سلام عليكم سؤال أنا تخصصي أدب أنجليزي قدمت ع ماستر في علوم الحاسب أحد عنده...

[Samira Al-Mutairi]

سلام عليكم

سؤال أنا تخصصي أدب أنجليزي قدمت ع ماستر في علوم الحاسب

أحد عنده خلفيه عن هذا التخصص؟؟؟؟ يقولوا كله رياضيات وانا ماحب الرياضيات

ايش تنصحوني؟؟

 

[Abdulelah Moh]

هالتخصص يقوم بحل المشكلات ووضع حلول لها عن طريق الخوارزميات والتحليل الرياضي ويشمل هالتخصص فروع منها .. لغات البرمجه ..قواعد البيانات.. الذكاء الاصطناعي .. انظمه التشغيل .. الشبكات .. وجرافيكس والخوارزميات ... وبعدين كل جامعه تدرس هالتخصص في فروع معينه اذا اخترتي جامعه ابحثي عن فروع هالتخصص واقرائي الشرح المفصل لكل فرع لهذا التخصص واستخيري

 

[Samira Al-Mutairi]

الاخت قولي احس التسويق أصعب ع الادبي من علوم الحاسب وبصراحه ان نفسي أحول لللادب الانجليزي بس ماني عارفه كيف أحول بعد مأوصل.. عندك خلفيه؟؟؟

 

[Mrmr AL-zahrani]

أنا بكالوريس علوم حاسب
هذا التخصص لازم يكون معدلك في الرياضيات والمسائل عااااااالي جداً
كله برمجة
لكن إذا كنتي تحبي هذا التخصص حتمشي فيه بإذن الله
أهم شيء الإرادة وتحديد الهدف للوصول إليه
وفقك الله

 

[Samira Al-Mutairi]

أخ ععبدالله ياخي خوفتني ماعاد ابي علوم حاسب انا ع بالي انه كله أشياء عمليه يعني في الكمبيوتر ماكنت أعرف ان فيه حسابات وتحليل رياضي ومدري ايش يبغالي كورسات وامتدادات تكميليه عشان أصير مؤهله لهذا التخصص الله يعين

 

[Abdulelah Moh]

طريقه التحويل تكون اثناء دراستك لسنة اللغة تقدمين على التخصص المرغوب وتستلمي قبول من الجامعه ثم تقدمينه للملحقيه وتبدين اسباب تغير التخصص من تسويق الى التخصص المراد ... ثم يتم النظر ممكن يوافقون وممكن لا ..

 

[Samira Al-Mutairi]

أخ مرمر انا أدب انجليزي ومره مالي في الرياضيات أبدا أبدا وخاصة اي شي فيه حسابات ...ابغى اسألك ايش دخل البرمجه في الحسابات والمسائل الرياضيه؟ ترى من جد أبي أعرف!!! وأنا أحب الحاسب بس مأحب الرياضيات... مشكله صراحه

 

[Mrmr AL-zahrani]

أولا أنا بنت

 

[Mrmr AL-zahrani]

ههه

 

[Abdulelah Moh]

اختي سميرة ... انا ماقصدت اخوفك بس حبيت اعطيك نبذه عن هالتخصص والفروع الي تحته .. وكل فرع ينحدر تحت هذا التخصص يركز على شيء معين مثل تصميم صفحات الانترنت .. تصميم الالعاب .. وطرق التعامل مع الاجهزة الذكية وكيفيه برمجتها .. وهالبرمجه ماتتم الا بمسائل رياضيه وليس معادلات رياضيه معقده وصعبه

 

[Mrmr AL-zahrani]

طيب يالغلا البرمجة تحتاج ذكاء وعقل مركز ومفتح وسرعة في حل المسائل
البرمجة موضوع صعب يعني يا أختي أنا خلصت البكالوريس ولحد الآن أشياء كثير ما أعرف أبرمجها عشان كدا بإذن الله حأكمل ماستر في علوم الحاسب
وزي ماذكر أخوي عبد الله مجالات علوم الحاسب كثير وإذا تبغينا أشرح لك هيه ماعندي مانع وصدقيني الحاااااسب ممتع بس متعب

 

[Samira Al-Mutairi]

شكرا أخ عبدالله وان شاءالله أحول أدب أنجليزي لان من جد مره مالي في الحسابات واحب الاشعار والرويات وهذه الاشياء ... دائما أبدع فيها

 

[Abdulelah Moh]

صلوا على النبي يابنات دام مافرقتوا بين عبدالله وعبدالاله فـ انصحكم بالجلوس بجامعاتنا السعودية خخخخخخخ اتغشمر .. العفو سميرة موفقه خيتو

 

[Samira Al-Mutairi]

أيوا أخوي عبدالله عارفه انوا ماقصدك تخوفني بس من جد أشكرك انا أبغى شخص يعلمني عن هذا التخصص لان من جد ماعندي خلفيه عنه أبدا بسألك الحين المسائل الرياضيه سهله يعني الشخص العادي اللي مو مره في الرياضيات يقدر يمشي فيها ولا لا؟

 

[Mrmr AL-zahrani]

سوري أخوي عبد الإله ^_^

 

[Samira Al-Mutairi]

أختي مرمر يعني اذا المسأله فيها ذكاء فخليني أنسحب منها أحسن خخخخخ قوليلي الله يخليك بشكل عام الانسان اللي تخصصه أدبي يقدر يمشي فيه ولا لازم شخص شطور في الحسابات وهذه الاشياء؟؟

 

[Samira Al-Mutairi]

يووو معليش ياعبدالاله والله تعبانه وماركزت كويس في الاسم عادي ياخي مشيها هذه المره خخخخخ

 

[Mrmr AL-zahrani]

والله ماادري ايش اقلك ياقلبي فيه ناس تمشي وناس لا وهدا في كل شيء مو بس الحاسب "

 

[Samira Al-Mutairi]

أها ...ترى انا من النوع اللي يجتهد الحمدالله يعني ان شاءالله اذا دخلت هذا التخصص عن أراده وعزيمه راح أمشي فيه بأذن الله .... دعواتك يالغلا

 

[Mrmr AL-zahrani]

أكيد ياقلبي أهم شيء الإنسان يحط هدف واحد بس في طريقه ويركز جهده عليه وحتمشي أموره بكل سهوله وصفي نيتك لله ثم طلب العلم