السلام عليكم ، اليوم رحلتي ان شاء الله الى سان فرانسيسكو طبعا خط سيري من...

[Saad Alshelayyel]

السلام عليكم ، اليوم رحلتي ان شاء الله الى سان فرانسيسكو طبعا خط سيري من الرياض جدة الى لوس انجلوس ثم اطلع على سان فرانسيسكو ، قبل امس جاني رسالة من الخطوط السعودية تم تاجيل الرحلة ساعة والمشكلة عندي ترانزيت في لوس انجلوس ثلاث ساعات بس والحين صارت ساعتين ؟؟ هل يمديني اخلص اموري بالساعتين
والا كيف اجل الرحلة حقت سان فراسنسيكو لاني طالع على حساب الملحقية ، شايل هم مابي اطامر بالمطار ثم تروح علي الطيارة ههههه
وش السواه ياجعل والدينا ووالديكم بالجنة

 

[Ali Yamani]

لو تأخرت مو مشكلة و طارت الطيارة كمان عادي. راح يطلعوك الرحلة اللي بعدها. وإذا الرحلة اللي بعدها ثاني يوم الخطوط تعطيك فندق

 

[Saad Alshelayyel]

الله يطمن قلبك اخوي علي ماقصرت

 

[Waleed Bin Abdullah]

المشكلة بس في الشناط

ساعتين تكفي وزود

 

[Saad Alshelayyel]

ايه هذا اللي شايل همه لان لازم اخذها ثم اوديه الدلتا الله يسهل وييسر ، لاهنت ابو عبدالله

 

[Waleed Bin Abdullah]

طيب حبيبي قول للخطوط ان عندك طيران داخلي وعطهم رقم الرحله والحجز ويرسلون شناطك لسان فرانسيسكو

انا قد صارت معي لمن كنت رايح من مدينتي لسياتل
سألتني موظفة الكاونتر اذا عندي رحله بعدها قلتلها ايه عندي دبي قالت خلاص تستلم شناطك في دبي

ولا دفعت شي حق شنطتين
العاده كنت ادفع ٢٥$ لشنطه

جرب اسألهم بتريحك وتوفر عليك
الخطوط اللي كنت طالع عليها ألاسكا واتوقع بينها وبين الامارات شراكه

ودلتا والسعوديه بينهم شراكه بعد

 

[Ashjan Khalel]

اول شي خلي شنطك تروح دايركت ع سان فرانسيسكو.. ثانيا في خط في الامقريشن ( سبيد لاين) اذا كان عندك اطفال وعندك رحله ثانيه وماعتدك وقت.. وريهم البوردينغ باس اللي حيعطوك هو في المطار .. وان شالله امورك تمام... لا سمح الله اذا اتاخرت الرحله ومالحقتها لك تعويض برحله ثانيا وشنطك بتروح لسان ولما توصل بس اعطيهم التاغ وبتاخذ الشنط ان شالله

 

[Sulaiman Alenzi]

انا صار لي زي موقفك ، يمديك ان شاء الله ، لان اول ماتوصل تقول لهم عندي رحلة ثانية بعد ساعتين فهم يحطونك في لاين حق اللي عندهم رحلات ثانية ، لاتشيل هم ، بس خبرهم اول !!