السلام عليكم ابغى استفسر من الي عندو خبرة لو سمحتوا. دحين انا مسافره عن طريق...

[Duaa O Felfilan]

السلام عليكم ابغى استفسر من الي عندو خبرة لو سمحتوا. دحين انا مسافره عن طريق الخطوط الاماراتيه و مسموح ليا بشنطتين كل وحدة ٢٣ كيلو. سؤالي لو عندي وزن زياده ايش حيصير؟ تفضلوا اشيل شنطه فاضيه احتياط و يشرجوني على شنطة زياده او يشرجوني على زيادة وزن شنطي؟ و جزاكم الله خير

 

[Alya Al]

ممكن يعدوها لك إذا كان زايد كيلو أو ٣ .. ع حسب الموظف
والأفضل انك تدفعين للوزن الزائد من انك تدفعي لشنطة فاضية

 

[Khalid Bin Mubarak]

وعليكم السلام
الخطوط الإماراتية من خبرة سابقة ما عندهم نظام تدفع حق الوزن الزايد.. يا الوزن مضبوط ولو زاد كم كيلو "الموظف يمكن يتغاضى عنها"، او يقول شيلوا الوزن الزائد في شنطة اضافية وادفعي مبلغ وقدره (توصل ٥٠٠ الى ٦٥٠ ريال)..
الأفضل بلا وجع راس انك تجهزي الشنط بدري قبل السفر بيومين مثلا، وتروح عند أي مكتب خطوط محلي (عندهم خدمة الشحن) او مكتب فيدكس .. الخ. اوزن الشنط هناك وريحوا راسكم.
وإذا لازم الوزن الزائد واضطريتوا تاخذون شنطة اضافية تقدرون تدفعون حق الشنطة الإضافية عن طريقة الاونلاين مع خصم حوالي ٣٠٪ اذا ما خاب ظني.

وتوصلون باذن الله بالسلامة

 

[Awadh Alanazi]

طيب أخي الكريم هل شنطتين فقط مع حقيبة اليد أو لا يعني ٤٦ كيلو مع شنطة اليد ؟ للشخص الواحد