ش
شيماء علي مراد
:: مسافر ::
أسبانيا
و ما أجملها 2
اول حاجة هتكلم عنها في تفاصيل الرحلة هي التكاليف
و دي غالبا اهم حاجة بيفكر فيها اي حد بيرتب لسفر
مبدئيا تكاليف السفر بتتفاوت بشكل كبير من شخص للتاني
حسب امكانيات كل واحد و حسب اهتماماته و اولوياته في السفر
كل واحد يقدر يتحكم في تكلفة الرحلة بأكتر من طريقة هوضحها باذن الله
لكن دايما هيكون في حد ادنى من التكلفة لكل بلد مش هتقدر تسافرلها من غيره (و بيتمثل فيه تكلفة التأشيرة - أدنى سعر تذكرة-أقل سعر اقامة- تذاكر المزارات الاساسية للبلد)
أنا بالنسبالي الرحلة اتكلفت 29500 لفردين 8 ايام 7 ليالي برشلونة-أشبيلية-غرناطة-قرطبة
(بعتذر لأني كنت قلت في البوست اللي فات انها 25 الف بس مكنتش حسبت كل التفاصيل )
التكلفة دي شاملة كل حاجة (ماعدا الشوبينج طبعا)
فيزا باوراقها
طيران دولي
طيران داخلي
تنقلات داخلية بين المدن
مواصلات
تذاكر المزارات
الاقامة
الأكل و الشرب و السناكس
و السعر ده كان على سعر يورو = 16.6 جنيه
لو هنصنف الرحلات السياحية حسب المستوى المادي لluxurious
و economic و low cost
فأنا رحلتي هتعتبر economic
نتكلم عن التكلفة بالتفصيل و لو حد عايز رحلة low cost يحققها ازاي:
1- الفيزا
و دي من الحاجات اللي مش هينفع فيها توفير
تكلفة الفيزا نفسها 1515 جنيه للفرد
و الاوراق اللي بنقدمها حوالي 150-200 جنيه للفرد (شهادة تأمين - شهادة تحركات بترجمتها....)
يعني اجمالا حولي 1600-1700 للفرد
2- الطيران الدولي
سعر التكرة على مصر للطيران طيرا ن مباشر بدون ترانزيت كان ب 4400 جنيه
و ده من أقل الاسعار الي ممكن تلاقيها
بشرط تحجز قبلها بمدة كافية (جزت قبل معاد السفر بحوالي 5 اسابيع)
بعد ما حجزت باسبوعين لاقيت نفس الرحلة وصل سعر التذكرة ل 6500
ممكن توصل لسعر اقل لو طيران شارتر مثلا او لو في طيران ناس
3- الاقامة
كلفتني 5850 لل 7 ليالي (4 في برشلونة و 1 غرناطة و 2 اشبيلية)
يعني متوسط 50 يورو في الليلة لفردين
و دي تعتبر تكلفة قليلة طبعا
كل اقامتي كانت في هوستلز لكن كلها كانت Double room with private bathroom
يعني زيها زي اي اوتيل
الهوستلز كلها كانت نضيفة جداااا
و موقعها كلها كان اكتر من رائع مكنتش اتمنى افضل من كدة
طبعا تاني لازم أشكر نورا طعيمة Noura Taema و اشكر الجروب على تذكية نورا
ساعدتني جدا في اختيار الاوتيلات و حجزتلي بسعر اقل من بوكينج
دفعت بالمصري و بعتتلي مندوب لحد عندي حصل مني الفلوس على مرتين و مرة تالتة رجعلي باقي فلوس لما غيرت حجز و كان الحجز الجديد بسعر اقل
معاملة ممتازة و موثوق فيها و ارشحها لاي حد عايز يحجز فنادق
الاقامة من الحاجات اللي ممكن تفرق جدا في تكلفة اي رحلة
و دي ترجع تمام لكل شخص و اولوياته
في حد ميقدرش يتنازل عن فنادق 5 ستارز و في حد معندوش مانع ينام على مرتبة بس يسافر
و دي اولويات
انا بالنسبالي كان اولوياتي غرفة خاصة بحمام خاص و نضافة المكان و موقع المكان و قربه للمواصلات و المزارات
