السلام عليكم ياشباب انا قبل سنة ونص تقريبا اخذت مخالفة سرعة في ولاية...

[Abdualaziz Alnasser]

السلام عليكم
ياشباب انا قبل سنة ونص تقريبا اخذت مخالفة سرعة في ولاية كاليفورنيا مدينة سان دييغو وقالي الشرطي لازم تجي المحكمة بعد اسبوعين واضطريت ارجع للسعودية قبل موعد المحكمة بسبب حالة وفاة.
مع العلم اني حاول اسدد المخالفة وانا بالسعودية ولاكن يرفض الموقع.
ومخالفتي تحولت لشركة اسمها Alliance one وكل ماجيت اسددها يقولي ان معلومات الدفع لم يتحقق منها موقع AVS

زبدة الموضوع طلعت فيزا سياحية وناوي اجي بأذن الله على اوقست سياحة وخايف لايصيدوني في المطار ولا يستقعدون لي.

سؤالي/ وش راح يصير لي اذا جيت امريكا؟

 

[Mohammed A Alsubaie]

انا من راي انك تجي
واذا قالوا لك اي شيء
قل انا جاي اسدد المخالفه

 

[Mohamed Sheldan]

جهز الكاش في المطار الله لايهينك

 

[Sajjad Mohammad]

ما بيمسكوك في المطار ولا شي، اتوقع هذي شركة كلكشن، ما تقدر تعمل لك شي.

 

[Roofy Bargah]

اتوكل ياحبيبي انا نفس الوضع ودخلت وخرجت امريكا وجددت الفيزا والوضع عادي انت وحظك وبالتوفيق

 

[Abdualaziz Alnasser]

الله يعافيك ومشكورين وماقصرتوا

 

[Abdualaziz Alnasser]

م

 

[Abdulaziz Jasim]

ياخوي انا نفس حالتك عليه مخالفات وجيت بفيزا ثانيه سياحيه ولا احد قالي شي في المطار ، في امريكا الحكومه مالها دخل في المخالفات ترجع لشركات .

 

[Balamash Turke]

في واحد اسمه مستر تكت محامي حق دي المخالفات حاول تجيب رقمه من النت يأخذ مبلغ بسيط

 

[Abdulaziz Jasim]

يا عمي معليك انا دخلت امريكا قبل أسبوعين ولا احد عندي ، أتوقع وقت شراء سياره او استئجار سياره يقولون لك عندك مخالفات فقط .

 

[Fahad Alyami]

انا متخرج قبل أربع سنوات كان علي اكثر من مخالفه
رحت امريكا سياحة قبل أربع شهور والأمور تمام ما راح أحد يسألك إلا إذا سويت مخالفة في نفس المدينة اللي أخذت فيها مخالفة ومسكتك الشرطه ممكن يطلعون كل شي

توكل على الله ولا حولك شر

 

[Abdualaziz Alnasser]

ريحتوني الله يريحكم دنيا وآخره

 

[Moh'd Al Anezi]

طيب اخوي كان عليه محكمه بسبب مخالفات وترك امريكا والحين ناوي يرجع يعني في مشاكل ولا عادي