السلام عليكم ورحمة الله وبركاته : س-1 هل خريج الصيفي يقدر يقدم في المرحلة...

[Mohammed Al Garni]

السلام عليكم ورحمة الله وبركاته :
س-1 هل خريج الصيفي يقدر يقدم في المرحلة التاسعة
س-2 تخصصي محاسبة ومعدلي فوق 3.30 واقل من 3,40 من 4 هل بحصل جامعة تقبل معدلي للماستر بدون جيمات
** نصايحكم اكمل في قسمي في جامعتي ام القرى وبعدين اطلع اذا ربي احيانا لمرحلة الدكتوراه او اطلع بعثة , انا متخوف من الجيمات وخوفي ما احصل قبول وتروح البعثة + اكمال الدراسة في القسم في جامعتي لو جلست
نصايحكم ومشكورين مقدما

 

[Helal Alanazi]

هذا جواب سؤالك الأول
عزيزي محمد
انا اذكر يوم كنا سنة امتياز كنا نتخرج قبل التقديم عالبعثه بشهر
والدفعه اللي كانت بعدي يتخرجون بعد التقديم بستة اشهر وش الحل ؟
قدموا عالبعثه وجابوا سجل اكاديمي انهم خريجين بس باقي الامتياز ف قبلوهم وطابقوا وبعد ماتخرجوا سافروا يكملون التخصص.
موفق خير عزيزي.

 

[Sara Bahot]

بالنسبه لأول سؤال انا ماصارلي زي ماصار لهلال العنزي .. لأنه لمن قدمت انا علي ايامي ماكانت عندي شهاده الامتياز مع اني كان عندي شهاده التخرج والسجل لكن ماقبلوني .. بس اعتقد بالنسبه لك اوك لانه انتو بس السجل والشهاده مبدئيه . انا ماعرف عن تخصصك بس شفت كتير طلبه في النت يكتبو انه في جامعات من غير جيمات بس الدكتوراه مااعرف .. انا انصحك تسأل شاكر علي له حساب في تويتر وتابع صفحته تلاقي المطلوب وكمان له صفحه فيس بوك .. استخير ودعواتك

 

[Roro Shery]

وعليكم السلام

 

[Roro Shery]

ما اظن اذا كنت خريج صيفي او غيرو بتفرق المهم انك تكون متخرج ومعاك وثيقتك وكشف الدرجات .. وبالنسبة للجيمات على حسب الجامعة في جامعات بدون جيمات او جي آر إي وفي جامعات العكسز ودا يعتمد على مستوى الجامعة والتخصص الدقيق اللي انت ناوي تقدم في لأن احيانا يكون من طلبات الجامعة بشكل عام لكن القسم و التخصص ما يطلب الدرجة دي بشكل اساسي. ومن ناحية تانية في جامعات بدها الدرجة بس شكليات مو لازم تكون الدرجة عالية بس تكملة متطلبات واجراءات للقبول وفي جامعات العكس تهتم للدرجة تكون عالية. و لتحديد الجامعة وطلباتها وطلبات القسم بدها بحث شوية. و ممكن تلاقي في مو قع "سعوديون في امريكا " قائمة بالجامعات من غير جيمات و جي ار اي ممكن تساعدك كبداية في البحث. بس اتوقع كخريج محاسبة تقدر تجيب درجة في الجيمات ان شاء الله اذا اخدت لك دورة في او درست دراسة بشكل شخصي بس المصطلحات تحتاج فيها مساعدة شوية لكن مو شي مستحيل وفي ناس مشي حالها الحمد لله. والله الموفق وكل شي يكون بالاستخارة وان شاء الله تقدر تحدد فين ترغب تكمل وايش افضل سواء في السعودية او امريكا

 

[Mohammed Al Garni]

مشكورين والله يوفقكم ويجزاكم خير