السلام عليكم انا طالع مرافق مع زوجتي على حسابي الخاص وأمورنا ان شاء الله...

[Abu Muhammad Al Juaid]

السلام عليكم
انا طالع مرافق مع زوجتي على حسابي الخاص وأمورنا ان شاء الله بالسليم وحاليا اهلي يدرسون مرحله اللغه اول شهر المشكلة الان مقدم اجازه استثنائية من العمل وبعد أسبوعين من تقديم الاجازه جاني رد من العمل بسرعه احضار اثبات الدراسه من جهه الابتعاث
وشلون اثبت من جهه الابتعاث وانا على حسابي علما قدمت لهم قبول الجامعه والمعهد والمباشرة رفضو يبون من جهه التعليم العالي

 

[Thamer Aljuaid]

اثباتك موجود اللي هو قرار ابتعاث زوجتك ومعها صورة كرت العايلة اللي تثبت لهم انها زوجتك ومبتعثة وانت مرافق معها يالأمير

 

[Waleed Bin Abdullah]

انتم كلكم تدرسون على حسابكم والا شلون ؟!

 

[Arwa Alqahtani]

قرار ابتعاث الزوجه كافي جداً لأنه مسجل إسمك فيه كٓـ مرافق وبالتوفيق يارب

 

[Abu Muhammad Al Juaid]

الله يعطيكم العافيه
ماعندنا قرار ابتعاث آلى الان ماانضمينا
حضرنا الملتقى الدارسين ع حسابهم الخاص وسافرنا

 

[Arwa Alqahtani]

طيب ممكن موافقة الدراسه على حسابك الخاص تنفع

 

[Arwa Alqahtani]

جرب قدمها لهم

 

[Bandar Alzabi]

تعريف الراتب !!!

 

[SaMir Al Qarni]

لابد من قرار الابتعاث علشان تقبل اجازتك الاسثنائيه

 

[Waleed Bin Abdullah]

أرسل أحد من اهلك والا ربعك للوزارة

 

[Faisal AlBalawi]

اذا طلبت اجازه استثنائية بدون راتب مالهم حق يسألون إثبات ؟؟
اذا عندك إثبات انك فتحت حساب دارس ع حسابك تكفي

 

[Mohammed Al-Qahtani]

إذا موظف حكومي لابد قرار ابتعاث، انا مرافق لزوجتي ما قبلت اجازتي الاستثنائية لمدة ثلاث سنوات إلا بقرار الابتعاث ولا خرجت من السعودية إلا وقبول الاجازة (الخطاب) معي بيدي وارسلت نسخه للوزارة طلبوه مني