السلام عليكم شباب وبنات ابي حل ياجماعة انا في الغربة هنا بأمريكا والصلاة...

[Mohammed Al-harbi]

السلام عليكم شباب وبنات
ابي حل ياجماعة انا في الغربة هنا بأمريكا والصلاة مقصر بحقها والله )؛
اصليها بغير وقتها وبعض الأوقات اصلي الصلوات مع بعض قبل لا انام الله لا يغضب علينا
ياجماعه نصايحكم وتجاربكم انتم هنا كيف تنضمون الصلوات بالغربة جزاكم الله خيررر.

# تذكير ...
قال رسول الله صلى الله عليه وسلم (إن بين الرجل وبين الشرك والكفر ترك الصلاة) رواه مسلم .

 

[Albeshi Jebryl]

عندك ايفون.. في برنامج اسمه athan basic يفيدك

 

[Fofeta Al]

يب الايفون ما قصر الله يهديك الصلاااااااه ثم الدراسه حط هذا الشي في بالك وأدعي ربنا لما تجي تنام انك تصحي لصلاه الفجر وصدقني بتصحي والله يهدي الجميع

 

[Abdulateef Zakzaki]

في برنامج اسمو اذان نزلو على اللاب هذا يتحدث اتوماتيك كل يوم وياذن اذان كامل نزلو وان شاء الله تستفيد

 

[Mohammed Al-harbi]

يعطيكم العافية والله يوفقكم ان شاء الله ابشتري ايفون قريب لان معي البلاك. وان شاء الله احمل برامج تساعدني على الصلاة

 

[Abdulrahman Thamer]

وفيه يالغالي موقع اسمه .. Islamic Finder موقع ممتاز يعلمك اوقات الصلاة واتجاه القبله .. تقدر تشيك عليه اسبوعيا ... اضافة ع البرامج ... وخلي معاك سجادة صغيره عشان اذا دخل وقت الصلاة تصلي ... والحمدلله ماقد صارت معي مشاكل ... كنت اصلي في المعهد والجامعه .~ واموري الحمدلله تمام

 

[Obaid Alotaibi]

أسأل الله لك الهداية وبداية الرجوع هو طلب المشورة والنصيحة ،، لا تقلق ضع الله نصب عينيك ولن يخيب أملك فيه وعليك بالرفقة الصالحة التي تذكرك وتعينك على الصلاة

 

[Princess Lamis]

فيه كتير برامج في الـ App World في البلاك بيري لاوقات الصلوات والاذان على حسب توقيت الدولة المقيم فيها ...
الله يقويـكـ ...

 

[Amal Degnah]

والله يااخ محمد زي ماقالوا,, حمل البرامج اللي فيها اوقات الصلاة وخلي معاك سجادة صغيرة,,, وصلي في اي مكان عادي محد حيقلك شي بالعكس هنا يحترموا كل شخص وديانته.... الله يهدينا ويوفقنا جميعا يارب

 

[Hamad Fawzi]

هذا الموقع يساعد في معرفه مواعيد الصلاه : /IslamicFinder: Accurate Prayer Times, Athan (Azan), Mosques (Masjids), Islamic Center, Muslim Owned Businesses, Hijri Calendar, Islamic Directory worldwide. .. واطلب من الله العون وان شاء الله راح تقدر تصلي صلاوات الخمس في وقتها

 

[Jawharah Tabbakh]

ابغى برنامج في الجالكسي كويس يذكر بأوقات الصلاة
انا في كندا ونزلت برنامج صلاتي..
بس للاسف هالبرنامج شغال على توقيت السعودية

 

[Jehane Flower]

الله يجزاك خير على هذا سؤال..انا أعاني من صلاة الظهر هنا وقتها وقت محاضرتي بس الأستاذة تعطينا 10 دقائق بريك قريب الساعة 2 هل اقدر اصلي في مكان مكشوف بس أخاف من نظراتهم لي..هل الصلاة في مكان مكشوف بالجامعة شيء عادي لأنة يوجد مصلي صغير بس بعيد عن مكان محاضراتي..

 

[Tagh Alra]

الصلاة لربك مو من للناس.... خايف من نظراتهم.... هذي مشكلتنا نخاف من الناس ومانخاف من خالق الناس.... ياحبيبي اذا ماعندك اي فون شووف مواقيت الصلاة في مدينتك يعني بالمسجد اللي تصلي فيه .. واكيد بتحصلهم حاطين ورقه مواعيد الصلاه صورها بجوالك وخلها معاك ووقت المنبه ع الصلاوات كلها .... والله يثبتنا ع طريق الهدايه... وبخصوص الصلاة اللي وقت المحاضره تقدر تصليها قبل المحاضره ع كلام المشايخ ....

 

[Hana Kim]

تاكد من الفتاوى للصلاة ابحث في النت بارك الله فيك ...في موقع اسمه اسلام ويب حلو