M
Mahmoud Samir Bedair
:: مسافر ::
المره دى حنتكلم عن بلد اوروبيه الكل اجمع على حبها
بلد الطواحين و بلد الحرية المفرطه
14- هولندا
مملكة الاراضى المنخفضه (kingdom of netherlands) فى شمال اوروبا صغيره نسبيا بتتكون من الجزء الاوروبى هولندا + ثلاث جزر فى بحر الكاريبي أروبا وكوراساو وسانت مارتن.عملتها اليورو وعاصمتها امستردام و مقر الحكم فى مدينة لاهاى (the hague) ,فيها اكبر ميناء فى اوروبا فى مدينة روتردام. حدودها مع المانيا و بلجيكا و بحر الشمال. تاشيرتها متوسطة الصعوبه بالنسبه لنا,شينجن زى معظم دول اوروبا عن طريق vfs global.
الناس اول ما بتسمع هولندا بيجي فى بالهم الdrugs و الredlight district والnightlife و trance music و الدى جيهات المشاهير ولكن مع ان كل ده جزء اساسى من ثقافتهم الا انها كبلد ليها بعد تانى جدا جميل جدا برضه مننساهوش.
هولندا بلد الفنانين العظام زى فان جوخ ورمبرانت و مليانه متاحف مهمه جدا للفنون وهى كبلد ذوقها راقى جدا و كل شىء فيها جميل, هولندا كمان فيها ريف من اجمل ارياف اوروبا بيتميز فى الربيع بحقول الزهور و الاوركيد الملونه و الطواحين المشهورة.
هولندا برضه بتتميز بانها كبلد صغيره و سهل الوصول لكل مكان فيها فى وقت صغير ده غير ان موقعها المميز بيخلى سهل انها تكون مكان انطلاق يورو تريب للبلاد اللى حواليها زى فرنسا و بلجيكا و المانيا.
اجمل وقت لزيارة هولندا الربيع ما بين شهر3 و شهر 5 عشان تلحقوا تشوفوا حقول الورد الجميله و هى بالوانها. لكن ده ميمنعش انها باقى السنة جوها كويس جدا سواء صيف او شتا.
اهم المدن اللى لازم تزوروها امستدرام طبعا عشان تاخدوا مركب فى نهر الامستل فى القنوات المتشابكه الشبيهه لمدينة البندقيه و تشوفوا المتاحف الشهيره زى فان جوخ و رمبرانت و المتحف الوطنى Rijksmuseum. و فى متاحف برضه زي متحف ان فرانك اللى بيحكي تاريخ الصراع اليهودي مع النازيه و متاحف كتير متنوعه زى متحف الشمع مدام توسو و ماننساش الحدايق الرائعه اللى فى كل مكان زى vondelparkو سوق الزهور و فى ميدان مميز جدا فى وسط امستردام اسمه dam square .
الميزه فى امستردام هى ان فيها شبكة مواصلات قوية ما بين الترم و الباصات وسهل الوصول لكل الاماكن ده غير ان مجرد التمشية فى الشوارع فى حد ذاتها تجربه و من اجمل المدن اللى ممكن الواحد يتوه فيها وحتكتشفوا انها مليانة مصريين كتير معظمهم فاتحين مطاعم.
اللى يروح امستردام يا ريت يحجز منها رحلة بالباص مع اى مكتب سياحه لجزيرة ماركن و مدينة فولندام دى رحلة انا جربتها جميله جدا بتذوروا فيها الريف الهولندى و الطواحين و بعد كده بتشوفوا بحيرة الماركا و جزيرة ماركن جانبين مهمين جدا لازم تشوفوهم.
تانى مدينة و هى الثانية فى الاهميه لاهاى او den haag اللى فيها مقر الحكم و هى اللى بتمثل التطور و الحداثه ما بين ناطحات السحاب و المبانى المبنيه بطراز غريب الطراز المعمارى الهولندى الحديث بيبان قوته فى المدينة دى لكن ليها برضه جانب تانى انها فيها شاطىء جميل جدا جدير بالزيارة ,الوصول للاهاى بالقطر سهل.
واخيرا روتردام و دى بقى قصه لوحدها, اللى بيروحها بينبهر بالمبانى اللى فيها, لازم تجربوا تاخدوا جولة فى الميناء الجديد و تشوفوا حجم الميناء الاكبر فى اوروبا, ولازم تزوروا الميناء القديم اللى اصبح متحف. لكن متنسوش الMarkthal Rotterdam و ده عباره عن حاجه عبقرية كده اعملوا سيرش عليها هو زي مول كده بس مبنى بطريقه غريبه.
متنسوش تجربوا الجبنة الهولندية و تدعولى وبلاش السبيس كيك
واعملوا حسابكم انها بلد غاليه جدا لكنها من اجمل البلاد اللى لازم تجربوا بيوت الشباب فيها و انا شخصيا برشح the generator hostel .
