربي في شارع Sukumvit أو الشارع العربي في هناك مطاعم عربي كتير و بكده انتهي اليوم الثاني .
#اليوم_الثالث : روحنا رحلة بحريه بمركب في نهر أنصحكم بلاش تروحوا الأفضل ال Floating market اغلي بس احسن بكتير.
و بعدين روحنا شارع Kao san Road ده شارع مشهور بال night life .
اتحركنا من بانكوك علي #بوكيت حيث البحر و البلبطة مع Lion air تجربه الطيران معاهم الي حد ما كويسه.
-------------------------------------------------------------------------------
وصلنا بوكيت الصبح و اخدنا van لمكان الهوستل اسمه DFEEL رائع ❤ في Patong Beach
و دقايق مشي للبحر و جمبه مسجد و مطاعم أكل حلال
وصلنا الهوستل عملنا check in و ريحنا شوية و بعدين نزلنا قعدنا ع البحر
كنا حاجزين رحلة اليوم التاني الي phi phi island سعرها يبدأ من 1300 THB لحد 2000 THB انت و شطارتك في الفصال بقي
اليوم الثاني : الباص عدي علينا الساعه 7 و طلعنا علي المرسي بتفطر ع المرسي و غداء ع الجزيرة و مشروبات و فاكهة طول الرحله.
الجزيرة وهم و ال speed boat بيعمل 3 وقفات اول واحده Maya Beach و بننزل نعمل snorkeling و الثانية phi phi island عشان الغداء و جولة في الجزيرة و الاخيره kaya nok .
#نصيحة_مهمة_جدا : لازم تاخد معاك شوز البحر أو الزعانف عشان هتندم أشد الندم.
و بعدين الباص اخدنا رجعنا الهوستل ريحنا و نزلنا نكتشف باقي المنطقة قابلنا مطاعم عربي كتير بس اسعارهم غاليه اوي .
#أهم_نصيحة : كل فاكهة علي اد ما تقدر عشان لما ترجع هتندم علي كل لحظة مكلتش فيها فاكهة هناك.
بعدين رجعنا الهوستل ظبطنا رحلة اليوم اللي بعده ركوب الفيل + رافتنج ب 800 THB و دي كانت نهاية اليوم .
اليوم الثالث : كالعادة الباص أخدنا 7 الصبح روحنا مكان بعيد عن بوكيت حوالي ساعتين و نص وصلنا شوفنا عرض افيال و عرض قرود و بعدين ركبنا الفيل لمدة نص ساعه و بعدها طلعنا علي كهف كده المفروض فيه قرود بس تقريباً استخبوا مننا #المصري_معروف_بجبروته_و_بقوته بعدين روحنا مزارع الفاكهة بتاخد welcome drink + fruits بعدها اتحركنا للمكان اللي فيه الغداء و ال Rafting اتغدينا و جهزنا للشقلبة كله لبس الجاكيت و الخوذه و نط في المركب من أمتع الحاجات اللي ممكن تعملها في حياتك عملنا رافتنج 5 كم و بعدين الباص اخدنا رجعنا الهوستل مكناش شايفين قدامنا
اليوم الرابع : يوم حزم الامتعه و التوجه إلى المطار لركوب طائرة molindo Airlines للتوجه الي ماليزيا
تابعوا بوست ماليزيا ❤
#NS_Travels ❤