السلام عليكم و رحمة الله موعد دراستي 1 ابريل وفيزتي طلعت بس فيزة مرافقي لسى...

[Afra Afra]

السلام عليكم و رحمة الله
موعد دراستي 1 ابريل
وفيزتي طلعت بس فيزة مرافقي لسى ماجات
ارسلت للسفارة اكثر من رسالة ، ارسلوا لي رابط اكتب فيه رقم DS 160
مكتوب تحت الاجراء الاداري الفيزا
ايش الحل مع السفارة ؟!

 

[Ali Alshammari]

ارسليلهم رسالة وضحي فيها موعد الدراسة تبعك , وكذا, واذا مافاد مالك إلا تستني.

 

[Amar Abudawood]

الله يعينك والله .. اصعب شي انتضار الفيزا .. انا عن نفسي جلست شهر بالظبط عندهم .. بس الحمدلله ..

 

[Afra Afra]

ارسلت لهم اكثر من رسالة ما فيه فايدة ، له اكثر من شهر من 30 يناير لين دحين و انا إستنى .

 

[Ali Alshammari]

مالك الا تستني اجل ..

 

[Afra Afra]

ان شاء الله خير

 

[Amar Abudawood]

كم ليكي مقدمة عالفيزا ..؟

 

[Amar Abudawood]

ترا يمكن 70% من الناس تاخد معاهم شهر بالكتير بس في حالات تجلس ل اربع شهور ..

 

[Amar Abudawood]

بس انشالله سهاله والله يعينك لو اتاخرت ارسلي للمعهد انو فيزتك اتاخرت ممكن يعملولك هولد للدراسة حقتك ويمددولك تاريخ بداية دراستك .. بس لازم تديهم خبر قبل الموعد ..

 

[Afra Afra]

طيب ممكن تساعدني ما اعرف ، هيا فيزا اخويا المرافق مو فيزتي

 

[Amar Abudawood]

اساعدك في ايش ؟؟ بس عموما هما دايمن يدققو في فيز الرجال .. لانه انا المبتعث وزوجتي المرافق .. فيزة زوجتي طلعت تاني يوم وانا المبتعث بعد شهر بالظبط .. انتي في اي سفارة قدمتي وكم ليكي مقدمة ..؟

 

[Amar Abudawood]

وحاجة تانيه تقريبا شيكي كل يوم عالرابط الي اعطوكي هوا .. ح تلاقي في تاريخ مكتوب في اخر تحديث للحاله .. ادا اتغير معاكي عن تاريخ التقديم اعرفي انو اليوم الي بعده تقريبا يطلعوها ..

 

[Amar Abudawood]

في حل ممكن يصير انك تسافري لحالك .. بس لازم ولي الامر يكتبلك الورقة في المطار .. وعاد الله يعينك عالغربة لحالك .. انتي في اي مدينة ..؟

 

[Afra Afra]

كيف اراسل المعهد ، في جدة في 30 يناير

 

[Afra Afra]

اسافر لوحدي ، بس مو شرط مرافق من الوزارة عشان قرار الابتعاث!!؟

 

[Amar Abudawood]

اوف يعني شهرين تقريبا .. والله ما اقدر اساعدك غير في انه ترسلي ايميل للمعهد الي اعطاكي القبول .. وتقوليلهم انه اتاخرت فيزة المرافق وتشرحيلهم الموضوع .. وهما راح يعطوكي موعد لدراستك جديد بعد الموعد المحدد تقريبا باسبوعين و لو اتاخر عن كدا راح يحطوكي في الترم الي بعده او الكوارتر الي بعده .. ولازم يرسلولك اي 20 جديد بموعد الدراسة الجديد لو حطوكي في الكوارتر الي بعده ..

 

[Amar Abudawood]

ممم .. والله ما اعرف اسالي الوزارة ارسلي ايميل .. ما اقدر افتيلك ادا يرضو ولا لا ..

 

[Amar Abudawood]

بس انا اختي مبتعثة وبتروح وترجع لحالها .. بس يمكن دا بعد ما استلمت القرار ما اعرف .. بس زوجها يكتبلها ورقة بالسماح بالسفر وكدا .. عجلي في موضوعك واستفسري لا تستني احد .. سوي الي يمديكي عليه .. والباقي دعاء وانشالله تتيسر

 

[Afra Afra]

ما قصرت يعطيك العافيه اخوي

 

[Ali Alshammari]

يمكنك تأجيل الدراسة للفصل القادم , عندها سيصدر لك المعهد آيتوني جديد,