اخ محمد, انا مرافق مبتعث وصارلي تقريبا سنه و عشره أشهر وانا ادرس اللغه ... وما زلت لللآن ادرس لغه ..... مرحله اللغه هي سنه ونص رسميا ,لكن تقدر تمدد ٦ اشهر لتصبح سنتين ..... المهم خلال الفتره اللي درست اللغه,درست في ثلاثة معاهد ... والان بنقل للرابع على حسابي الخاص .... اتذكر لما وصلت امريكا كان لغتي صفر ماكنت اتكلم الا الكلمات السهله والجمل والاسئله العاديه .... كنت لما ابي اكتب اسمي الكامل بالانجليزي كنت استخدم رخصه القياده .... جاني احباط اول ٧ اشهر مثل ماجاك الحين ... كنت ادرس واحل الواجبات بس ماكنت عارف شي ابدا ... السبب كنت استخدم المترجم قوقل .... كنت اذا بكتب اي شي بالانجليزي اروح لقوقل واكتب بالعربي ثم اترجمه ...و ثاني شئ كان المعهد اللي ادرس فيه مايدرس لغه اكاديميه كانت اللغه العامه ... نقلت من المعهد ورحت الى معهد ثاني بديت من المستوى الثاني ووصلت المستوى ما قبل الا خير .... لغتي تطورت بشكل ملحوظ لدرجه كنت اسوي كل شي بنفسي ,, ماهو زي قبل .... كنت لما اروح البنك ولا المطعم اخلي واحد يتكلم عني ... بس الان الحمدلله الامور كلها تمام .... كان المعهد الثاني من افضل المعاهد الثلاثة اللي درست فيهم ... بس كانت عندي مشكله الا وهي الكتابه قلت الحل انقل للمعهد الثالث علشان اتحسن بالكتابه لان المعهد الثالث يعتبر معهد قوي .. قبل لا انقل من المعهد اختبرت ايلتس لاول مره من اول ماجيت امريكا بعد تقريبا سنه ...انصدمت من الدرجه جبت ٤.٥ كنت متوقع ٣ او ٢ بس الحمدلله على كل حال... نقلت للمعهد ثالث في الصيف اللي فات ... وبديت الدراسه في المستوى الثاني .. جتني صدمه بس قلت يمكن انا لغتي للان ماتطورت ... بديت من لفل ٢ الى لفل ٤ تطورت جميع مهارات اللغه , كتابه ,وتحدث واستماع , وقراءه.... اختبرت للمره ثانيه ايلتس وجبت مره ثانيه ٤.٥ ... لكن المره ثاني جبت درجه كويسه في قسم القراءه والاستماع.... الحمدلله كنت راضي بكل شي قابلت طلاب خلصو اللغه في اقل من سته اشهر , وطلاب لهم اكثر من سنتين وهم يدرسون لغه مثلي .... اخ محمد حاول انك لا تحبط روحك ... عندك الان ٥ اشهر حاول انك اتطور لغتك من خلال المشاهده والاستماع للاخبار و قراءه الجرايد او مجلات ... حاول بقدر الامكان انك اتقلل من اللغه االعربيه ... الانجليزيه تحتاج للبعض الوقت وممارسه واجتهاد .... ولا تقارن نفسك بيغيرك لان هذا مابيعطك اي فايده ما بيزيدك الا احباط .... بالتوفيق ان شاء الله اخ محمد ...
