مساء الخير
كنت عايز اسأل لو حد سافر جنوب افريقيا علي المدن الجميله و الأمان غير كيب تاون
Sun city , Durban , Johannesburg or other city ?
مع الاعتبار اني هسافر في مايو ( الخريف )
شكراً
العاصمة جوهانسبرج حلوة اوى كطبيعة وهدوء بلد نضيفة جدا ومتطورة لكن فيها مشكلة وحيدة انها مصنفة اقل امان من كيب تاون مثلا لكن لو اتبعت قواعد الامان زى انك متنزلش بليل لوحدك الا لو مأجر عربية هتكون تمام وعلى بعد يمكن ساعة ونص بالعربية هتلاقى suncity ودى مدينة ترفيهية وفيها resorts كتير وactivities زى bungy jumpو skydiving والاهم بقى فيها اكبر تانى national park اسمها pilanesburg بعد kruger park عشان تعمل سفارى هى رائعة وممتعة جدا الحيوانات فيها منطلقة بطبيعتها من غير اى تدخل بشرى غير فى العلاج بس وممكن تبات جواها فى lodges ليلة او ليلتين او اكتر عشان يكون فى فرصة انك تشوف الحيوانات المفترسة الصبح بدرى جدا يمكن بعد الفجر او بليل عشان هم مش بيتحركوا فى الجو الحار ويا سلام بقى لو حضرتك محظوظ ومهتم بالقصة دى ممكن تشوفهم وهم بيصطادوا الفريسة اما durban بقى مدينة ساحلية على المحيط حلوة اوى بردو تقدر تروح فيها اماكن زى ushaka marine park وده مكان فى عروض dolpins و penguins وفيه aqurium و waterpark وفيه بردو moses stadium ده ملعب كرة قدم كبير تقدر تتفرج عليه وفى الملعب ده فى sky car بتركبها وتطلع لاعلى نقطة تقدر منها تشوف durban كلها وبرة عند ساحة الملعب ممكن تأجر segway وتمشى بيها عند البحر متعة وعموما جنوب افريقيا كلها ممتعة فعلا ويمكن من اكتر الاماكن اللى ان شاء الله هتتبسط فيها ثقافة مختلفة وطبيعة ساحرة والاكل هناك حلو جدا
معلش سؤال أخير
لو قدامي اختيارين ايهما افضل :
١- اقضي ٩ ايام كاملين في كيب تاون ( هل هتكون ممتعه و مش ممله )
٢- اقضي ٤ ايام بين Johannesburg we suncity و خمس ايام في كيب تاون ؟