لكن لو شباب او مجموعة بنات ممكن يحجزوا هوستل بغرف مشتركة هتكون التكلفة اقل من كدة شوية و في نفس الموقع و نفس مستوى النضافة
و طبعا كل ما كان الحجز بدري كل ما قدرنا نلاقي سعر احسن
4- الطيران الداخلي
كان من برشلونة لاشبيلية اتكلف 3200 للفردين
و دي تكلفة عالية لاني اتأخرت في الحجز
لانه nonrefundable فكنت مستنية استلم الفيزا
لو كان بدري شوية كان هيكون ارخص من كدة حوالي 1000 جنيه
(كل ما رتبنا للرحلة بدري و خدنا التاشيرة بدري كل ما قدرنا نلاقي اسعار ارخص لكل حاجة)
البديل للطيران كان القطر بس كان حوالي 10-12 ساعة و مفيش رحلات overnight
يعني هيضيع يوم و انا وقتي ضيق
5- التنقلات بين مدن الاندلس
حوالي 1610 جنيه (للفردين)
منهم رحلة كان المفروض تكون ب 28 يورو الفردين لكن وقتها لاقيتها ب 48 يورو و معرفش ليه
6- المواصلات
حوالي 2000 جنيه
في الاندلس اغلب تحركتنا كانت مشي ركبنا بسييط جدا فكنت بقطع تيكت فردية
برشلونة بقى افضل و اوفر حاجة هو ال Hola Card
ده تيكت تشمل كل مواصلات برشلونة (اتوبيسات مترو ترام ) unlimited بس بعدد الايام و بيكون ضمنها تذكرة للمطار
في منها يوم واحد لحد 5 ايام
7- الفسح و المزارات
2400 جنيه
و دي برده تتحكم فيها حسب اولوياتك و اهتماماتك يعني انا مثلا مكنش من اهتماماتي دخول كاسا ميلا و كاسا باتلو و لا السجرادا فاميليا اكتفيت اني اشوفهم من برة و وفرت تمن تذاكرهم
ممكن حد تاني يكون مهتم انه يدخلهم و مش مهتم بالحاجات اللي انا دخلتها
و برضه من ضمن الحاجات اللي تاخد بالك منها في التيكتس ان لما يكون في حاجة ليها تذكرة single و تذكرة return شوف الاول انت محتاجها ايه
يعني مثلا التليفريك سعر التذكرة السنجل 8 يورو و تذكرة بالعودة 12 يورو
انا سالت الموظفة لو قطعت سنجل تيكت هرجع ازاي قالتلي بالباصات العامة ( اللي انا معايا تذكرتها اصلا)
فاكتفيت بتذكرة سينجل ركبت بيها التليفريك و شوفت بيها البلد من فوق مكنتش محتاجة انزل بالتلفريك تاني
حاجات تانية العودة ممكن تكون مشيا على الاقدام و دي مقدرش عليها لان المسافات جبااارة
فهنا لازم تقطع return لان لو قطعت سنجل هتتدبس و وانت راجع هتقطع سنجل تاني فالتكلفة تكون اعلى
8- الأكل و الشرب
كلفني 2400 جنيه
شامل كل حاجة حتى البيبسي
بس الحقيقة انا كنت واخدة معايا حاجات كتيير بسكوتات و كام علبة عصير و علبتين تونة و علة جبنة
و مهم انك تاخد معاك حاجات لان الاكل الحلال مش متوفر بسهولة خااالص
و طبعا توفيرا للنفقات بسبب فرق العملة
البيبسي ممكن تلاقيها في كارفور ب 5. يورو و تلاقيها في مطعم ب 2.5 يورو
الحاجات البسيطة دي بتفرق في الاخر كتير
كدة تكلفة الرحلة بالتفاصيل المملة
لو حد حابب يطلع برشلونة بس
يخصم تكلفة الطيران الداخلي و التنقلات بين مدن الاندلس
التكلفة هتقل حوالي 5 الاف (للفردين)
اعتقد رحلة لاسبانيا الحد الادنى ليها ميقلش عن 10-12 الف للفرد
و تحت امركم في اي استفسار
#رحلتي_الى_أسبانيا
#برشلونة
#الأندلس
