السلام عليكم ورحمة الله تعالى وبركاته .. كيف حالكم جميعا .. احم .. اشوف...

  • بادئ الموضوع بادئ الموضوع رسآمة الأحزآن
  • تاريخ البدء تاريخ البدء
عرض العطلة
ر

رسآمة الأحزآن

:: مسافر ::
#1
السلام عليكم ورحمة الله تعالى وبركاته ..

كيف حالكم جميعا ..
احم .. اشوف الكثير من الطلاب يعانون من اختبار gra و gmat ..

عندي سؤال .. هل القسم الكمي منه او الماث مثل SAT او بالعربي القدرات ؟؟

لان لو صحيح كذا اتوقع بيكون سهل للطالب يذاكر القدرات العربية مع فهم المصطلحات الانجليزية

سؤال ثاني .. كم تعادل نسبة ٦٠٪ من درجة الاختبار الحقيقي للي يعرف ^_^
 
#3
مرحبا رسامه انا حكلمك عن الجيمات ماعندي خلفيه عن الجي ار اي كثير ، القدرات العربيه تفيدك كخلفيه انتي لازم تعرفي البيسك من المعادلات والقوانين وتكوني سريعه جسابيا بس هذا مايكفي القسم اللفظي يحتاج لغه قويه بس بالتدريب والتمرين مافي شي صعب بإذن الله
 
#4
ايوه حلو كذا بس بجد القدرات تفيد جدا .. اني جربت اختبار اونلاين .. وكان الماث سهل عندي لولا بعض الكلمات الجديدة .. يعني لو بس اراجع القدرات الكمية واحفظ الكلمات المهمه

الماث احيانا يغني في القبول + اللفظي بيتطور مع التمرين مع اللغة .. بس الاختيار العشوائي هو اللي يضيع الدرجة ..
 
#5
اللفظي صراحة بالعربي متعب ههههه شحال الانجليزي الله يعين اللي يعانون منه ..

بس اللي يبغى ملفات كمية اقدر افيده بها .. خصوصا الحصول ع المعلومه بالعربي بيكون اسهل من الانجليزي
 
عرض العطلة
عرض العطلة
#11
الاختبار راح يكون بالانقليزي .. مادري وش الفكره امن مذاكره قياس بالعربي مع العلم ان الماث مايعتمد كثير على اللغه بقدر مايعتمد على الارقام.. اختبار قياس يختلف بالنسبه لي عن الجي ار اي.. وماهو صحيح ان اللغوي مايهتمون فيه ..اعلى من٦٠٪ في الكوانت فوق الـ ١٥٤ في الفيربل مادري بالضبط بس اتوقع اعلى بشي خفيف من الكوانت ( ١٥٣-١٥٧) ... التحضير يبيله وقت انصح تشوفي موقع اسمه Magoosh ... ساعدني الموقع كثير في الماث .. في الفيربال انتي وضميرك شوفي المناسب لك .. الرايتنق كان مهم كمان ... بالتوفيق
 
#13
السلام عليكم

الفرق بين الاثنين ان الجيمات القسم الرياضي فيه أصعب نوعا ما من الجي أر اي وهذا كلام أحد مدرسي الجي أر اي ، بالإضافة إلى أن فكرة الاختبارين هو كيفية حل المسائل الرياضية بطريقة منطقية وعدم استخدام الطرق التقليدية لحل المسائل مع ان فيه طبعا فيه بعض المرات تحتاج تحلها بالطريقة التقليدية ، لكن طبعا الفرق في اللغة ماراح تكون في كلمة او كلمتين لان ترى كلمة وحدة كفيلة بقلب السؤال ، ومثل ماقالوا الإخوان موقع ماغوش ممتاز في التحضير للإختبار. وكنصيحة عدم إهمال الأقسام الثانية لان مثلا لو كانت الدرجة عالية في القسم الرياضي لكن طايحة في القسم اللفظي و القسم الكتابي ماراح يكون جيد إلا إن تم ذكره من قبل الجامعة بشكل صريح أنهم ماراح يهتمون الا في القسم الحسابي
 
#14
اني جربت اختبار جيمات اون لاين .. وشفت ان الاسئله مشابهه للقدرات بشكل كبير ..
على فكرة .. اني اشتغلت بالقدرات الكميه لسنه كامله تمرين ورا تمرين .. وهذا اللي رفعها عندي ..

عشان كذا شفت التشابه واني مو مطلوب مني الاختبارات هذي ..

بس حبيت انصح اللي ماعنده هالاشياء .. يفهمها بالعربي قبل لا يذاكرها بالانجليزي .. لان صعب الانسان يفهم بسرعه بلغة جديدة ..

وشفت اكثر الاسئلة تركز على الجبر و الهندسة و النسبة المئوية والسرعه

والله يكتب الدرجة العالية للجميع يارب ..
 
#15
اخوي طارق الفكره سهله .. اذا كنت عارف القوانين والاساسيات بالعربي .. بتكون جدا سهله بالانجليزي ..

واني احل الاختبار بعض الكلمات جديدة علي .. لكن اخمنها من السؤال لاني فاهمه الاشياء ذي قبل ..

يعني لو يجيبلي طول مثلث وارتفاعه والمطلوب وكذا افهمه بدون ماعرف الكلمات ( مع العلم ان المصطلحات الرياضيه تختلف شوي عن اللي ندرسه بشكل عام )

بس يعني حرام طالب ماعنده اساسيات مطلوب منه الاختبار هذا ويجلس بس يحل اون لاين او يدرسها بالانجليزي ساعات يحصل سوء فهم وياخذ وقت اطول ..

ع فكرة قياس يحتوي ع اختبارين ..

منها القدرات وهذا اللي اقصده انه مشابه بشكل كبير لانه يحتوي ع لفظي وكمي ..

اما الثاني هذا بعيد كل البعد عن هذي الاختبارات ..

شكرا للمشاركة باآرائكم
 
عرض العطلة
#16
على العكس الدراسه بالعربي تلخبط فتره وبياخذ وقت عشان يتعود على المصطلحات والترجمه المطلوبه ,,, انا مالي بالجي ار اي طالبه بكالريوس بس طول عمري كنت شاطره بالرياضيات وتقدري تقولي الرياضيات لعبتي ,,, اول سمستر لي بالجامعه شرط كل الي ادرسه دارسته وفاهمته كويس جلست فتره متنحه لان اعتمدت على ترجمه وماتصلح بامور السرعه واذا عندي كويز سريع لازم مخي يكون فاهم المصطلحات وشغال بالانجليزي مايصلح انه يشتغل بالعربي ابدا ,,, بس مجرد خلاص عودت حالي قلبت اللغه واتعودت اذاكر بالمصطلحات الانجليزيه كله صار اسهل ,,, فما يصلح باي اختبار انك تكون محضر له بلغه ثانيه مخك مايشتغل بتحويل لغات وبترجمه بسرعه كبيره مهما كان مستوى لغتك عالي انك تقعد تترجم هيعيقك
 
عرض العطلة
عرض العطلة
عرض العطلة
أعلى أسفل
عودة
قائمة