السلام عليكم ورحمه الله وبركاته.. أخواني أنا جاي على نيويورك . وحاب أزور...

[Saud Bader]

السلام عليكم ورحمه الله وبركاته..

أخواني أنا جاي على نيويورك . وحاب أزور جزر الهاواي ؟ وين مكانها في الخريطة وش أقرب ولايه لها ؟ وكيف أوصلها بالمواصلات ؟ وش اهم اماكن فيها وكم يكفيها من يوم ؟ الله يجزاكم خير

 

[Memo Al Mutrifi]

بعييييدة مرة هاواي عن نيويورك

 

[Memo Al Mutrifi]

أقرب ولاية لها كاليفورنيا أو أريزونا و تطلع لها بالطيارة

 

[Saud Bader]

حلو أختي انا جاي اتمشى في اكثر من ولايه . وراح اكون في نيفادا؟ يعني هي قريبه منها ؟ هل تحتاج فيزا كمان او هي تبع امريكا

 

[Memo Al Mutrifi]

حلووو إذا تطلع لها من نيفادا .. راح تكون الرحلة تقريباً ٥ ساعات تقريباً
هاواي ولاية من الولايات الأمريكية .. ما يحتاج لها فيزا

 

[Saud Bader]

5 ساعات بالسياره ؟ يا ليت لو تعرفون اماكن جميله فيها عشان ازورها

 

[Memo Al Mutrifi]

لااا موو سيارة .. مستحيل
هي بوسط البحر و بعيدة و لا فيه جسر أو شي يربطها بالولايات الثانية

 

[Memo Al Mutrifi]

أشهر جزيرة من جزر هاواي هي جزيرة هونولولو .. إقرا عنها بقوقل .. و حلو لو عندك وقت تشوف باقي الجزر

 

[Abdullah Alhumood]

هاواي ولاية أمريكيه عباره عن مجموعه جزر 4 رئيسية, افضل طريقة لزيارتها من طياره من كاليفورنيا ومده الرحلة تقارب 5 ساعات وتزيد.

كل جزيره لها طابع خاص واسعار مختلفه, النشاطات متنوعة وكثيرة وتتعلق بالبحر والسباحة والطبيعة غالباً.

استأجر سياره افضل وسيله للتنقل وانصح باسبوعين كحد ادنى لان المكان بشكل عام نشاطاته والمعالم السياحية كثيرة جداً وزيارتها متعبة بنفس الوقت.

بالتوفيق

 

[Saud Bader]

أخوي وش أقرب ولايه لها تكساس أو نيفادا ؟ لاني راح امرهم . كاليفورنيا ما راح أجيها لاني سبق وجيتها قبل .. بالاضافة كيف الطريقة الوصول إلى جزيرة هاواي ؟ هل هناك موقع أشتري تذكره ؟ وجزاك الله خير

 

[Abdullah Alhumood]

نيفادا اقرب لكن يعتمد من وين بتطلع.

اوكي اولا تحدد الوجهه الى اي جزيرة بالضبط , لما تدور تذكره تكون الى احد المطارات في الجزر الاربعه

Priceline KAYAK and expedia كلها مواقع للتذاكر

جزيرة Big Island الي هي اكبر جزيره فيها مطار في منطقه اسمها Kona وممكن زياره منطقه اسمها Hilu في نفس الجزيره وزياره Volcano

ويوجد ايضا مطار في جزيره مدينه Lihu في جزيرة kuaui الي هي على طرف الجزر

وفيه طبعا هونولولو لكني ماعرف شي عنها لكنها مليانه منتجعات فخمه

فالطريقه تدور عن مطار الجزيره الي بتروح لها وتدور تذكره لها.

بالتوفيق

 

[Saud Bader]

أنا محطه العوده للسعوديه هيوستن . اذا راح أطلع من لاس فيقاس لهاواي. هل تشوف أني أمر الجزر الاربعه كلها أو هناك جزر أهم ؟

 

[Abdullah Alhumood]

حسب جوك صراحة, لكن الجزيرة الاولى فيها اكثر من شي ممكن تسويه واسعارهم رخيصة , هونلولو نار واغلب الي ممكن تسويه بتلقاه باسعار ارخص في جزر ثانية

 

[Saud Bader]

Abdullah Alhumood اللحين ماني عارف الطريقة أنا بروح من نيفادا الى هاواي طيران ؟ بعدين كيف اروح للجزر بالباخره ؟ انا بجلس اسبوع بس وش الجزر اللي تنصحني فيها ويا ليت تعطيني تفاصيل تراني غشيم ههه

 

[Saud Bader]

شباب أنا بجلس في اورلاندوا 3 ايام . وابي اروح مدينة ثانيه لمده 3 ايام ؟ وش تنصحوني هل باناما أو تامبا أو ديتونا ؟ ميامي ما ابيها لاني شفتها ..

 

[Abdullah Alhumood]

زمان كان فيه بواخر الحين التنقل بينهم بالطياره . اسبوع انا اقول big isle فيها كم شي حلو والبركان ممكن تشوفه راسلني عالخاص بايميلك وبرسلك التفاصل