استفسار يا جماعه بالنسبه لرحلات السياحة الداخليه اللي بتنظمها شركات السياحة...

[Hossam Abbass]

استفسار يا جماعه
بالنسبه لرحلات السياحة الداخليه اللي بتنظمها شركات السياحة
هل سعرها معقول ؟
وهل اقدر انظم نفس البروجرام بسعر اقل ولا هتكلفني كتير
يارب اكون قدرت أوصل سؤالي

 

[Nody Metawe]

طبعا فيه رحلات ممكن تعمليها لوحدك او ممكن متحتجيش شركات سياحه فيها
وفي رحلات يفضل فيها شركات السياحه عشان هتكون مرهقه ومكلفه اكتر من شركات السياحه بكتير
الميزه هنا بقا في الرحلات ديه انها هتكون منظمه ومرتبه يعني هتستمتعي مش هتتعبي في زيارتها
يعني في الاخر انتي طالعه تستمعي بوقتك وبالمكان اللي انتي ريحاه

 

[Ahmed Abdelhalim Ibrahim]

لو هتنزل فى فنادق والرحله لقرى سياحيه ...هتلاقى الاسعار تبع شركات السياحه ارخص لانها بتشترى تايم شير وبتحرقه بعد ما ترجع فلوسها خاصة فى الاوقات اللى مفيهاش سيزون زى اجازات الاعياد وشهر اغسطس واجازة نص السنه
واعرف منهظ تكلفة الرحلات الخاصه ...يعنى مثلا لو الغردقه وحاجزين الفندق ب 1000 جنيه للاربع ايام وعاملين رحله لجزيرو الجفتون او باراديس اسال عن سعرها وزلط نفسك
لكن لو هتعرف توفر سكن كويس وارخص منهم توكل ع الله ...ودى اشك فيها بصراحه فى الفنادق الكويسه

 

[Marwa Atef]

ساعات و ساعات ...مش هتلاقى كل الشركات زى بعضها...فى شركات فعلا بتنزل الرحلات اسعار قليلة وشركات تانية لا...حسب
والافضل انك تروح مع جروب ...لان السعر غالبا بيكون افضل ...بس قرر اصلا المكان اللى عايز تروحه الاول
وممكن تشوف صفحة لاجويا تورز ...برضه اسعارها كويسة