#يارب_مليون_جنيه_لكل_واحد_في_الجروب
و ما أجملها 2
اول حاجة هتكلم عنها في تفاصيل الرحلة هي التكاليف
و دي غالبا اهم حاجة بيفكر فيها اي حد بيرتب لسفر
مبدئيا تكاليف السفر بتتفاوت بشكل كبير من شخص للتاني
حسب امكانيات كل واحد و حسب اهتماماته و اولوياته في السفر
كل واحد يقدر يتحكم في تكلفة الرحلة بأكتر من طريقة هوضحها باذن الله
لكن دايما هيكون في حد ادنى من التكلفة لكل بلد مش هتقدر تسافرلها من غيره (و بيتمثل فيه تكلفة التأشيرة - أدنى سعر تذكرة-أقل سعر اقامة- تذاكر المزارات الاساسية للبلد)
أنا بالنسبالي الرحلة اتكلفت 29500 لفردين 8 ايام 7 ليالي برشلونة-أشبيلية-غرناطة-قرطبة
(بعتذر لأني كنت قلت في البوست اللي فات انها 25 الف بس مكنتش حسبت كل التفاصيل )
التكلفة دي شاملة كل حاجة (ماعدا الشوبينج طبعا)
فيزا باوراقها
طيران دولي
طيران داخلي
تنقلات داخلية بين المدن
مواصلات
تذاكر المزارات
الاقامة
الأكل و الشرب و السناكس
و السعر ده كان على سعر يورو = 16.6 جنيه
لو هنصنف الرحلات السياحية حسب المستوى المادي لluxurious
و economic و low cost
فأنا رحلتي هتعتبر economic
نتكلم عن التكلفة بالتفصيل و لو حد عايز رحلة low cost يحققها ازاي:
1- الفيزا
و دي من الحاجات اللي مش هينفع فيها توفير
تكلفة الفيزا نفسها 1515 جنيه للفرد
و الاوراق اللي بنقدمها حوالي 150-200 جنيه للفرد (شهادة تأمين - شهادة تحركات بترجمتها....)
يعني اجمالا حولي 1600-1700 للفرد
2- الطيران الدولي
سعر التكرة على مصر للطيران طيرا ن مباشر بدون ترانزيت كان ب 4400 جنيه
و ده من أقل الاسعار الي ممكن تلاقيها
بشرط تحجز قبلها بمدة كافية (جزت قبل معاد السفر بحوالي 5 اسابيع)
بعد ما حجزت باسبوعين لاقيت نفس الرحلة وصل سعر التذكرة ل 6500
ممكن توصل لسعر اقل لو طيران شارتر مثلا او لو في طيران ناس
3- الاقامة
كلفتني 5850 لل 7 ليالي (4 في برشلونة و 1 غرناطة و 2 اشبيلية)
يعني متوسط 50 يورو في الليلة لفردين
و دي تعتبر تكلفة قليلة طبعا
كل اقامتي كانت في هوستلز لكن كلها كانت Double room with private bathroom
يعني زيها زي اي اوتيل
الهوستلز كلها كانت نضيفة جداااا
و موقعها كلها كان اكتر من رائع مكنتش اتمنى افضل من كدة
طبعا تاني لازم أشكر نورا طعيمة Noura Taema و اشكر الجروب على تذكية نورا
ساعدتني جدا في اختيار الاوتيلات و حجزتلي بسعر اقل من بوكينج
دفعت بالمصري و بعتتلي مندوب لحد عندي حصل مني الفلوس على مرتين و مرة تالتة رجعلي باقي فلوس لما غيرت حجز و كان الحجز الجديد بسعر اقل
معاملة ممتازة و موثوق فيها و ارشحها لاي حد عايز يحجز فنادق
الاقامة من الحاجات اللي ممكن تفرق جدا في تكلفة اي رحلة
و دي ترجع تمام لكل شخص و اولوياته
في حد ميقدرش يتنازل عن فنادق 5 ستارز و في حد معندوش مانع ينام على مرتبة بس يسافر
و دي اولويات
انا بالنسبالي كان اولوياتي غرفة خاصة بحمام خاص و نضافة المكان و موقع المكان و قربه للمواصلات و المزارات
