السلام عليكم من جينا امريكا وزوجي جاته الحساسية في التنفس له شهور طويلة...

[نورة طارق]

السلام عليكم

من جينا امريكا وزوجي جاته الحساسية في التنفس له شهور طويلة

راح طبيب وعطوه بخاخ لكن مستمرة تروح فترة وترجع
وايام يتبهذل منها مايعرف حتى ينام كويس

قريت ان فيه مراكز خاصه للحساسية
يغطيها التأمين ؟ او الافضل له ان يستمر مع الطبيب؟

والاهم
الحسياسية لو رجعنا السعودية بتروح عنه او لاسمح الله بتكون معه؟؟

 

[Samar Kheder]

انا برضو جاتني حساسيه بامريكا..في حبوب antihistamine ..بدون وصفه..احسها نفعتني..

 

[Yazeed Alayed]

اكيد زوجك متحسس من نوع النخل والشجر بامريكا لانها تختلف عن الي عندنا

 

[Ghirass G Abualshamat]

الحساسية أنواع محد يقدر يجاوب على أسئلتك إلا طبيب..
بالنسبة إذا مراكز الحساسية يغطيها التأمين أو لا إتصلي على التأمين ويقولولك أو إتصلي على أي من المراكز ويقلولك..
قدامه العافية يارب

 

[Yasser Bajammal]

اعتقد حساسيه موسميه.
وانصح انه يأكل من العسل الغير مصفى والمنتج في نفس ولايتكم.
يعني دوروا على بقاله تبيع منتجات المزارع واشتروا العسل من عندهم وقولولهم عشان الحساسيه. لكن اهم شي منتج نفس ولايتكم

 

[Maher Al Kamal]

اولا يعرض نفسه على دكتور حساسية وطبعا يغطيه التأمين .. وعادة المريض يعرف اي المواد او الروائح التي تثير الحساسية لديه ويبتعد عنها ...ممكن مركبات النظافة او طلع بعض الأشجار ويجب عليكم تنظيف فلاتر المكيفات بصفة دورية... وأسأل الله العلي القدير ان يشفيه ويرفع عنه.

 

[Abdulmajeed Fadel]

انا كنت أتعالج بمستشفى المملكة وزّرت طبيبين بخصوص الحساسية الطبيب الاول قالي عندك حساسية والطبيب الثاني قالي ما فيه شي اسمه حساسية هذا ربو والربو مراحل عدة . على حسب الحاله يعطى بخاخ الربو وقوة البخاخ تعتمد على الحاله المرضية . بالنسبة لحالته فهي مزمنه والتأمين يغطيه لازم يفحص قريب لان هالموسم كل مرضى الربو واًلهم انا يبدأ يعاني تغيرات الجو .

 

[Raed K Alghamdi]

اذا كان زوجك عنده صعوبة في التنفس من الخشم سواء عنده انعواج او كسر في الانف نصيحة يشوف له طبيب مستشار في الانف لانه هذه احد اسباب الربو و عدم النوم في الليل وطبعا التامين يغطي كل شي

 

[Mohammed Anam]

الله يشفيه ويرفع عنه وبسرك بشفائه

 

[نورة طارق]

الله يجزيكم خير
حسب علمي ان الربو يكون معه سعال وصفير في الصدر هذا الي كنت اشوفه في اختي الله يحفظها

عنده حساسية بسبب الشجر وغبار الطلع

Samar Binkheder

يوميا تستخدمينه أو بس وقت الأعراض؟

 

[Samar Kheder]

الله يشفيه يارب..في انواع كثير..اللي ارتحت عليه اللي حبه باليوم..بس أخدها وقت الأعراض..بس الأفضل يروح الدكتور ويسألهم عنها لو ينتفع حالته..لأَنِّي كنت استخدم بخاخ بس قالولي مو كويس أطول فيه

 

[Yasser Bajammal]

أكرر ان الحساسيه بسبب دخولكم ولاية جديد بأمريكا، وظهرت حساسيه بالصدر او الجلد، احتمال كبير يكون لاسباب طبيعيه، منها الأشجار ، وهذا شيء معروف بين الثقافه الامريكية. ويبدأوا علاجها بعسل منتج في نفس الولاية. ان لم ينفع يبدأوا بالأدوية، ويرضوا راح تاخذ أشهر.

