اولا ملوش علاقه انك بتتكلم رومانى ولا لاء
دعوه زياره اصدقاء بحد اقصى 3 اشهر
صحبك يكون عنده حساب فى البنك ب 1000 يورو لكل شهر حتقديه فى رومانيا (بيقدم كشف حساب بنكى بالمبلغ والفلوس دى ولا بيتحجز عليها ولا بتتاخد منه مجرد كشف حساب فقط)
بيقدم على النت (الافضل انه يروح الهجره يسال على الورق المطلوب و السيت بتاع التقديم) لازم يكون عنده عقد ايجار او ملك لشقه مع العلم انهم بيجو يزوروه فيها) وبيقدم صوره جواز سفرك و2 صوره ليك واقرار انه حيتكفل بمصاريف معيشتك فى رومانيا وترحيلك اذا لزم ترحيلك.
لو وافقو على الورق بيدوله ميعاد علشان يقدم الاصول ويمضى على الاقرار.
فى خلال شهر بيستلم الدعوه وبيبعتهالك بالبريد (الدعوه الاصليه)
لما توصلك الدعوه بتخش على صفحه السفاره الرومانيه فى مصر وبترفعها مع شويه اوراق خاصه بيك الافضل تكلم السفاره تعرف الورق بالكامل.
لما بيتوافق عليه بتروح السفاره تاخد الاصل وتملى الابليكيشن وبتدفع بتاع 85 دولار تمن الفيزا وبتستلمها فى خلال 40 يوم.