لكن لو شباب او مجموعة بنات ممكن يحجزوا هوستل بغرف مشتركة هتكون التكلفة اقل من كدة شوية و في نفس الموقع و نفس مستوى النضافة
و طبعا كل ما كان الحجز بدري كل ما قدرنا نلاقي سعر احسن
4- الطيران الداخلي
كان من برشلونة لاشبيلية اتكلف 3200 للفردين
و دي تكلفة عالية لاني اتأخرت في الحجز
لانه nonrefundable فكنت مستنية استلم الفيزا
لو كان بدري شوية كان هيكون ارخص من كدة حوالي 1000 جنيه
(كل ما رتبنا للرحلة بدري و خدنا التاشيرة بدري كل ما قدرنا نلاقي اسعار ارخص لكل حاجة)
البديل للطيران كان القطر بس كان حوالي 10-12 ساعة و مفيش رحلات overnight
يعني هيضيع يوم و انا وقتي ضيق
5- التنقلات بين مدن الاندلس
حوالي 1610 جنيه (للفردين)
منهم رحلة كان المفروض تكون ب 28 يورو الفردين لكن وقتها لاقيتها ب 48 يورو و معرفش ليه
6- المواصلات
حوالي 2000 جنيه
في الاندلس اغلب تحركتنا كانت مشي ركبنا بسييط جدا فكنت بقطع تيكت فردية
برشلونة بقى افضل و اوفر حاجة هو ال Hola Card
ده تيكت تشمل كل مواصلات برشلونة (اتوبيسات مترو ترام ) unlimited بس بعدد الايام و بيكون ضمنها تذكرة للمطار
في منها يوم واحد لحد 5 ايام
7- الفسح و المزارات
2400 جنيه
و دي برده تتحكم فيها حسب اولوياتك و اهتماماتك يعني انا مثلا مكنش من اهتماماتي دخول كاسا ميلا و كاسا باتلو و لا السجرادا فاميليا اكتفيت اني اشوفهم من برة و وفرت تمن تذاكرهم
ممكن حد تاني يكون مهتم انه يدخلهم و مش مهتم بالحاجات اللي انا دخلتها
و برضه من ضمن الحاجات اللي تاخد بالك منها في التيكتس ان لما يكون في حاجة ليها تذكرة single و تذكرة return شوف الاول انت محتاجها ايه
يعني مثلا التليفريك سعر التذكرة السنجل 8 يورو و تذكرة بالعودة 12 يورو
انا سالت الموظفة لو قطعت سنجل تيكت هرجع ازاي قالتلي بالباصات العامة ( اللي انا معايا تذكرتها اصلا)
فاكتفيت بتذكرة سينجل ركبت بيها التليفريك و شوفت بيها البلد من فوق مكنتش محتاجة انزل بالتلفريك تاني
حاجات تانية العودة ممكن تكون مشيا على الاقدام و دي مقدرش عليها لان المسافات جبااارة
فهنا لازم تقطع return لان لو قطعت سنجل هتتدبس و وانت راجع هتقطع سنجل تاني فالتكلفة تكون اعلى
8- الأكل و الشرب
كلفني 2400 جنيه
شامل كل حاجة حتى البيبسي
بس الحقيقة انا كنت واخدة معايا حاجات كتيير بسكوتات و كام علبة عصير و علبتين تونة و علة جبنة
و مهم انك تاخد معاك حاجات لان الاكل الحلال مش متوفر بسهولة خااالص
و طبعا توفيرا للنفقات بسبب فرق العملة
البيبسي ممكن تلاقيها في كارفور ب 5. يورو و تلاقيها في مطعم ب 2.5 يورو
الحاجات البسيطة دي بتفرق في الاخر كتير
كدة تكلفة الرحلة بالتفاصيل المملة
لو حد حابب يطلع برشلونة بس
يخصم تكلفة الطيران الداخلي و التنقلات بين مدن الاندلس
التكلفة هتقل حوالي 5 الاف (للفردين)
اعتقد رحلة لاسبانيا الحد الادنى ليها ميقلش عن 10-12 الف للفرد
و تحت امركم في اي استفسار
#رحلتي_الى_أسبانيا
#برشلونة
#الأندلس
#يارب_مليون_جنيه_لكل_واحد_في_الجروب