دخلت الاختبار مرتين الاولى تجربة وأتعرف على الأجواء وطبيعة الاختبار ..
والمرة الثانية اتعلمت استراتيجيات حل الأسئلة من مواقع مختلفة منها IELTS buddy & DC IELTS.
أتدربت على كل سكشن كم مرة الصراحة مو كثير .. بس الحمدلله الاختبار كان سهل والطرق اللي استخدمتها كانت جداً فعالة بحيث الوقت كان كافي وزيادة ..
بالنسبة لل المحادثة حاول تستخدم الكلمات اللي تعرفها وأتكلم باللي عندك وأعطي أمثلة او تجربة مثلاً مريت بها والشيء الثاني اعرف كيف تبدأ الإجابة او اذا مافهمت السؤال تطلب انه يتعاد بطريقة اخرى والكتابة برضو سهل اذا اتعلمته صح في المعهد واستخدم فوكاب أكاديميك وغيرها من الأشياء. بالنسبة للتاسك الاول هذا بسهولة اذا حليته بطريقة ممتازة تجيب ٥.٥ ولكن للتاسك الثاني علي الدرجة الأكبر واعتقد ٤ براقرافات كافية في التاسك الثاني ولكن يعتمد على موضوعك بيكون مقدمة واثنين بودي برارقراف وخلاصة ...
الاستماع ؛ حاول تسمع كثير خصوصاً للبريتيش اكسنت وتحل نماذج .. وفي ميزة حلوة انه بعض الاجابات حتلاقيها مكتوبة في الصفحات الجاية فمستحيل تغلط بالإملاء والشيء الثاني بالنسبة للاختياري هو المتحدث راح يقول كلمة معينة وتعتقد انها الإجابة الصح ولكن غالباً الكلمة اللي تذكر في التسجيل تكون خاطئة فأنت على طول احصر اجابتك بين خيارين وانتبه وحدد الكلمات المفتاحية قبل مايبدا الكلام .
القراءة هنا اللعب عاد: أولاً اختار اسهل قطعة وحلها وانت متاكد من حلها ممكن تكون الاولى او الثانية او الثالثة في القراءة لك حرية الاختيار من أين تبدأ، حدد الكلمات المفتاحية في الأسئلة وعلى طول فكر في ال synonyms لها لانه جواب الأسئلة paraphrase للقطعة , اهم نقطة وتقريباً ٩٠ ٪ من الأسئلة راح يجي جوابها تحت بعض مثلاً ... الان لقيت جواب ٢ و ٤ اعرف مباشرة انه جواب ١ قبل ٢ وبعدها على طول ٣ ثم ٤ .. حتكون مرتبة بس تلقى اجابة خلاص الباقية حتكون قريبة منها وهكذا لا تنط بين البراقرافات ترجع للأول او تروح الأخير وهكذا خليك قريب هذا بالنسبة لسؤال واحد فقط والسؤال الثاني تلقى أجابة الباقية قريبة منها.. بالنسبة للفراغات انه حتلاقي الجمله مكتوبة وهي نفسها ولكن بطريقة اخرى عن القطعة بتكون passive او اي طريقة اخرى لتحوير الجملة المهم المشكلة بعض الأحيان ماتعرف الكلمة الناقصة ايش هي ؟!
فحاول تركز على ايش ممكن يجي في الفراغ فعل او اسم او صفة وتحط نفس الكلمة بدون تغييرها بكلمة اخرى غير موجودة في جملة الإجابة بس ممكن تغيرها تكون ماضي او passive او غيرها .. لتناسب الفراغ ..
النقطة الاخيرة اذا ماعرفت الجواب اتركه وروح لسؤال ثاني ماعرفته خير شر انتقل لقطعة اخرى وحلها والعب لعب في القراءة بالطريقة هذه وبعدها ترجع للي ماحليتها وتركز فيها لا تحط جهدك وتركيزك في قطعة واحدة أبداً ..
هذه طرق اتعلمتها وطبقتها وبس انت ممكن تجرب طرق اخرى في وقت البراكتيس ، وبالتوفيق يارب والاختبار سهل بس يعتمد على ال tricks و الاستراتيجيات
