A
Ahmed Al-jofan
:: مسافر ::
سبق وأخذت لي مادة أونلاين ، الفصل الصيف الماضي ٢٠١٤ ، وكان الاختبار اونلاين عن طريق موقع تسجل فيه نسيت اسمه صراحة ، ورسوم التسجيل تقريبا ٧ دولار ، طبعا الموقع يطلب منك ترفع صورة من ID حقك وتعبي بعض البيانات وتحدد موقعك على حسب المكان اللي انت فيه مثلاً: ولاية أوهايو Eastren Standard Time ، بعدين دكتور أو دكتورة المادة محدده يوم الاختبار مثلا : يوم الجمعة من الساعة ١ ظهراً الى ٧ المغرب ، ومدة الاختبار ساعة فقط ، يعني يحق لك تسجل فقط أي وقت بين ١ الى ٧ مدته ساعة ، طبعاً اذا سجلت في الموقع تسجل الوقت اللي انت عايزة ، لازم تدخل الموقع قبل الاختبار ب ربع ساعة عشان اللي راح يراقب عليك راح يطلب منك تفتح الكاميرة ولازم يشوف وجهك ويسالك بعض الاساله وراح يطلب منك ID عشان يتاكد انك انت اللي تختبر ، طبعا راح يقولك الاشياء اللي ممكن تسويها في الاختبار والاشياء الممنوعه ، انتبه ترى راح يكون له الاذن انه يتحكم بكمبيوترك بحيث انه يشوف وش انت قاعد تسوي بالاختبار مثلا فتحت محرك البحث قوقل او اي شي ، لذلك راح تكون فاتح صفحة وحدة فقط اللي هي اسالة الاختبار ، الاختبار راح يكون مسجل فيديو ، بعد ما تخلص يعرض عندهم على اللجنة ويشوفونه بعدين تجيك رسالة ع اميلك اللي انت سجلت فيه ان درجتك رصدت وكل شي تمام ، عموما الدرجة تقدر تشوفها من اول ما تسوي لها submit . طبعاً ممنوع يكون معاك حد ف الغرفة وانا طلب مني اني اللف الكاميره ٣٦٠ درجة على غرفتي عشان يشوف اذل احد عندي او لا .هذا مختصر مفيد للاختبار اللي انا اختبرته ، ملاحظة : كان انا اختباري open book ، طبعا مدري اذا انت نفس الاجراءات او غير ، لا تقلق موضوع سهل ، الله يوفقك