يا رب الصور تعجبكم (حقوق النشر محفوظه)
ولمتابعة باقى الرحلات
/Traveller experience
بلد الطواحين و بلد الحرية المفرطه
14- هولندا
مملكة الاراضى المنخفضه (kingdom of netherlands) فى شمال اوروبا صغيره نسبيا بتتكون من الجزء الاوروبى هولندا + ثلاث جزر فى بحر الكاريبي أروبا وكوراساو وسانت مارتن.عملتها اليورو وعاصمتها امستردام و مقر الحكم فى مدينة لاهاى (the hague) ,فيها اكبر ميناء فى اوروبا فى مدينة روتردام. حدودها مع المانيا و بلجيكا و بحر الشمال. تاشيرتها متوسطة الصعوبه بالنسبه لنا,شينجن زى معظم دول اوروبا عن طريق vfs global.
الناس اول ما بتسمع هولندا بيجي فى بالهم الdrugs و الredlight district والnightlife و trance music و الدى جيهات المشاهير ولكن مع ان كل ده جزء اساسى من ثقافتهم الا انها كبلد ليها بعد تانى جدا جميل جدا برضه مننساهوش.
هولندا بلد الفنانين العظام زى فان جوخ ورمبرانت و مليانه متاحف مهمه جدا للفنون وهى كبلد ذوقها راقى جدا و كل شىء فيها جميل, هولندا كمان فيها ريف من اجمل ارياف اوروبا بيتميز فى الربيع بحقول الزهور و الاوركيد الملونه و الطواحين المشهورة.
هولندا برضه بتتميز بانها كبلد صغيره و سهل الوصول لكل مكان فيها فى وقت صغير ده غير ان موقعها المميز بيخلى سهل انها تكون مكان انطلاق يورو تريب للبلاد اللى حواليها زى فرنسا و بلجيكا و المانيا.
اجمل وقت لزيارة هولندا الربيع ما بين شهر3 و شهر 5 عشان تلحقوا تشوفوا حقول الورد الجميله و هى بالوانها. لكن ده ميمنعش انها باقى السنة جوها كويس جدا سواء صيف او شتا.
اهم المدن اللى لازم تزوروها امستدرام طبعا عشان تاخدوا مركب فى نهر الامستل فى القنوات المتشابكه الشبيهه لمدينة البندقيه و تشوفوا المتاحف الشهيره زى فان جوخ و رمبرانت و المتحف الوطنى Rijksmuseum. و فى متاحف برضه زي متحف ان فرانك اللى بيحكي تاريخ الصراع اليهودي مع النازيه و متاحف كتير متنوعه زى متحف الشمع مدام توسو و ماننساش الحدايق الرائعه اللى فى كل مكان زى vondelparkو سوق الزهور و فى ميدان مميز جدا فى وسط امستردام اسمه dam square .
الميزه فى امستردام هى ان فيها شبكة مواصلات قوية ما بين الترم و الباصات وسهل الوصول لكل الاماكن ده غير ان مجرد التمشية فى الشوارع فى حد ذاتها تجربه و من اجمل المدن اللى ممكن الواحد يتوه فيها وحتكتشفوا انها مليانة مصريين كتير معظمهم فاتحين مطاعم.
اللى يروح امستردام يا ريت يحجز منها رحلة بالباص مع اى مكتب سياحه لجزيرة ماركن و مدينة فولندام دى رحلة انا جربتها جميله جدا بتذوروا فيها الريف الهولندى و الطواحين و بعد كده بتشوفوا بحيرة الماركا و جزيرة ماركن جانبين مهمين جدا لازم تشوفوهم.
تانى مدينة و هى الثانية فى الاهميه لاهاى او den haag اللى فيها مقر الحكم و هى اللى بتمثل التطور و الحداثه ما بين ناطحات السحاب و المبانى المبنيه بطراز غريب الطراز المعمارى الهولندى الحديث بيبان قوته فى المدينة دى لكن ليها برضه جانب تانى انها فيها شاطىء جميل جدا جدير بالزيارة ,الوصول للاهاى بالقطر سهل.
واخيرا روتردام و دى بقى قصه لوحدها, اللى بيروحها بينبهر بالمبانى اللى فيها, لازم تجربوا تاخدوا جولة فى الميناء الجديد و تشوفوا حجم الميناء الاكبر فى اوروبا, ولازم تزوروا الميناء القديم اللى اصبح متحف. لكن متنسوش الMarkthal Rotterdam و ده عباره عن حاجه عبقرية كده اعملوا سيرش عليها هو زي مول كده بس مبنى بطريقه غريبه.
متنسوش تجربوا الجبنة الهولندية و تدعولى وبلاش السبيس كيك
واعملوا حسابكم انها بلد غاليه جدا لكنها من اجمل البلاد اللى لازم تجربوا بيوت الشباب فيها و انا شخصيا برشح the generator hostel .
يا رب الصور تعجبكم (حقوق النشر محفوظه
)ولمتابعة باقى الرحلات
/Traveller experience