 

[نهى طاشكندي]

أشخاص كثر تجيهم حساسية فترة الربيع ناس في صدرهم و ناس في انفهم و ناس في عيونهم
مدام زوجك حساسيته بسبب الغبار و حبوب اللقاح اللي طايره في الهوا خليه يلبس كمامه طبيه لما يخرج خاصةً لما يكون الجو غبار
انا جاتني حساسية في الأنف و أثرت على الجيوب الأنفية كنت أعاني بسببها صداع فظيع و ألم في خدودي بس الدكتورة وصفت لي حبوب الحساسية و قطرات الأنف الملحية المعقمة و قطرات لعلاج الحساسية الحمدلله خفت الحساسية

و ترى بالنسبة لزوجك دي الحساسية تعتبر موسمية لأنها بسبب الجو يعني مو مرض دائم عنده بس أهم شيء ينتبه انه ما يتعرض لأشياء تثير الحساسية عنده و تخليها تتطور لمرض مزمن لا سمح الله يعني لازم يبعد عن العطور و البخور و الروائح النفاثة زي الاسبري و معطر الجو
المكنسة المنزلية تنشر الغبار في الجو وقت التنظيف يعني لازم ما يكون زوجك متواجد في المكان لما تكنسي
الفرو بكل أنواعه سواء كان مخدة أو لحاف أو جاكيت كلها تهيج الحساسية

بالنسبة لمراكز الحساسية اسألي طبيبكم الخاص لأن مراكز الحساسية ما تغطي لك اي علاج إلا إذا تم تحويلك من طبيبك لمركز الحساسية و عادة في المركز يجروا للمريض تحاليل عشان يعرفوا سبب الحساسية و يسألوا المريض أسأله مرة كثيرة عشان يتاكدوا تمام من تاريخه المرضي

في أشخاص تجيهم حساسية من أشياء تسبب تورم للفم و اللسان و ممكن الشخص يتخنق و يموت بسببها و دا النوع من الحساسية عادة يكون بسبب اﻷكل و هو أخطر نوع من أنواع الحساسية
أتمنى أكون افدتك و سلامة زوجك طهور إن شاء الله

 

[Hassan Al Shehri]

افضل شي انه يفحصه طبيب مختص بحالته ويشخص الحساسيه اللي عنده وفي نفس الوقت يساله عن حبوب اسمها Monteleukast والله يشافيه يا رب...

 

[Mosha Alharbi]

زوجي كمان جاتو حساسية بايرلندا والى الان ماعرفنا ايش سببها طول فترة بعثته 4 سنوات وهيا معاه حتى لما راح للدكتور قال له عندو حساسية من الحيوانات. بس ماعندنا حيوانات وماكانت تجيه الا اذا كنا برا. والان رجعنا السعودية وراحت.

 

[Azooz Alharbi]

انا مصاب بالربو من ١٢سنه
وماخليت مكان الى فحصت فيه وصار عندي خبره فيه
بالنسبه لزوجك اولا ابحثي عن دكتور حساسيه وربو في نفس المنطقه، وخليه يسوي فحص حساسيه عن الطبيعه يعني الاشجار والحيوانات ومنتجاتها اذا ماطلع منها يشوف فحص حساسيه الادويه اذا كان يستخدم ادويه .
اذا طلع عنده حساسيه من اي شي لازم يتجنبه قدر مايستطيع
بعض الاطباء يصرف دواء مهدي لاكن الحساسيه تزود وتستمر معه وهو مايدري ،الوقايه قبل العلاج
بعدها اذا ابتعد عن المسبب للحساسيه يعنى اذا رجع لسعوديه وابتعد عن المؤثر لن يستمر معه بإذن الله.
بس اذا اهمله الله يعينه والربو متعب جدا في كل شي حياه غير طبيعيه.
اللهم اشف مرضانا ومرضى المسلمين

 

[Azooz Alharbi]

اذا انتهى من دكتور الحساسيه وباقي عنده مشكله في التنفس يروح ENT اذن وانف وحنجره ويسوي فحص وان شاء الله مايشوف شر

 

[Manar Al-tarouti]

فيه بعض المناطق بأمريكا معروفه ان جوها يسبب حساسيه بسبب الأشجار او الأزهار و غيروو

 

[Ali Alshammari]

قبل ثلاثة سنوات جتني زكمة حادة واختفى صوتي وكنت اول مرة اروح فيها للمستشفى , وكان اليوم اللي بعده عندي حفل وانا مقدم الحفل وكل شي راح يخرب لو مارجعلي صوتي. المهم بالمستشفى اعطوني ادويه ماعرف ايش سالفتها وماخلوا اشعه ماعملوها لي. اليوم الثاني صوتي تحسن وصرت افضل شوي, لكن من يومها إلى الان صار تجيني كتمات غريبة وخصوصا بالليل. راجعت اكثر من مرة وكل دكتور يفتيني من راسه..رحت المستشفى قبل فترة لأني تعبت تعب شديد واعطوني البخاخ وقالوا خليه معك على طول متى مااحتجته. عموما, كل ماارجع السعودية تختفي هالحالة وماتجيني الا هنا. فلا تشيلي هم زوجك ان شاء الله بيتحسن اذا رجع السعودية.

 

[Najah Abdullah]

تأكدي أنكم أخذتوا تطعيمات المكان اللي انتم فيه لان حسب كلام ممرضة امريكية ضروري تاخذين التطعيمات اللي تقررها الجامعه او المعهد