السلام عليكم يا اخوان انا منزل أربع كلاسات...

  • بادئ الموضوع بادئ الموضوع Abo Azh
  • تاريخ البدء تاريخ البدء
A

Abo Azh

:: مسافر ::
السلام عليكم يا اخوان انا منزل أربع كلاسات منها واحد اون لاين واثنين هايبر ومدري وش وضع الملحقيه هل تقبلها أو لا..لانه حاليا مافي مواد أخرى اقدر أضيفها سويت كراش لكن مانفع..وللمعلومية والاون لاين مو كول اوف ديوتي. تراها مواد مطلوبه واصعب من الكلاسات الاون كامبس وحنا في ٢٠١٦ التكنلوجيا ركن أساسي في التعليم اتمنى الملحقيه تعطي الطالب فرصه و تفهم هالشيء اللي له خبره بهالشيء ياليت ييساعدني بالحل والله يجزاكم خير
 
المفروض انك ماخذ منهم موافقة قبل التسجيل في مواد الاونلاين ولكن بما انك بديت ترى الملحقية تسمح ب ١٢ ساعة اونلاين للباكالوري و٩ للماجستير
لازم تجيب خطاب من المشرف الدراسي يوضح ان المواد مطلوبة ومن متطلبات التخرج وان مالها بديل في الكامبس وإن شاء الله يوافقون عليها
 
يعني احضر كلاس ماسجلته
وآخر الكلاس اكلم الدكتور يضيفني

انا كنت منزل ساعات كثيره للطوارئ وكله بسبة الملحقيه مقروشتنا شالين همها وين مارحنا لك لما جلست مع الكونسر حذفها كلها سالفه طويله
 
الحين الاسبوع الثاني ومطلوب مني كتب وإيجاد ادفع وموقفين الصرف لأنهم طلبوني اسوي تأجيل بعثه ورافع لهم اوراقي من اسبوعين انا شبه هوملس اقسم بالله.. أبكي الحين ولا أجلها مدري وش اسوي
 
اخوي تأخذ خطاب من الأدفايزر يُبين فيها ان المواد اللي خذتها مطلوبه عليك ولازم تاخذها وان مافي الا هالمواد حاليآ وبأذن الله يوافقون
طبعآ من تجربة
 
الله يوفقكم ياراعين التجارب انتم اهم شي في الابتعاث لولا الله ثم انتم ماكان عرفنا نحل مشاكلنا الله يسعدك يا اخ سالم انت والاخ ماجد ماتعلمون كيف ان المده قصيره وما اقدر اغير الجدول وكنت محتاج ردودكم اللي افادتني الله يجزاكم خير على مساعدتكم
 
انا منزله كورس اون لاين ، و الملحقيه دفعت رسومه و مَ فيه مشكله ،. طلب مني المشرف ورقه مَ مكتب التسجيل بالجامعه موضح فيه كم اون لاين كورس اخذت و كم ساعه الي ابيه و توضيح هل هو كور ولا اليكتف ..
 
المواد كلها عامه ومطلوبه اول ترم ضبطت الجدول من السعوديه بس المستشار قالي احذفها كلها ولضيق الوقت ماقدرت أخذ هذي المواد جميع الكلاسات قفلت ( سالفه طويله) لكن كلمت الادمشن اليوم على الورقه قالو بعد يومين بنطلعها لك بنوضح فيها كل شيء

الله يعطيكي العافيه يانوشا وجميعكم مشكورين على المساعده الله يجزاكم خير يارب
 
الله يكون في عونك
بالنسبة للرسائل الخاصة الي ماتجيك ، ادخل الفيس بوك من اللاب توب ، تلقى مجلد " اخرين " في الرسائل الخاصة .