السلام عليكم .. ياجماعة انا بعد شهر راح يكون امتحاني الايلتس ، كل شي تمام...

[Fatimah Alsayoud]

السلام عليكم .. ياجماعة انا بعد شهر راح يكون امتحاني الايلتس ، كل شي تمام الحمد لله و دارسة له عدل بس عندي مشكلة في الجزء المتعلق بالسبلنغ ! شنو اقدر اسوي عشان احسن من السبلنغ حقي ؟
مو معقولة اخسر درجات على اجابة صحيحة بس لآني كتبتها خطأ !
الي مجرب او عندو نفس المشكلة ياليت يفيدني .

 

[Hanan Daghash]

عندي نفس المشكله بس ان شاء الله مع تمارين تخف

 

[Osama Ali]

طبعا ماقدر اعطيك امثله على كل شي بس بعطيك استراتيجيات بسيطه. اول شي القرامر. القرامر راحد يساعدك في الهجاء لنك تعرف اذا في كلمه اخرها y تنقلب i مثل study-studies ولو اخر شي s يصير الجمع es وطبعا في كلمات لو كتبت التصريف الثالث لها تدبل الحرف الاخير اذا ماكان من الڤاول مثل write تصير written وطبعا في اشياء كثير ممكن تستفيدها من القرامر. الشي الثاني احفظ الانماط المتكرره في الكلمات زي مثلا في كثير كلمات تنتهي بي tion زي information-creation-implication ومثلا الكلمات الي تنهتي بي ment زي government-supplement-improvement. وفي اشياء كثير غيرها. وطبعا رغم ان في كثير كلمات هجاءها غير نطقها, في كلمات كثير ممكن نطقها يساعدك مثلا اذا في (تش) يعني ch مثل كلمة church- couch اذا بس (ش)يعني sh زي كلمة shark-shake. وفي اشياء زيهم ممكن تتعلمهم. وطبعا اهم شيئين غير هذي الاستراتيجيات هو انك تقرى كثير والاهم انك تكتب كثير. زي مانت شايف مافي طريق سهل لازم تخصص جزء من وقتك لأي شي تبغا تتقنه والله يوفقك يارب. ان شاء الله ساعدك ولو شوي.

 

[Asma Alsaadi]

الممارسه ثم الممارسه ثم الممارسه
انا كنت اعاني من نفس المشكله لمن كنت بالمعهد كنت كل ما اشوف قدامي ورقه اكتب فيها اللي تعلمته واحيان اعبي ورقتين بالكلام اللي تعلمته وارجع اشيك اذا السبيلنق صح والا لا

اللي مو حلو بالمعاهد عامةً( التجاريه) انهم مايخلو الطالب يكتب بحث وهذا انا شخصيا اعتبره غلط لاني لمن دخلت الجامعه وصرت اقرا كثيييير واسوي بحث بناءً على اللي قريته تحسنت عندي الكتابه بنسبه ٩٥٪ وكمان القراءه تعود لسانك على نطق القرمر بسلاسله وبدون ماتفكر بترتيب الاسم والفعل والوصف في الجمله

 

[Fatimah Alsayoud]

الحق معاك وانا اقرأ بشكل يومي بس حبيت اعرف اذا في طرق ثانية للتقوية ، شكراً لكم

 

[Memo Al Mutrifi]

القراءة الكثيرة تساعد على حفظ السبلينق .. مو شرط تشترين كتب
و إنتي تمشين إقري كل شي حولك .. أجهزتك إذا عربي حوليها كلها إنقلش .. صدقيني مع الوقت مخك يتعود على شكل الكلمة حتى لو مو حافظه السبلينق حقها ، ف لما تكتبينها و هي خطأ بتحسين إنها خطأ من شكلها

 

[Khaled Mu]

اقري واكتبي كلمات قد ما تقدري طبعا لازم تركزي فالايام والاشهر لانها دايما تجي فلا تفوتيها

 

[Khaled Mu]

وطبعا استمعي كثيو وافضل شي تحلي اختبارات قديمه